S aúdo - Feira Internacional de Galicia. FIG Silleda

8 I
SAÚDO D0 CONSELLEIRO DE PRESIDENCIA,
ADmINISTRACIÓNS PÚBLICAS E XUSTIZA
e PRESIDENTE DA fUNDACIÓN SEmANA vERDE DE GALICIA
D. Alfonso Rueda Valenzuela
Saúdo
Como presidente da Fundación Semana Verde, compráceme
darlles a benvida ao Certame Internacional da Maquinaria
de Forraxe, Cimag, que chega a esta a súa quinta edición
consolidado xa como o mellor escaparate para o sector en
toda a península e como un dos eventos máis importantes que
se celebran no recinto feiral de Silleda.
Dende a Xunta de Galicia temos impulsado unha
imprescindible redefinición da actividade da Fundación
Semana Verde, para que sen perder de vista os seus fins
fundacionais e as súas orixes, fose capaz de modernizarse e
abrirse a todos os públicos. Nese novo marco, Cimag encaixa
á perfección e ofrece negocio, innovación e coñecemento
nun ámbito tan vinculado historicamente á Semana Verde
como é o da maquinaria agrícola e o sector forraxeiro.
En tempos de grandes dificultades económicas, a Semana
Verde ten sabido reinventarse e amosar que pode ser viable
apostando por certames multisectoriais abertos a todos e
por citas profesionais dirixidas a sectores específicos. O
obxectivo da Xunta é que, do mesmo xeito, o agro galego saiba
saír reforzado da crise económica, e para iso é fundamental
apostar polos avances tecnolóxicos, pola innovación e
polo desenvolvemento, cuestións estas que están ben
representadas en Cimag.
Dende o Goberno galego estamos comprometidos co
reequilibrio territorial e cunha Galicia que ofreza as mesmas
oportunidades aos seus cidadáns sexa cal for o lugar onde
viven. O sector primario ten marcado o pasado de Galicia e
estamos convencidos de que tamén ten futuro. Cimag é o
vivo exemplo de que a innovación casa co mantemento dos
sectores tradicionais e que, aínda máis, é un pulo para o seu
desenvolvemento. Só me queda desexar o maior dos éxitos
ao certame, xa que será garantía á súa vez do éxito do agro
galego.