Kamp is Lekker November 2021

toe welliswaar niemand anders as Phillip du Plessis nie!
Alhoewel dit steeds gereën het, was Phillip weer op sy
pos om die vakansiegangers aan die gang te hou…en
hy het homself beslis goed van sy taak gekwyt. Een van
die speletjies wat hulle gespeel het was NOOT VIR
NOOT. Dit was baie komies om te sien hoe die ouer
persone opvlieg en na Phillip toe hardloop as hulle een
van die ou liedjies van toeka se dae herken het. Toe “Es
‘n dapper muis” begin speel, het daar sommer ‘n hele
paar gryses-van-dae vorentoe gehardloop – die kinders
moes maar bontstaan met die paar manne wat verwoerd
vorentoe gebeur het om eerste by Phillip uit te kom…Die
man wat die prys toe wen vir “Dapper Muis”, was BAIE
opgewonde. Hy en sy vrou het later verby ons gestap
waar ons by die Koswerf gesit het…sy vroutjie het
vasberade vooruit gestap en hy agterna met ‘n groot
glimlag op sy gesig (so asof hy ‘n bak room gekry het)
en teen haar rug vasgesing…”Ek’s ‘n dapper muis”. O
jitte, ek dink sy moeilikheid was naby, want mamma was
nie baie ingenome met hom vir een of ander rede
nie…Maar ag wat – as pappa vanaand se
braaivleisvuurtjie aansteek en vir haar ietsie skink was
alles seker weer reg…Ek hoop so vir die Dapper-Muis-
Omie se part.
Die ontspanningsterrein by ATKV Natalia beskik oor ‘n
lekker groot swembad met ‘n kleiner swembadjie vir die
kleiner kinders. Die waterwurm is ook ‘n groot
aantrekking en dan geniet oud en jonk ook om die puttputt
te speel of om te kyk wie die beste skuiwe by die
reuse-skaak kan maak – skaakmat! Die springmatte hou
oud en jonk besig en die strand-volleyball hou die
kompeterende kampeerders op hulle tone. Daar is ook
‘n lokaal waar die jong klomp teen mekaar kan pool
speel. Wat ons veral geniet het, was die braaigeriewe
wat by die swembadarea is. Daar is ‘n klomp braaiplekke
langs mekaar met kuierbankies, dus kan kampeerders
sommer by die swembadarea braai of potjie maak sodat