2 - CRDP Aquitaine
2 - CRDP Aquitaine
2 - CRDP Aquitaine
Create successful ePaper yourself
Turn your PDF publications into a flip-book with our unique Google optimized e-Paper software.
4<br />
Editoriala<br />
Laborantza, artzaintza eta oihan aktibitateak betidanik izan dira nagusi Euskal Herriko mendietan. Bortuen<br />
kudeaketa sistemari esker –bortuak ondasun bateratu gisa kudeatuz-, egungo bazterrak moldatu eta zaindu<br />
ahal izan dira, natur ondasuna eta nortasun kulturala babestu ahal izan dira eta herriek bizirik iraun dute.<br />
Halere, azken hamabost urteetan, laborantzaren eta artzaintzaren ekonomia ahuldu denez eta turismoaktibitateak<br />
garatu direnez, Euskal Herriko mendiek aldaketa handiei buru egin behar diete. Mendiko baliabide<br />
desberdinek –laborantza eta artzaintza alde batetik, eta turismoari loturiko aktibitateak bestetik-, gatazkak<br />
sortzen dituzte; lurralde horien kudeatzaile publiko girelako, geroan sustatu behar den garapen motei buruz<br />
zalantzak sortzen zauzkigu: nolako mendia utzi nahi diegu seme-alabei?<br />
Ezer ez badugu egiten, Euskal Herriko mendiaren bizitasun berezia ahulduz joanen da, hain segur, Pirinioetako<br />
mendiguneko beste hainbat tokitan gertatu den bezala. Laborantzaren gibelaldiak, emeki-emeki, lurraldea<br />
jendez huts lezake; hala balitz, epe luzera, laparra berriz nagusituko litzateke mendietan.<br />
Geroari buru egiteko, Mendi elkargoek eta herri elkargoek Euskal Herriko mendien garapen iraunkorrerako<br />
ituna sortzea erabaki dute, lurraldeko erabiltzaile guziekin; bai mendian bizi direnekin, bai mendiari esker bizi<br />
direnekin, baita ezagutzera eta pausatzera heldu direnekin ere. Mendi ituna etorkizuna elkarrekin eraikitzeko<br />
bidea da, mendiak bizirik, aktiboa eta zaindua iraun dezan.<br />
Bestalde, Mendi elkargoek elkartasunaren, mutualizazioaren eta taldeko inplikazioaren baloreetan<br />
oinarritutako kudeaketa-modua eramaten dute. Mendi itunari esker, Euskal Herriko mendien garapenaren<br />
kalitatearen alde aritzen ahalko dira.<br />
Euskal Herriko mendien garapen iraunkorrerako ituna egiazko erreferentziazko dokumentua da; 56.000<br />
biztanle inguruko lurraldeko obragintzaleen ekintzak bideratzeko ekintza printzipioak eta norabide<br />
estrategikoak zehazten ditu.<br />
Mendi itun hori finkatzeko, 2007ko maiatzetik uztailera, tokiko 200 eragile inguru ari izan dira elkarrekin<br />
lanean: hautetsiak, abere hazleak, artzainak, oihanzainak, ehiztariak, arrantzaleak, mendizaleak, turismo<br />
alorreko profesionalak, naturalistak eta abar.<br />
Abian ezarri den dinamika segitu behar da, orain ekintza-programa zehaztu behar baita. Gutarik bakoitzari<br />
dagokio Mendi itun hau biziaraztea, lurraldearen zerbitzurako tresna dinamikoa izan dadin eta mendiko<br />
ingurumena kontuan hartzen eta errespetatzen duten giza aktibitateak babesten segi dezan.<br />
Michel Bidart, Président de la Commission syndicale de la Vallée de Baïgorry<br />
Jean-Louis Caset, Président de la Commission syndicale de l'Ostabaret<br />
Joseph Goyenetche, Président de la Commission syndicale du Pays de Cize<br />
Jean-Pierre Mirande, Président de la Commission syndicale du Pays de Soule<br />
Paul Baudry, Président de la Communauté de communes de Errobi