GIPUZKOAKO HITZA, 2012-03-30.pdf - datu-basea24

More documents

Recommendations

Info

6 gipuzkoako hitza 2012ko martxoaren 30a, ostirala Gaiak › Herrietako parte hartze politikak saretzeko, prozesu berri bat jarri du martxan foru aldundiak; aste honetan bildu da lehen aldiz parte hartzea sustatzeko koordinazio taldea. Nola eragin herritarrek hitza hartzea Samara Velte Donostia Herritar askorentzat urrun daude instituzioetakoerabakiguneak; politika publikoetan parte hartzeak esfortzu handia eskatzen du, edo beste norbaitentzako gordetako pribilegio gisa ikusten dute. Parte hartzeko aukerak egon direnetan ere, udal bakoitza bere erara moldatzen saiatu da, eta ez dute beti beste herrietako proposamenen berri izan. Gabezia horretatik abiatuta, udaletako parte hartze politikak elkarren artean saretzeko dinamika bat jarri du martxan Gipuzkoako Foru Aldundiak; abendutik aritu dira elkar ezagutzeko tailerrak antolatzen, eta asteazkenean bildu zen lehenengoz lurralde osoko parte hartzea sustatuko duen koordinazio taldea. Orain arteko tailerretan 40 herri ingurutako ordezkariek parte hartu dute; koordinazio taldeak, ordea, bederatzi kide ditu. Arantza Ruiz de Larrinaga foru aldundiko Partaidetzarako Zuzendaritzako burua aritu da koordinatzaile lanetan; hark azaldu duenez, taldea osatzerakoan kontuan izan dituzte eskualdeen arteko oreka eta herrien tamaina, «guztien ikuspegia izateko». Ruiz de Larrinagaren arabera, jadanik ehundik gora proposamen sortu dira udaletan. Foru aldundiak eratutako sareak horiek sendotuko dituelakoan dago: «Aukera pila bat ematen ditu elkarrengandik ikasteko, hutsetik ez hasteko, besteen esperientziak aprobetxatzeko...». Hiru asteburutan aritu dira ordezkariak tailerrak egiten. «Dudak, gogoak, borondatea... burutik pasatzen diren gauza asko partekatzeko balio izan digu; horrek lasaitasun bat ematen du», azaldu du Amaia Agirreoleak, Donostiako Parte Hartzeko udal teknikariak. Tailerrak «horizontalak» izan direla ere azaldu du, eta emozioak eta bizipenak partekatu dituztela: «Garrantzitsua da hori, konfiantzaz hitz egiteko. Parte hartzea, azkenean, beste harreman mota bat sortzea ere bada». Bilera horietan hainbat behar atzeman dituzte. «Parte hartze teknikariak oso leku gutxitan daudela ikusi genuen», azaldu du Ruiz de Larrinagak. «Oro har, udaletako teknikariak ez daude oso trebatuta dinamizatzaile izateko eta euren arloetan parte hartzea bultzatzeko». Leku batetik bestera ere asko aldatzen da kontua; herriaren tamainak soilik asko eragiten du. Abendutik, hiru saio egin dituzte herrietako esperientziak partekatzeko; irudian, Usurbilgoa. GIPUZKOAKO FORU ALDUNDIA Gregorio Iraola Albizturko alkateak azaldu duenez, herri txikietan errazagoa da herritarrengana iristea, baina harremana askoz pertsonalagoa da, eta horrek zail- ‘‘ Herria ordezkatzen duen erakundea da udala, berez, baina inoiz ez da horrela bizi izan» MAITANE AGIRRE Zumaiako Partaidetza zinegotzia «Udala zenbat eta irekiagoa izan, orduan eta konfiantza gehiago izango du jendeak» GREGORIO IRAOLA Albizturko alkatea du egiten du prozesua: «Horregatik, ohiturak aldatu behar dira: udalak instituzio irekia izan behar du. Zenbat eta irekiagoa izan, orduan eta konfiantza gehiago izango du jendeak, eta errazago iritsiko da udala haiengana». Txiki zein handi, herri guztiek behar duten ezaugarri bat gertutasuna da, Agirreolearen hitzetan: «Udalak herritarrak dauden lekura joan behar du, ez alderantziz. Horrela erraztu egiten da elkarrizketa». «Parte hartzearen kultura» Dinamiketan parte hartu duten ordezkari gehienak berriak dira udaletan; orain arte, herritar gisa ezagutu dituzte parte hartze politikak. Maitane Agirre Zumaiako Herritarren Partaidetzarako zinegotziaren esanetan, «amildegi» bat egon da instituzioen eta herri mugimenduen artean: «Berez, herria ordezkatzen duen erakundea da udala, baina inoiz ez da horrela bizi izan. Udala hor goian dagoena izan da, nahi duen kudeaketa egiten duena, nahi duen erara, herriaren beharrak kontuan hartu gabe». Horren ordez, «parte hartzeko kultura» da sortu nahi dutena, Garbiñe Mendizabal Tolosako udal teknikariak azaldu duenez: «Ez dugu jakin parte hartzen; ez digute erakutsi». Politika publikoak beste era batera nola egin daitezkeen asmatu nahian ari dira. Hala azaldu du Jon Altolagirrek, Urretxuko zinegotziak: «Esperientziak erakutsiko digu nondik jo, baina oso ondo etorriko zaigu ikustea ondokoak zer egiten duen». Iosu Lizarralde Oñatiko Parte Hartze zinegotziak erakunde, teknikari eta herritarren arteko «rol aldaketa» aipatu du. Ruiz de Larrinagarentzat, informazioa herritarren eskura jartzea ere gakoa da; esaterako, aurrekontuei buruzkoa. «Gerturatze horretan, erakundeen eskumenak ezagutzetik hasi behar dugu». Koordinazio taldeak hilean behin biltzen jarraitzeko asmoa du. Hemendik aurrera, «asmo konkretuetan» hasiko da: herri mota bakoitzerako eta gai jakinetarako lantaldeak osatuko dituzte, eta proposamenak falta diren herrietara zabaltzeko lanetan hasiko dira.
Maiatzaren 18tik 20ra ospatuko da Mundumira, Leintz Gatzagan eta Eskoriatzan Besteak beste, Esne Beltza eta Bizardunak taldeen kontzertuak izango dira, baita Slow Food azoka ere Erredakzioa Maiatzaren 18tik 20ra bitartean egingo da aurtengo Mundumira jaialdia. Lehen aldiz, bi herriren artean antolatu dute; Leintz Gatza eta Eskoriatzaren artean, hain zuzen. Egun osoan izango dira ekintzak, nagusiki Leintz Gatzagan. Gaueko ekitaldiak, kontzertuak eta aparkalekuak, berriz, Eskoriatzan izango dira. Edozein moduz, aurreko zazpi aldietan bezala, bost kontinenteetako musika, gastronomia, antzerkia eta eskulangintza ezagutzeko parada izango dute bertaratzen direnek. Besteak beste, Esne Beltza eta Bizardunak taldeek kontzertuak egingo dituzte, baita Brasil, Madagaskar eta AEBetako taldeek ere. Azoken esparruan, Slow Food azoka da aurtengo berritasun nagusia. Adegiko presidente izateko hautagaitza aurkeztu du Pello Gibelaldek Hiru urteko bi agintaldi osatu ditu Eduardo Zubiaurre presidenteak; Gibelaldek haren lekukoa hartu nahi du Erredakzioa Pello Gibelalde enpresaburua da Adegi Gipuzkoako Enpresaburuen Elkarteko presidente izateko lehen hautagaia. Asteon aurkeztu du Eduardo Zubiaurre egungo presidentearen lekukoa hartzeko hautagaitza; izan ere, Zubiaurrek hiru urteko bi legealdi osatu ditu. Gibelalde azken hamabi urteetan Adegiko batzorde eragileko kide izan da. Maiatzaren 24an egingo duten batzar nagusian erabakiko dute Adegin hurrengo hiru urteetarako presidentea zein izango den. Hautagai izan nahi dutenek astebete lehenago arteko epea dute hautagaitza aurkezteko. Nolanahi ere, normalki, hautagaitza Adegiren urteko batzar orokorra, 2008an. GARI GARAIALDE / ARGAZKI PRESS bakarra aurkeztu izan da. Maiatzaren 24an bertan, kontseilu errektorea ere berrituko du Adegik. Presidenteak eta bederatzi kidek osatzen dute kontseilu errektore hori. Pello Gibelalde legazpiarra da, eta 1974an Olaberrian sortutako Hine enpresaren fundatzailea da. Egun, orotara, sei herrialdetan 2012ko martxoaren 30a, ostirala gipuzkoako hitza 7 ‹ Gaiak zortzi enpresa ditu Hine taldeak, eta 319 langilek lan egiten dute enpresa horietan. Gipuzkoatik kanpo, AEBetan, Erresuma Batuan, Txinan, Indian eta Brasilen ditu enpresak. Azken urteotan behin baino gehiagotan saritu dute Gibelalderen ibilbidea. Besteak beste, Joxe Mari Korta Saria eman zioten 2009an. Foru eraikin guztietatik segurtasun arkuak kendu ditu aldundiak Larraitz Ugartek azaldu duenez, segurtasun agenteen presentzia nahikoa dela iritzita hartu dute erabakia Erredakzioa Gipuzkoako Foru Aldundiak kendu egin ditu foru eraikin guztietako segurtasun arkuak. Hala baieztatu du aste honetan bertan Larraitz Ugartek, Gipuzkoako Foru Aldundiko bozeramaileak. Ugarteren arabera, duela pare bat aste hartu zuen erabakia foru gobernuak, aldundiaren eraikinetako sarreretan egoten diren segurtasun agenteen presentzia segurtasuna bermatzeko nahikoa dela iritzita. Kontrol sozialarekin ere lotu du erabakia: «Nahikoa kritikoak gara kontrol sozialerako eta zaintza eta segurtasunerako muturreko neurriekin». Ugartek nabarmendu du herritarren erakundeetarako sarbidea errazteko xedea ere baduela segurtasun arkuak kentzeko erabakiak.
Page 1 and 2: IMANOL OTEGI / ARGAZKI PRESS Ostira
Page 3 and 4: Azpiegiturak DDonostiako autobus ge
Page 5: Irati Hartsuaga q Udaberri dantza t
Page 9 and 10: San Juan plazaren obren bigarren fa
Page 11 and 12: tzen dira prestaketa lanetan, eta A
Page 13 and 14: Asteburuko proposamenak D 1 Zea May
Page 15 and 16: Ekitaldiak D Irudia qMutriku BERDEL

GIPUZKOAKO HITZA, 2012-03-30.pdf - datu-basea24

Create successful ePaper yourself

Delete template?

Save as template?