Azaleko sintaxiaren tratamendua ikasketa automatikoko tekniken ...
Azaleko sintaxiaren tratamendua ikasketa automatikoko tekniken ...
Azaleko sintaxiaren tratamendua ikasketa automatikoko tekniken ...
Create successful ePaper yourself
Turn your PDF publications into a flip-book with our unique Google optimized e-Paper software.
Ikasketa automatikoa HPan 19<br />
Ikasketa <strong>automatikoko</strong> eskema gehienetan, ez zaie garrantzi handirik<br />
ematen falta diren balioei: ezezagunak dira, eta kito. Baina arrazoi on<br />
bat egon daiteke balioa falta izatearen atzean. Hauen azterketa egitea<br />
komeni izaten da, behar bezala kodetzeko, mota desberdinetako falta<br />
diren balioak era desberdinean adieraziz. Izan ere, ez da gauza bera<br />
falta den balio bat falta izatea ezezaguna delako, edo mediku batek,<br />
adibidez, atributu horri balioa ematen dion proba ez egitea erabaki<br />
duelako (ez dela esanguratsua uste duelako). Aztergai den problemaren<br />
domeinuko adituak kontsultatzea komeni da kasu hauek ebazteko<br />
(Witten eta Frank, 2005).<br />
• Estimazio-arazoak: datuen sakabanaketa eta leuntzearen beharra.<br />
– Datuen sakabanaketa edo corpus sparseness: ondorio estatistikoak<br />
ateratzeko, corpusean datuak sakabanatuegi daudenean gertatzen<br />
da. Beste modu batean esanda, normalean, gertaera batzuk corpusean<br />
oso gutxitan edo inoiz ez dira agertzen, eta, beraz, gertaera<br />
horiei buruz ezin da ondorio garbirik atera (Màrquez, 2002).<br />
– Leuntzea edo smoothing-aren beharra: Ikasketa-corpusean inoiz<br />
gertatu ez diren kasuak izan daitezke test-corpusean. Ikasketa-corpusa<br />
txikia den kasuetan ematen da arazo hau, batez ere. Halakoetan,<br />
probabilitateekin gabiltzanez, teknika desberdinak daude<br />
inoiz gertatzen ez diren kasuei zero ez den probabilitate txiki-txiki<br />
bat emateko. Leuntzea (smoothing) deitzen zaio prozesu honi.<br />
• Ikasketa inkrementalaren edo on-line <strong>ikasketa</strong>ren beharra:<br />
Problema batzuetan beharrezkoa da <strong>ikasketa</strong> <strong>automatikoko</strong> eskema batek<br />
instantzia bati esleitu dion etiketa kontuan hartzea hurrengo instantzian;<br />
alegia, batzuetan, instantzia baten kontzeptu bat ikasteko, komenigarria<br />
izaten da emaitza-atributuan bere aurreko instantziek duten<br />
balioa jakitea. Horretarako, <strong>ikasketa</strong> inkrementala erabiltzen da. Hala,<br />
instantzia bati emaitza-atributuan esleitzen zaion balioa hurrengo<br />
instantziari jakinarazten zaio, horretarako aurreikusitako atributuari<br />
balio hori emanez.
Change language