inprimitzeko bertsioa PDFn - Armiarma

76
ERIOTZAN NORK BILDUR
IZAN BEAR DUEN
KRISTIÑAU DOTRINEA
Gure jendeen artean batzuen beren jabe dira: beren buru, edo personen
kontua baizen ezdutenak: ta azken ordu artan oiek zer egin, edo
kezka gutxiago oi dute: ala ondo iltzeko obeto daude.
Biziera bi, aedo persona mota bi dira, ala bizian, nola eriotzan zer
egin geiago dutenak. Aita: oriek zeñ dira? Etxeko buru, ta Erriko buru
izan diranak. Esan nai det, Guraso, ta Nagusiak, Alkate, ta beste orrelakoak.
Eta orietatik asitzen gerala, gure Nekazari prestu asko beren Errietan
Alkate, Errejidore, ta Erriko Guraso, edo Nagusi bezala oi dira. Oiek
obligatuak daude, ta ez bakarrik Erriaren artu eman, edo errenten gañean
kontu iduki, eta ondo onek artu, edo ematera; ezpada ta are geiago Jainkoaren
Legea Errian ondo gorde erazotzera: lenengo berak ejenplo ona
emanaz; eta gero Errian, edo Errikoetan diran animen kondenazioko
beatztopa, edo eskandalo, eta pekatuen bide, okasio, ta peligroak zelo
andiaz kenduaz.
Jainkoak bai, ta bestek ezdaki, Erriko festetan, plaza, edo bazterretan,
tabernako edanean, joko luze, ta jolasetan, etxerako desoretan, gabazko
libertade, ta deabruen iskanbilletan, zer pekatu ikaragarriak egiten
diran. Ta gaitz oien sustraia, ta oriek ez ebakitzea, edo ez erremediatzea,
ta guzien kulparik andiena, txit askotan Justiziako Jaunak dute. Baña oiek,
Jainkoaren ordeko Ministro fielak bezala, ejenplo ona eman bearrean;
jokoan, edaten, ta desoretaraño egotean, aurrenekoak, ta gaiztoenak
berak badira, zer izango da? Erriko buruak orrela badabiltza, beste ondorengoak
nola ibilliko dira? Gizaseme, ta mutil gazteak ori ikusi, ta zer ikasiko
dute? Nola errespetoa idukiko zaie, berak beren buruai galtzen
badiote?
Gure Probinzia guzia Nobleak, orrelako jainkoaren ofensa andiak, ta
Justiziaren lotsa, ta bildurra galdurik ikusi, ta gabazko, eta Ermitetako
festa eragabeak kondenatu, ta kendu ditu, eta arrazoi andiarekin. Baña
asko Alkatek, Jainkoaren, Obispo Jaunaren, ta Probinziaren Lege justuai,
bear bezala begiratu ez, ta beardan balore, ta animoaz artu gabez, festa
eragabeak eragin, edo eragiten larga, ta zer kalteak ikusten dira? Ta ikusten
ezdiranak non dira? Ah! Oriek are geiago, ta andiago dira! Guzien Juezak
guzia dakus: ta Alkate, ta Ministroak kontu emango diote.
Agustin Kardaberaz
Gauza ziertoa da, Jainkoak, Ama Birjiñak, eta Santuak Eleizako festak
fedeaz egitea nai dutela. baña deabruak, ta aren bandoko, edo lagun
diranak, festa oriezaz baliatu, ta Santuen aitzakian, ta au Kristau artean
nork sinis lezake? fede, ta lotsa gabe, Jainkoaren ofensa nazkagarriak, ta
Santuen desonra itsusiak nai edo erakarten dituzte. Eta orietan joko luze
debekatu, idi tratu falsiazko, tabernetako tranpa, ordikeria, torpeza, animen,
ta errien kalte jakiñen kontu Jainkoari nork emango dio? alkate, edo
Errien Guraso nagi, ta zorigaiztokoak. O zer kontu estua,l zer juizio, ta
Justizia gogorra oiei begira dagokien! Jainkoaren Justiziako Ministro izateko,
ezta asko bara artzea: bear da ori jaso, ta zuzen guzian erabiltzea.
77