Descargar publicación pdf - Esdemga - Universidade de Vigo

10. SILVIA
MOURE
GLENN GOULD. VARIACIONES GOLDBERG
O meu primeiro achegamento real á obra para piano de Bach foi a través da interpretación de
Glenn Gould das Suites francesas. De súpeto deixei de odiar aquela música sen pedal e empecei
a interesarme por lograr entender por separado e pacientemente cada unha das novas fórmulas e
melodías que propoñía Gould.
O contraditorio hermetismo co que a súa vida persoal se erixiu durante o seu medio século de
idas e vidas como figura ensimesmada e solitaria se abría polo contrario nas melodías de Bach
intelixibles para min ata o momento.
Repetía unha e outra vez poucos segundos de audición gravada de calquera compás que me
encontrase debullando e intentaba experimentar a propia sensación que os gruñidos de Gould
me transmitían. As súas regras non eran as mesmas que as do resto do mundo, rematou co
romanticismo e aproximouse ao máis puro barroco. Fluía tal liberdade dentro das acentuacións, o
ritmo, o fraseo e os matices que aquel a quen tanto aborrecía interpretar acabou converténdose no
meu predilecto.