14th November 2010 - Pune Mizo Website

AN OFFICIAL ORGAN OF PUNE MIZO CHRISTIAN FELLOWSHIP
Volume XXIII, Issue No. 13 Email- penial009@gmail.com 14th Nov. 2010
Tunkâr chângvawn:
Sual man chu
thihna a ni si a;
Pathian
thilthlawnpek
erawh chu,
kan Lalpa
Krista Isua
zarah chuan,
chatuana
nunna
a ni.
“He who shall
introduce into public
affairs the principles of
primitive Christianity will
change the face of the
world.”
~ Benjamin Franklin
Keini p awh
van mite u,
B e r a m p u t e
ang khanin;
“Leiah rem leng
se” tiin,
Min zai pui ve
dawn lo’m ni?
Vawiin Childrens’
Day ah hian PMCF
naupang zawng
zawng te chibai kan
buk a che u.
H A P PY B IR T H D A Y
Lalhmangaiha 17-Nov
H A P P Y C H I L D R E N S ’ D A Y
Kûtpui kan ur; Isua a bo chuan…
- Tea Khitthie
Khawvel thang chho zelah kan nunphung te’n hma sawn zelin tunhma
a kan hunpui ber ni thin pawh enjoyment leh entertainment dang tam tak
zel vang te pawh a ni fahmiang, a hlutna a dal telh telh ti ila kan sawi sual
tam lua talo ve ang. Hmanlaia khaw pakhatin radio/TV pakhat an in tawm
rawn hunlai leh pawnto culture lai vela an in lenpawh nasat te, a huhova
thiltih nuam tak tak te kha chu a era a zo tawh a. Zawlbuk leh pawnto culture
kha kan changkan san a; mi lu la hnam ni thin khan assimilation buaipui
nachang a hriat tak hi!
Englekhawle, duh la, duh suh la kutpui i thleng dawn! A ni, eng ang
pawhin hlimna leh lungawina hmunah chuan lam thaiin par kual vel thin mahla
Zofate mai ni lo khawvel kutpui – Kristmas leh kumthar hlimhlawt chu I hmaah
a in chhawp leh ta. Engtin nge ni zel dawn le?
Tam tak chuan he hunpui hi kan zo thin lova. Mari leh Josefa te iangin
kan nun hruaitu ber ni tur Isua Krista hi kan hloh chawk thin. Chumi hrin
chhuah chu a pawi thui theih zia hrelo turin sualin beng a chhu ngawng leh
zel bawk nen. I Isua kha i hloh khan pen engemawzat chu buaina neilo ni a
in ngaiin i pen a ni thei. Ni, Lal Isua tello hian thlamuanna derdep leh rintlakloh
hmang hian a lo thlamuan ve theih, reilote chhung chu (A bo thui thui hi an
thawveng zual emaw tih mai tur te a ni thin). Mari leh Josefa te pawh kha
Isua tello khan ni khat an lo kal hman tlat!
Mahse chu Isua chu i nei tawh
a, i hloh palh a nih chuan hloh hlen lo
ang che. Amaherawhchu chumi tur
chuan I hloh tih I hriat chhuah veleh
ngawrh tak a a mah i zawn let leh
nghal a ngai tih hria la. Isua an hmuh
leh na kha Temple ah zirtirtu ho bulah
a nih kha. Chutin nang paw’n i hmuh
lehna tur chu Ama din - a koh-hranah
hian a ni ang. Kohhran chu Krista
taksa a ni si a.
Isua chu an hmu nghal mai lo
tlat. Nikhat chhung an tibo a, a tello
in an kal a, mahse hmu let leh tur
chuan ni thum an bei. Beih nasat a
ngaih zia chu i ngaihruat thiam mai
awm e. Chuvang chuan i nei tawh a
nih chuan hunpui a ni emaw, ni lo
emaw, hloh tawh kher suh ang che.
Chuti a nih chuan he hunpui
lo thleng tur hi engtia hmachhawn turin
nge i in buatsaih? Tisa lama inralrin
tluk zetin thlarau indona hmachhawn
turin inbuatsaih ta che! Mi tamtak
chuan he hunpui ah hian an Isua an
lo tibo tawh thin a, nang chuan enge i
tihbo ve kher a tulna? Rilru tawngtaina
nen i beih chuan him takin leh hlim
takin he hunpui hi I hmang thei dawn
zuk nia.
Hlimna tak tak hi khawi
hmunah emaw a awm chuang lo. Tajah
emaw, Eiffel tower-ah emaw, Las
Vegas-ah emaw, khawvel thil eng
eng emaw ah hian hlimna tak tak hi
a in phum ru lo. Nangmah ah khan a
awm a, i duh a thu a ni mai. Mahse
chu i neih theihna chu Isua-ah chiah
hian a ni. I tibo hlauh dah ange.

Phêk Hnih (2)-na P E N I E L Vol. XXIII
@ Editorial...
Khawvel a mihring piang tawhah hian
kan Lal Isua tih loh kha chu sualna neilo
leh tihsual nei miahlo kan awm lova.
Kan mihring puite leh kan Pathian biak
lai ngei lakah pawh hian thil tam tak
kan tisual thin! Famkimlohna khawvel
ni tlat hek le! Tum reng vang pawh nilo
in mi pawi sawiin kan thian tha te ngei
rilru te pawh kan ti na fo thin a. Thu a
kal fuhloh laklawh phei chuan rei tak
World Religions Statistics:
Christianity :2000 - 2200 millions
Islam :1570 - 1650 millions
Hinduism : 828 - 1000 millions
Buddhism : 400 - 1500 millions
Folk Religions : 600 millions
Chinese Folk Religions: : 400 millions
Shinto : 27 - 65 millions
Sikhism : 24 - 28 millions
Judaism : 14 - 18 millions
Jainism : 6 - 12 millions
Zoram lam NEWS thenkhatte:
%% Muallungthu naupang
Lalhlimpuii (Kum 5) d/o Daniela
chu Nov.8 chawhnu dar 2:30 vel
khan Chunga (Kum 35 vel) Henry
tia koh thin chuan Ramhnuai ah
hruai in a that. Chunga hi Sateek
ah man a ni a, Muallungthu leh a
bul hnai khuaa miten an hriat veleh
Sateek lam pan hian an kal nual
a, Tachhip khaw hnuaiah police
ten lo dangin an kuta hlan turin an
ti a. Hetia an indawr buai chhung
hian Chunga hian mipui thinrim kut
a lo tuar hman a, zing dar 7-8 inkar
velah police hian an la a,
Muallungthu khawlai ah mipui
thinrim in kal tlangpui an phallo
chu hun rei deuh tak an dang
khawtlai a, Chawhma dar 10:55 vel
khan Aizawl lam panpui niin Mel
8 ah a hliam tuar lovin Chunga hi
a Boral ta a ni.
chhung in huatna te pawh a thlen thei
a ni. Chutiang bawkin ram leh ram
te pawh thu inhmuh fuh loh vangin
an indo phah fo reng a ni. Engtin nge
hetiang buaina tu emaw tih sual vang
a thleng thei hi kan pumpelh tak ang
le? Kan bible kan en chuan kan Lal
Isua’n a zirtirte zinga pakhat zawhna
chu hetiang hian a chhang a. “I unau
in i chunga thil a tih sualin vawi sarih
let sawmsarih thleng i ngaidam tur a
World Christians:
%% Mizoram hmun hrang
hranga hmeichhiate pawngsual
leh khuaikhemna thleng thin
avanga lungawi lohna entir nan
MHIP Gen.Hqrs huaihawtin
12th Nov. (Zirtawpni) khan
Black Day hman a ni. He ni
hmanna-ah hian mi pawimawhten
thu an sawi bakah tawngtai
rualna neih a ni.
%% 11th Nov. (Ningani) khan
Chanmari-a IMEM Studio-ah
Bible Society of India kum 200
tlin lawmna chi khat atana BSI,
Aizawl Auxiliary Youth Committee
buatsaih, Bi-Centenial Quiz
Final round chu neih a ni a,
Bible-a lehkhabu hrang hrang -
Exodus, Johana, Tirhkohte
Thiltih leh Hebrai bakah BSI
chanchin inhriat siakna inelna
neih a ni. He intihsiakah hian
Pakhatna chu Zothanchama,
ni,” a tih kha. Kan Pathian hian sual
inngaihdam tawnna hi a ngaipawimawh
hle a. Chu chu Bible ah
hian hmun tam takah kan hmu thei a
ni. Sual sim duhna thinlung a neih
chuan uirenu, lung a denhlum hmabak
pawh kha kan Lal Isua chuan a
ngaidam tih kan hmu bawk.
Ngaihdamna nen nun ngil takin nung
ila, chutin kan Pa pawh hian min
ngaidam ve dawn a lo ni!
Catholicism : 1.2 billion
Pentecostalism : 130 millions
Baptist churches : 105 millions
Lutheranism : 87 millions
Anglican Communion : 80 millions
Methodism : 75 millions
Presbyterianism : 40 millions
Continental Reformed : 30 millions
Seventh-day Adventist Church : 17 millions
The Salvation Army : 6.3 millions
Chanmari a ni a, nakum February
ni 19-21 chhunga Guntur,
Andhra Pradesh-a All India
Bible Quiz neih turah BSI,
Aizawl Auxiliary ai a awh ang
%% MZU Vice Chancellor car
hal a nih chungchangah,
Mizoram police-te chuan November
9 khan Mizoram University
Students Union
(MZUSU) President leh General
Secretary an man a,
mahse bail-a chhuah leh nghal
an ni.
%% Mizoram Presbyterian
Kohhran Synod office sak thar
chu 11th Nov. (Ningani) khan
Synod Moderator, R e v . C
C h a w n g - l i a n a ‘n P a t h i a n
hnenah hlanin a hawng.
## Tunlaiin Aizawlah ruah a sur
zeuh zeuh a, temperature pawh
23 - 27 o C a ni thin tlangpui.

Issue No. 13 P E N I E L
Phêk Thum (3)-na
~LÂWRKHÂWM~
U Nimin khan Unau Joint
Fellowship Sports 2010 chu
UBS ground ah neih a ni a, Kuki
Worship Service (KWS) te
overall champion an ni. PMCF
chuan Mipa Football final ah
KWS te hi 3-0 lekin kan
hlahthlem ta mai a ni.
V Krismas le kumthar sub
committee te chuan 3rd Nov.
leh 12th Nov. te khan meeting
neiin PMCF te’n tha taka mas
kan hman theih dan tur vel
ruahmanna te siamin thlir hona
hun an nei a, an thuchhuak hun
remchangah an la rawn
puangzar ang.
U Kan Chairman Pu Mawitea
te chu cross road atangin Flat
703, Building C, Hill Mist
Garden, NIBM Road ah an
insawn fel ta.
YMarka group in leader an nei
talo eee...:)
¯ Hun remchang hmasaberah
PMCF Zaipawl te hla zir
tur a ni a, a hmun tur kan
hotute’n an zawng mek a, a
chian veleh kan in hriattir tha
dawn nia. Member te kan lo
inring dawn nia.
ß Kan member Tv. Kapa, Tv.
Hriata leh Tv. Te-a te chuan
Delhi a football tournament
khel turin nizan khan Pune an
chhuahsan. Tawngtainaah kan
hre dawn nia.
U Tun inrinni lo awm tur 20th
Nov. hian UBS Mission
Building ah PMCF Advance
Christmas hman tur a nih kha.
Hetah hian gift exchange tur
Rs. 50 aia tlem lo ken tur a ni.
Tlai dar 3 a tan tur a ni a, a hun
takah kal theuh kan tum dawn
nia.
Y PENIEL ah hian minlo kap
ve teh u.....
- Maduha, Dhankawadi
Y Camera ken chuan zam lovin
nula kan melh ve ngam a.....
- Cameraman
MI MAWL PA
Khaw pakhatah hian mi pakhat, khawngaihna ngah em em Sanga
hi a awm a, A chhungkhat lainate pawhin an thlamuanpui em em a, mi
tanpui hi a chaw tui ber a nih avangin khaw mipui te pawhin an ngaina
em em. Vawi khat chu an khua atanga hla vak lova chirh dup zau tak
awmah chuan vawkte hi a lo tang a, chu vawkte chu an khaw thenawm,
tute nge an nih tih pawh hriatlohte ta a ni.
Vawkte chu a ngek vak vak a, a tal tal chuan chirh dupah chuan a
pil tual tual anga, a thi mai dawn. He chirhdup a tang tawh chu tuman an
chhan chhuak ngailo , mi tam tak he chirhdupah hian an lo tla palh tawh
a, an la thi vek bawk. An khaw mipui engemawzat chuan vawkte chu a
thih hun nghakin an thlir thup mai a.
Chutia vawkte thi tur an thlirnaah chuan Sanga chu a rawn thleng
ve hlawl a, vawkte chu a khawngaih ta em em a, a mittui a tla ta hial a.
Chutia a mittui tla chu midang chuan an hmu a, midang chuan "mihring
pawh a nih loh saw, vawkte mai a ni, i over lutuk.." tiin an nuih san a.
Sanga chuan chu vawkte thi mai tur chu a khawngaih ngang a niang,
chhanchhuah a tum ta a. Mipui ho chuan "Mawl lutuk mai, mihring pawh
a nih loh saw, i chhanchhuah rual rualin nang kha i thi nghal a ni mai", tiin
an dang bet a.
Sanga chuan "Inhrethiam lo a ni, saw vawkte saw ka hmangaih
a ni", a ti a, Mipui zinga pakhat chuan, " In vawkte pawh a ni lo, khaw
lehlam ho vawkte a nih saw, mawl mawl suh, eng chuan nge i rilru chu
mawlh che chu aw", tiin a hau a. Sanga chuan a theih tawkin chirhdup
lam chu a pan a, mipui ho chuan an lo dang hlawm bawk a. Mahse
thapui tak meuh meuh a a tan avangin Chirhdupah chuan a zuangthla ta
a.
Mipui ho chuan "Mawla, i mawl lutuk.... khatiang mihring pawh ni
hlei lo, i nunna thap meuhin chhan i tum a maw ?? I mawl man chu i hmu
ang", tiiin an au nawmnah nghal a, a mawl em avang chuan. Vawkte
awmna chu a va thlengphei a, vawkte chu a rawn vawrh chhuak a, amah
erawh chu chhan hman a ni ta lo, zawi muang chuan a pil ta riai riai a, A
boral ta a.
Khaw mipuite chuan Sanga chu a an ti em em a, chu a thihna
hmun chirhdup sirah chuan thanlung an phun a, chu thlanlungah chuan
heti hian an ziak a ,"Hetiang khawpa mawl hi khawvelah an awm leh
tawh lovang, a at em avangin a boral ta a ni", tiin.
Hepa aia mawl leh a hi a la awm, chupa phei phei chu
Engkimtithei, engkim siamtu, lal te Lal leh thil zawng zawng chunga thu
neitu kan Pathian hi a la ni zui. Pathian mawl leh a tak a ni. A chhan chu
maw...a thilsiam mihringte sualah an tlu a, meidila kal vek tur an ni, chu
chu ngaingam lovin, a thil siam mai mai chu zu han hmangaih tlat pek a
mawle. Engkim tithei Lal ropui nisi kha maw... A thilsiam mihringah a
rawn chang a, anni chhanchhuah nan chuan a thilsiam mihringte bawk
chu a invuak tir a, a insawisak tir. A va han a tak em !!!! Chutah mihring
chhanchhuah nan chuan a nun chu Kalvari tlangah a hlan ta a nih chu !!
A mawlin a va han a tak em !! Pathian a tak a ni !!!!
Mahse maw.... Nang leh kei boral hlauin Pathian ropui ber chuan
at a rawn thlang ta zawk a nih chu, a va han ropui tak em, Pathian a leh
mawl nih pawh zak lova min hmangaihtu kan Pathian hi fakin awm rawh
se.. Heti ema hmangaihna mak leh ropui hi tu in nge hrilhfiah thei ang
?? Aw Lalpa, Pathian mawl leh a i nilo, hmangaihtu Pathian i ni,
Chutuanin i hming chu fakin awm rawh se, Amen.
(digimalt.blogspot.com atanga lakchhawn a ni)

Phêk Li (4)-na P E N I E L Vol. XXIII
Editorial Board
LalnunfelaÈ8055450878
LawmnakimaÈ7709276024
Jacob V. KhiangteÈ9762310520
C. LalramdinmawiaÈ9975985281
PMCF Prayer Group News
Luka Group:
Vawiin hian thil pawimawh
engemaw sawiho lawk tur a awm
avangin inhmuhkhawm lawk tur a ni
a, kan leader te kan lo ngaichang dawn
nia.
Johana Group:
Kar liamta Pathianni khan Tv.
Rinawma te inah prayer meeting an
nei.
Chanchin Dangdai Lawrkhawm:-
%% Literature khawvela hming dai
ngai lo tur, mitdel, hla phuah thiam,
Milton-a kha nupui nei fuh loa sawi a
ni. A nupui kha hmeichhe nasaa sawi
a ni a, Duke of Buckingham phei
kha chuan 'rose' tiin a kohsak nghe
nghe. Mitdel Milton-a chuan, "A
rawng atang chuan ka hre thei lo,
mahse, rose zawng a ni ngei ang, a
hlingin min chhun thin tlat," a ti!
&& US President Woodrow Wilson
pawh kha a cabinet member pakhatin
thu a sawi tawi theih avangin
hmaichhanah a fak chiam a. Ani lah
chuan eng danga chhang loin, "A tul
dan azir mai mai alawm. Minit 10
thu sawi tur chuan kar khat chhung
inpuahchah ka ngai a, minit 15 sawi
turin ni thum; darkar chanve sawi
tur chuan ni hnih; darkar khat sawi
tur chuan tunah pawh hian ka
inpeih reng asin," tiin a chhang daih
thung.
%% Vawi khat chu Diogenes-a kha
Plato-a hnenah a leng a, Plato-a
chhuatphah vel chu ropui a ti hle.
Plato-a chhuahphah hi a ropuiin a
mawi bawk tak a, a hun laia carpet
man to ber ber a hmang a ni awm e.
In chhung a'n lut chu Diogenes-a
chuan intithei fe hian, "Tunah hian
Plato-a ropuina chu ka rapbet mek
a ni lo'm ni?" a'n ti vei ham ham a.
Plato-a chuan eng danga chhang ta
lo chuan, "Chu chu i chhuang hle a
ni lo'm ni?" a lo ti sam et a!
~ zozamweeklynews.blogspot.com
PUNE MIZO CHRISTIAN FELLOWSHIP
OCTOBER THLA INKHÂWM PROGRAMME:
07-11-2010 Hruaitu : Tv. Lalnunfela
Tantu : Pu Ruben Vanlalhruaia
Zai : Tv. Collin Chhaihlo
Thuchah : Pu. A. Chhawnmawia
14-11-2010 Hruaitu : Tv. C. Lalrohlua
Tantu : Nl. Nancy Zodinpari Fanai
Zai : Nl. Rebecca Chatintiali
Thuchah : Tv. Lalhminghlua
20-11-2010 ADVANCE CHRISTMAS
Hruaitu : Rev. Chhuakhu Khiethie
Tantu : Pi Esther Vanlalruati
Thuchah : Rev. VL Malsawmdawngkima
Zai : Tv. Andrew Lalrindika
Zaipawl : PMCF Choir
Special Item : NPSS
Skit : Luka Prayer Cell Group
Gift exchange : Pu. Lalrinliana Colney & Nl. Laldingliani Kawilam
21-11-2010 Hruaitu : Nl. Lalrinzuali Varte
Tantu : Pu K. Lalrenglianmawia
Zai : Tv. Lalngaihawma Pachuau
Thuchah : Pi. Lalnghaki
28-11-2010 Unau Joint Fellowship Advance Christmas
A Hmun : Church of Holy Name, Guruwar Peth
Chanvo dang te:
Receptionist: Nl. Lalrosiami Ralte (Convener)
Tv. Lalhruaimawia Tv. Samuel Vanlalhriatpuia
Nl. Sarah Lalrinkimi Nl. Christina Vanlalruati
Zaihruaitute: Rev. David Lalramliana Ralte (Leader)
Pu Lalhmingmawia(Khuang) Tv. Chhuahlai Hlycho (Bass)
Tv. Jeremy Lalnunpuia (Keyboard) Tv. Vabeirahnei Johly (Drums)
Tv. Jacob Vanlaltana Khiangte (Guitar) Nl. Lalmalsawmi Sailo (Hla hriltu)
Sound Incharge : Pu Chawnghmingliana
Thingpui Lumtu : Pu. Samuel Vanlalmuanpuia
Word Search
PUNE a veng hming 10 han thai
chhuak teh le!
I V H G N A S O I
I D I D O P A D I
D T N A H S A P Y
A U M P I W U E A
W I K B E R N W M
E B C V I W D S H
L A B O E N H N N
A I Q J O A M X U
B R T K A L Y A N
Text Twist
Bible a ‘ruam’ hming
te han remdik teh
1) NARPA
2) HTLPOE
3) ABANL
4) ERAZHTOH
5) DHABAIZ
6) EDKTMEO
Issue Hmasa (ruam)
chhanna:
1) SIDDIM
2) SAVE
3) ESKOL
4) ARNON
5) MIZPEH
6) LEBANON
## Issue hmasa kha a har deuh nge in tum lo
hrim hrim, tuma hnen atangin chhanna kan
dawng lo tlat mai. Tuman lawmman in dawng
thei ta lo. Tan han la ta che. I Bible hriatna eng
ang chiah nge han in enchhin ve reng reng la,
chumi pah chuan hlawkna i tel hlauh thei asin!