LETRA d'INFORMACION deu 22 de seteme de 2011 - Ostau Bearnés

Letra d'Informacion Ostau Bearnés
Çò de prometut qu'ei devut ! Peu purmèr còp a Pau,
la lenga deu país que retrení au parat deus Dias
Europèus deu Patrimòni qui's debanèn la dimenjada
passada.
N'ei pas jamei estat hèit probable a noste, mes
l’Ostau Bearnés qu'a prepausat a’us qui ac volèvan
ua visita seguida deu còr istoric de la vila de Pau e
qu'a hèit (tornar) descobrir los barris e las carrèras de
la vielha vila. En dus dias, un bon cincantenat
d'auditors (participatius !) que ns'an seguit au darrèr a
maugrat de la ploja qui era tanben hè partida deu
patrimòni bearnés. Tots, qué sian paulins o bearnés
qui parlavan la lenga de hiu, curiós qui volèvan
enriquí's en tot enténer la lenga deu país, o enqüèra
"hòravienguts" de Lorèna o d'enlòc mei, que son
estats hòrt escotós e interessats dinc a la fin de las
tres òras de passejada.
Arrés n'estó getat d'estrems, tots los tèrmis tecnics o
desconeguts, e l'integralitat deus comentaris lo
dimenge que son estats arrevirats en francés entà
qu'aquera visita seguida e sia de bon compréner tà
tots.
Quitaments se l’istòria de la vila e de’us qui l’an
marcada (Enric II au, Joana de Labrit, Enric IV au,
Gaston Febus, los comtes de Guisha o de Gramont,
Marca, Bernadòta…), los lòcs de mau mancar (la
Hauta e la Baisha Planta, los barris deu Hedars e
deu castèth, lo Baloard deus Pirenèus, los musèus e
bastiments màgers…) e son estats evocats de segur,
aquera visita que’s focalizè mei que mei sus l’istòria,
o meilèu las istuèras desconegudas, secretas e
saborosas deus lòcs qui son estats traucats. Qu’ei
atau qui lo monde e’n podón saber drin mei sus las
practicas deus paulins d’un còp èra, sus quauques
personalitats deu parçan (Jan de Tran, lo borrèu, las
« deputadas », lo regent resistent, l’engenhaire
holastràs, Recabòrda, los monges estacats, …) o
suu bestiari paulin (las vaquetas, la tortuga, lo can
trepet …).
Las legendas o las enigmas istoricas tanben que s’atraçèn un bèth tròç de la matiada (los cagòts, las mairs de
popa reiaus …). La passejada qu'estó tanben l’escadença de visitar dab l’imaginari lòcs uei lo dia
desapareishuts : un platèu de cinèma, las escorgerias, la tavèrna mei dròlla deu monde, las barraquèras o
enqüèra un teatre qui non serví pas jamei…
mhtml:file://C:\Users\user\AppData\Local\Microsoft\Windows\Temporary Internet Fi...
Page 3 sur 28
23/11/2011