inprimitzeko bertsioa PDFn - Armiarma

48
ISPIRITU SANTUARI
ESKARI, TA AFEKTO,
ELEIZA AMA SANTAK
EGITEN DIOZKANAK
KRISTIÑAU DOTRINEA
«O Espiritu animen Konsoladore, amorezko Jainkoa! Atoz nere
nekean ni konsolatzera: Atoz nere biotza zure grazia gozoaz betetzera.
Atoz zure amorezko sua nigan betiko irazakitzera.
»Atoz pobreen Aita: atoz doaien emallea: atoz biotzen argia. Zure
argi gabe nigan gauza garbirik ezta.
»Nere loiak garbi itzatzu: nere loertasuna eze ezazu: nere eritasuna
sendaezazu. Nere gogortasuna beraa ezazu: nere okerrak zuzenitzatzu.
»Zu zera Konsolatzen guziz maitea: animaren etorkari gozoa, ta
atsegi8n egiaz zerukoa. Zu zera nekeen deskansua, estutasunen atsedena,
negarretan konsueloa.
»Zu zera Aitaren eskuieko Beatza: atoz, ta zuretzat señalanazazu. Zu
zera amoriozko sua: atoz, ta irazkinazazu. Zu zera doai guzien Itrurria:
atoz, ta zure ur bizi orrezaz betenazazu.
»Zu zera zazpi Doaien Jabea: atoz nigana, ta oriezaz nere anima janziezazu.
Zu zera Aitak Semeari eskeñirikako Konsolatzallea, ta Semeak
guri emana: atoz, zure argiarekin Aita, ta Semea, ta Zu, Espiritu Jaungoiko
bakarra, emen ondo ezagutu, ta zure frutu, ta saria gozoakin, zeruko
glorian obeto, ta betiko ikusi, adoratu, ta gozatu zaitzadan. Amen».
Agustin Kardaberaz
AITA ETERNOARI JESU KRISTO
BERE SEMEAREN MERITOEN
OFRENDA GUZIZKO BALIOSOA
«Nere Jaungoiko guziz justua! Zure begien aurrean: nigan izan al
ditekean errespetorik humillen, ta konfianzarik andienaz agertzen naiz.
Zure atsegin, onra, ta gloriarik andieneko Ofrenda bat, bere parerik
ezduena, nere kulpa, ta pekatu andi guzien deskoturako, zuri presentatzera:
ta oiek zure justizia aserratu duten bezela, aserre ori guztiro kentzeko,
Seme guziz Santu onen bizitza, pasio, ta eriotzaren Sakrifizio onekin zure
Biotz, ta arpegi seguru berratu, ta gozatuko da.
»Begira bada ondo, Jauna: ta ondo baizik ezin begiratuko diozu.
Nere pekatuen paguan ematen dizut Nere Semeak, nere amorez. Birjiña
bere amaren sabelean gure aragiz janzi, ta bederatzi illabetean an egon, ta
Belengo Portalean añ pobre jaiotzean, ta abereen artean egotean Zuri,
Aita Eternoa, iduki zizun obedienzia.
»Andik zortzi egunera, beren Zirkunzisioan, nere salbazioagatik isuri
zuen odola, ta egin zituen negar preziosoak: bere aurtasunean, ta bere
bizian eraman zituen otz, ta bero; gose, ta egarri; neke, ta izerdi guziak.
»Begira, Jauna, zure onrarako, egin zituen Orazio, barau, ta penitenzia
guziak, ejenplo, sermoi, ta milagro guziak. Begira, nola azkeneko afarian,
esan al baño humildade andiagoaz, Apostoloai Oñak garbitu, ta nola
guk elkar sufritu, ta amatu bear genduen erakutsi zigun. Begira, zure gustoa
egiteagatik afari artan, Sakramentu Santu amorio paregabeaz, gau, ta
egun gurekin egoteko egin zuen.
»Begira, jauna, zer laztan, ta negar gozoakin, Pasio, ta eriotzarako
bere Ama maiteagandik despeditu zan: Getsemaniko baratzan nola iru
bider Orazioa egin zuen: ta Judas saltzalle gaiztoaren laztan falsoa, zer
pazienziaz artu zuen; ta etsaiak nola lotu zuten.
»Begira, Jauna, munduan izan dan gaurik illunen, tga desditxaduen
artan eraman, ta igaro zituen neke, desprezio, lotsa, ta tratu, pensatu al
baño gogorragoak: ta orduan, ta urrengo goizean Anas, Caifas, Pilatos, ta
Herodes etxeetan, ta bide, edo kaleetan eraman zituenak: egun artako testimonio,
afrenta, burla, golpe, bofetada, azote, koroa, ta burlazko Erregearen
soñekoa.
49