Kamp is Lekker Tydskrif November 2020

strelende en helende warmwater te klim.
Daar is orals afdakkies rondom die 3
swembaddens sodat ‘n mens lekker kan
kuier by die swembad. Vinnig raak ‘n mens
deel van die geselsskap in die swembad
en gou het elkeen vertel waar hy al
gekamp het en waarheen hy volgende
oppad was om te gaan
kamp.
Terug by ons staanplek het
ons vuurtjie aangesteek en
‘n lekker skemerkelkie
geskink. Ons het nog so
lekker gesit en kuier toe ‘n
groot skilpad en sy maat
verby gestap gekom het en in die
karoobossies naby ons staanplek verdwyn
het. Ek kan nie onthou wanneer laas ek so
‘n groot skilpad gesien het nie! Verder
kuier daar ook ‘n paar poue by die
kampterrein en roep aanmekaar hulle
maats.
En dan was daar ook ‘n paar mossies en
ander voëltjies wat op jou stoel kom sit het
en vlekvlooi het vir ‘n krummeltjie van jou
“
Te gou was ons 2 dae
se kamp by
Warmwaterberg Spa
verby, maar ons sal
weer kom kamp – dis
verseker.
braaibroodjie. Dit was regtig so lekker om
omring te word met hulle vlerkies wat klap
en die getjirp-geselsskap.
Die lekkerste van kamp by ‘n
warmwaterbron is sekerlik om in die
swembad te gaan ontspan as die son
reeds gesak het – en natuurlik het ons
weer ‘n draai by die
swembad gaan maak
voordat ons laataand in die
daktent gaan inkruip het vir
‘n salige nagrus na al die
dag se swemmery en kuier
in die karoo sonnetjie.
Van laatslaap was daar
egter geen sprake nie…vroegoggend het
die poue al die kampeerders by die
kampterrein wakker geroep. Ek was nie
spyt nie, want wat is dan nou lekkerder
om vroegoggend die fluit-ketel op die
gasplaat te sit en te wag dat die fluitjie
aankondig dat dit tyd is vir goeie
ordentlike koffie! Rikus het dan ook later
vir ons die lekkerste ontbyt gemaak – met
baie proteïene sodat ons energie moes
hou vir ‘n voldag se kamp en kuier…