Kamp is Lekker November 2021

CAROCHALET
Ons eerste oornag stop was by Middelburg, net
anderkant Graaf-Reinet – ons wou soveel as
moontlik kilo’s agter ons sit vanaf Riversdal,
sodat ons die volgende dag rustiger die pad kon
geniet. Ons het vroegaand aangekom by
Carochalet en die dame het gesê dat ons enige
plek op die kampterrein kon staan, maar dat sy
voorstel dat ons sommer digby die
ablusiegeboudjie opslaan. Die geboudjie is toe
eintlik baie oulik – ‘n klein sitkamergedeelte, ‘n
kombuisie met opwasgeriewe, ‘n eetkamertafel
met stoele waar ons lekker kon sit en eet en dan
die badkamertjie met ‘n stort, wasbak en toilet.
Buite die klein ablusieblok is ‘n sementblad met ‘n
tuinstelletjie.
Carochalet is in die middel van die dorpie Middelburg, in die Oos-
Kaap op die N9 tussen Colesberg en Graaff-Reinet geleë. As jy
eers by die hek van die terrein inry, kan jy nie jouself indink dat jy in
die middel van ‘n dorp is nie. Daar is 6 ongemerkte staanplekke,
almal met elektrisiteit. Die gronde is goed versorg en daar is selfs
‘n swembad waar kampeerders kan gaan afkoel na ‘n lang dag se
konsentreer op die pad. Behalwe die kampterrein in daar ook ‘n
verskeidenheid van selfsorgkamers en eenhede waarin jy kan
oorbly oppad na jou bestemming. Carochalet is bekostigbaar en ons sal weer daar stop vir oornag in die toekoms.
CAROCHALET
Tel: 082 253 9911
www.carochalet.co.za
S 31° 29.580" and E 24° 59.990"