avis au public - web ctrl

14
D'Monnerecher Pompjeeën bestinn aus fille Memberen.
De gréissten Deel dovunner sinn tëscht 16 a
65 Joer al an hëllefen den an Nout gerodene
Matbierger aus der Gemeng. De Corps kann awer
och op d'Veteranen iwwer 65 Joer zeréckgräifen an
se ëm Rot an Dot aus hirer laangjäreger Erfahrung zu
jidder Zäit froen.
Fir dass d'Mannschaft ëmmer jonk an dynamesch
bleiwt, gëtt et och nach eng Jugendequipe. Vun 8
Joer un, a bis zum Alter vu 16 Joer, léieren déi Kléng
wat et heescht e Pompjeeë ze sinn.
Zu den Aufgaben vun de Jugendpompjeeën gehéiert
virun allem, wéi bei deene ‚Groussen', Disziplin. Vun
Ufank un, besti Jugendbetréier drop, dass jidder
Jugendpompjeeësmember séng Aarbecht serieux a
gewëssenhaft léiert an och ëmsetzt. Sou gesi se, dass ee
sech kann op anerer verloossen an dass déi sech och
op si verloosse kënnen. E gudden Equipegeescht ass
d'Grondbasis fir gudd zesummen ze schaffen a spéiderhin
beschtméiglecht Hëllef hire Matbierger ze
leeschten. Dës Erfahrunge kënnen di Jonk och soss an
hirem Liewen sécher gebrauchen.
An den Übungen gëtt duerch en oofwieslungsräiche
Programm d'Material vun de Pompjeeën erklärt an
och domat am praktesche geschafft. Wéi bei den
erwuessene Komeroden, huet och d'Jugend
Uniformen, Helmer an Händschen un, dass hinnen
och näischt geschéie kann. Sou gi se op den Übungen
un den Eeschtfall rugefouert, ouni dass fir se eng
réel Gefor besteet.
Wa se dann mol eegenhänneg e Brand vun engem
klengen, selwer gebaute Holzhäischen läsche mussen,
nodems se selwer d'Virgoensweis iwwerluecht
hunn, gesinn a versti se ganz séier, wéi wichteg et ass
fir sech kënnen een op deen aneren ze verloossen.
Dobäi schaffe se dann sou zesummen, dass di geléi-
VERÄINER
D'JUGENDPOMPJEEËN AUS DER GEMENG
erten Theorie och vun jidderengem kann ëmgesat
ginn. Zu de Ausgäng gehéieren och nach aner
Aktivitéiten. Sou geet d'Jugendmannschaft e puer mol
an d'Schwemm fir sech do auszetoben.
Et ginn awer och Touren rausgesicht, déi d'Kanner
zesumme mam Vëlo ze bewältegen hun. Dobäi hu se
kierperlech Beweegung, kenne frësch Loft aus de
Bëscher anotmen a se hun och nach vill Spaass an Éiergaiz
dobäi, fir sou munnech géie Bierg rop ze pedaléieren.
Aner sportlech Aktivitéiten sinn déi kantonal an
och national Schwamm- a Crossmeeschterschaften,
wou si sech mat anere Jugendpompjeeë moosse kënnen.
Dobäi hu se schonns vill Medaile gewonnen an
sou de Corps an der Ëffentlechkeet représentéiert.