Descargar publicación pdf - Esdemga - Universidade de Vigo

PURIFICACIÓN
GARCÍA
ENTEVISTADA POR
LOLA DOPICO
O primeiro que me gustaría preguntarche vai dirixido a todos os mozos/as atraídos pola moda que quererían
adicarse profesionalmente a este sector, sei que a túa filla tamén se adica ao ámbito da moda. ¿Qué
recomendacións farías aos mozos que queren construír un proxecto de negocio neste sector?
Está claro que en primeiro lugar tes que ter claro quen é o teu cliente, realizar un estudo de mercado para valorar a
viabilidade e empezar pouco a pouco a non ser que teñas a sorte de ter un gran respaldo detrás. De todos xeitos, o
coñecemento do sector e a humildade son o máis importante
LOLA DOPICO
Directora de ESDEMGA. Estudos
Universitarios en Desño Téxtil e Moda de
Galiza.
Un percorrido profundamente autodidacta é pauta común en moitos deseñadores da túa xeración. ¿Qué opinas da
necesidade que ten a industria galega de dotarse de profesionais con capacidade para integrarse na industria tal
e como é hoxe en día? ¿Para manterse actualizado na investigación e na produción neste territorio tan cambiante
que é a moda?
En pleno s. XXI hai poucos ocos para os autoditactas. Efectivamente proveño dunha xeración que non tivo as
oportunidades de formación que actualmente existen pero tampouco tivo as dificultades que teñen as novas xeracións
para facerse un oco no mercado laboral. Nós eramos moito máis ousados, non tiñamos un guión escrito, escribiámolo
nós. Agora a xente ten oportunidades para formarse, ademais de en deseño, en produción e en prensa especializada en
moda, os tres piares máis importantes. Creo que as empresas galegas poden presumir neste sentido pois foron pioneiras
e continúan á vangarda, non se quedaron atrás. Iso si, non debemos centrarnos e investir no deseño unicamente, a
industria ha de ser punteira tamén para ser áxil e adaptarse á rapidez do mercado actual.
Moda ás veces parece asociarse a un perfil de frivolidade que pouco ten que ver coa realidade dos profesionais
que non traballan, ter que revalidar o teu proxecto cada seis meses non é nada doado senon un reto permanente.
O deseñador ha de ser fundamentalmente vocacional para aguantar a presión dun ritmo de traballo tan intenso?
Que te move a ti?
PURIFICACIÓN GARCÍA
Deseñadora
Totalmente vocacional. A min o que me move, o que sempre me moveu é a ilusión, as ganas de superarme, o reto
constante. O do glamour e a frivolidade non existe cando tes que viaxar durante semanas buscando o tecido apropiado,
vendo feiras, buscando os mellores bordados nun mercado... traballando horas no taller para que as producións cheguen
a tempo, e cando remataches unha colección, volta a empezar.... A ilusión e o amor polo teu traballo fai que cada seis
meses xurda o milagre.
Nós dende a titulación facemos moito fincapé na necesidade dos mozos creadores de formarse pero tamén é
necesario ter un motor persoal poderoso unha paixón inicial polo tecido, pola cor, pola linguaxe. ¿Vives así a túa
relación coa moda?¿Cal é para ti o factor detonante do proceso de creación nunha colección, o tecido, o ambiente,
a cor?
Para o min primeiro o tecido e a cor e logo ven a forma. Sempre tiven especial habilidade para conxugar cor e tecido, iso
é un paso importante. Supoño que cada un ten un punto forte. Iso si, logo fai falta un bo patrón para obter a peza que
buscas.