PESCIU ANGUILLA_Extrait
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
vv<br />
Un’affaccata pè issi carrughji…<br />
Ogni volta ch’o cascu nant’à u Pesciu Anguilla di Dalzeto, aghju modu à pruvà…<br />
ma ùn sò più quì !<br />
Mi ne vò à l’arritrosa, voltu ind’è l’anni settanta, quandu aghju scupertu tante<br />
cose nant’à Bastia. Innò, micca a cità stessa, chì quessa mi pare di cunnoscela<br />
da sempre, oghje cum’è eri. Cumu quandu era zitellu. L’aghju pocu cappiata…<br />
è avà, stò in Biguglia. Ma basta a mìnima scusa è mi ci facciu un’affaccata…<br />
Iè, un’affaccata pè issi carrughji…<br />
Avìanu i so lìmiti, issi carrughji… I so persunagi… E so scene…Pè i zitelli<br />
di oghje ùn sò s’elli esìstenu i lìmiti cum’o l’ammentu ancu eo in A Funtana<br />
d’Altea. In a suciabilità bastiaccia prima di i cambiamenti accaduti dapoi l’anni<br />
sessanta, i carrughji avianu abbastanza caratteri sputichi soi da pudelli cunservà<br />
ad ognunu a so identità particulare senza nuce à l’unità di a cità di pettu à u<br />
vicinatu campagnolu è u restu di a Corsica. Si infatta ch’iss’identità ùn hè più<br />
cusì stagliata per via di i spiazzamenti di e persone trà e classe suciale ; eppo’<br />
e regione geugràfiche, per via di a scola, l’urganizazione di u tempu dopu à u<br />
travagliu ; eppo’ in generale e mudìfiche di l’abitatu è di a vita in cità. Eppuru<br />
sopr’ à locu fèrmanu abbastanza pupulazione di u lucale – soprattuttu in i<br />
carrughji ch’ùn anu avutu tanti cambiamenti architetturali è suciali – è dinù<br />
abbastanza caratterìstiche da fà ch’i zitelli chì ponu sente a memoria viva di i<br />
carrughji a tradùcinu in a so vita cù un sintimu di appartenenza da stringhje<br />
o da allenà segondu u percorsu di ogni indivìduu…<br />
Invece eo, oghje basta ch’o ci pensi è ùn sò più oghje….<br />
1