PESCIU ANGUILLA_Extrait
Create successful ePaper yourself
Turn your PDF publications into a flip-book with our unique Google optimized e-Paper software.
Cirer !...<br />
fessi paura à Pépé chì, quand’ellu u vidìa, scappava cum’è s’ell’avessi avutu u<br />
focu à l’anche.<br />
U babbu currìa. U zitellu currìa ancu più. È s’ell’unn’era à l’impruvisu, ùn<br />
li si mettia mane addossu. È ancu ! Unn’era micca siguru, dopu avellu chjappu,<br />
ch’ell’ùn scappassi di e mane. Infatti, nutava cum’è u pesciu è squillìa cum’è<br />
l’anguilla, ciò chì l’avìa valutu d’esse cugnumatu Pesciu Anguilla.<br />
‘Ssa matina, a mamma l’avìa dettu, mettenduli trè baiocche in manu : « Tè,<br />
vai à pigliammi un soldu di zuccaru è una baiocca di caffè. Spìcciati ! » Di a so<br />
natura vagabondu, u zitellu si n’era andatu à girandulà, segondu l’usu, versu<br />
u Portu Vechju. Ell’amava à corre cun d’altri perdi ghjorni di a so età, sempre<br />
à l’oziu, è tutt’inseme ne facìanu quant’è Cuchjetta, u quale ùn stava manc’un<br />
ghjornu senza cummette una malfatta.<br />
Spenseratu, Pépé si ne venìa pian pianinu in casa. A collera di a mamma<br />
u lasciava freddu. Faustina era cum’è tutt’e donne chì, quand’elle menanu à i<br />
figlioli, pare ch’ell’alliscinu i panni. Però, entrò in casa in timiconi, passendu<br />
arrente i muri, mane davanti, cum’è per francassi d’i colpi pronti à falà.<br />
A mamma era venuta à u so incontru, gridendu è minaccendu.<br />
– Ci vole à fatti move ! Duve sì statu, o furdanò ? Ghjè un’ora ch’eiu ti<br />
chjamu. Iè ! hè quant’à dì : « Signore, paratemi sta vacca ! »<br />
Senza risponde, Pesciu Anguilla si tenìa infidu, guardendu in sottu in<br />
sottu a mamma.<br />
– T’aghju sempre dettu, quand’eiu ti mandava à fà una cummissione, di<br />
ùn arreghjeti in locu. Alò ! dammi ‘ssu zuccaru cù ‘ssu caffè.<br />
Da una stacca prufonda di u so calzone, Pépé cacciò e cusarelle dumandate.<br />
A mamma ripigliò :<br />
– È à u to travagliu, ùn ci hai d’andà ? Parla ! Ùn manghji, oghje ?<br />
U travagliu di Pesciu Anguilla ? O Signore !... Una cascetta cun trè spazzulette<br />
dentru, duie scatule di lustru è un stracciu. U so “chantier” ? Tutt’i caffè induve<br />
ci hè un paghju di scarpi à lustrà, mediante un soldu.<br />
Faustina cuntinuò :<br />
– È quantunque u cunnosci ad ellu. S’ell’arrivassi è truvatti in casa, simile<br />
rivista unn’averesti mai ricevutu. Aiò, u mio figliolu, abbia un pocu pietà di<br />
mammata.<br />
– Un pezzu di pà ! grugnulò Pépé.<br />
19