Law determining the organisation, functioning and responsibilities of

28º Perezida w’Inama y’Igihugu y’Abagore;
29º Perezida w’Inama y’Igihugu y’Urubyiruko;
30º Uhagarariye Ishyirahamwe rihuza Uturere n’Umujyi wa Kigali (RALGA).
Ingingo ya 23:
Inama Ngishwanama ku rwego rw’Igihugu itumizwa kandi ikayoborwa na Minisitiri w’Intebe; iterana
rimwe mu myaka ibiri n’ikindi gihe bibaye ngombwa. Muri iyo nama hashobora gutumirwamo umuntu
wese ukenewe ku bidukikije.
UMUTWE WA V : UMUTUNGO N’IMARI.
Ingingo ya 24 :
Umutungo wa REMA ukomoka aha hakurikira:
1º ingengo y’imari ya Leta;
2º ibiva ku bikorwa n’ imirimo byakozwe na REMA;
3º amafaranga atangwa n’abaterankunga;
4º inkunga, impano, indagano n’ imfashanyo.
Ingingo ya 25 :
Imikoreshereze, imicungire n’imigenzurire by’umutungo wa REMA bikorwa hakurikijwe amategeko
agenga igenzurwa ry’umutungo wa Leta. Ubugenzuzi bushinzwe igenzura rya buri munsi
ry’imikoreshereze y’umutungo wa REMA buha raporo Inama y’Ubuyobozi bukagenera kopi umuyobozi
wa REMA.
Ingingo ya 26:
Ingengo y’imari yemezwa kandi igacungwa hakurikijwe amategeko agenga ibaruramari rya Leta.
UMUTWE WA VI : INGINGO ZISOZA
Ingingo ya 27:
Ingingo z’amategeko yose abanziriza iri kandi zinyuranyije na ryo zivanyweho.