GIDA Zerga Gipuzkoako - Gipuzkoa.net

c) Zergapekoa bertaratu gabeko erregularizazio prozedura.
d) Informazioa lortzeko jarduketak.
1.3.4.5 Ikuskapen prozeduretako jarduketen tokia
Ikuskapen jarduketak nonahi egin daitezke, ikuskariek erabakitzen duten tokiaren arabera:
a) Zergapekoaren zerga helbidearen tokian edo ordezkariaren helbidearen, langelaren edo
bulegoaren tokian.
b) Zergapeko jarduerak osorik edo partzialki egiten diren tokian.
c) Zerga-gaiaren edo zerga betebeharraren beharkizunari buruz frogaren bat, partziala bada
ere, dagoen tokian.
d) Zerga Administrazioko bulegoetan, ikuskatu beharreko elementuak haietan aztertu
daitezkeenean.
1.3.4.6 Ikuskapen prozeduretako jarduketen ordutegia
Bulego publikoetan egiten diren jarduketak lanaldiaren barruan gauzatuko dira.
Baldin eta jarduketak interesatuaren lokaletan gauzatzen badira, haietan egiten den bulego edo
jardueraren lanaldia errespetatuko da, eta elkarrekin ados jarriz gero beste egun edo ordu
batzuetan egin ahal izango dira.
Jarduketen zirkunstantziak direla-eta ezinbestekoa denean, aurreko apartatuan aipatutako egun
eta orduetatik kanpo jardun ahal izango da, arauz ezartzen denari jarraituz.
1.3.4.7 Egiaztapen eta ikerketa prozedura
1.3.4.7.1 Xedea
Prozedura honen xedea izango da zerga obligazioak behar bezala betetzen direla egiaztatzea
eta ikertzea, eta, bidezkoa denean, prozeduraren barruan zergapekoaren zerga egoera
erregularizatuko da, likidazio bat edo batzuk eginez.
1.3.4.7.2 Kautelazko neurriak
Egiaztapen eta ikerketa prozeduran, behar bezala arrazoitutako kautelazko neurriak hartu ahal
izango dira, zerga betebeharrik ba ote dagoen edo betetzen ote den egiaztatzeko frogak
desagertzea, suntsitzea edo aldatzea saihestu.dadin.
Neurrien artean, honako hauek zigilatu, gordailatu edo inkautatu ahal izango dira, bidezkoa
denean: Zergapeko merkantzia edo produktuak, eta, era berean, informazioa eduki dezaketen
liburu, erregistro, agiri, artxibo eta lokalak, edo datuak tratatzeko ekipo elektronikoak.
Aurretik aipatutako helburuekin proportzionatuak izango dira, denboran mugatuta egongo dira,
eta likidazio eskumena duen organoak 15 eguneko epean berretsi behar ditu neurriak, horiek
hartu direnetik aurrera, eta haien arrazoi izan ziren zirkunstantziak desagertuz gero altxatu
beharko dira.
1.3.4.7.3 Egiaztapen eta ikerketa prozedura hastea
Egiaztapen eta ikerketa prozedura era hauten hasi daiteke:
a) Ofizioz.
b) Zergapekoak eskatuta. Egiaztapen eta ikerketa prozedura partzial batean ikuskatzen ari
diren zergapeko guztiek Zerga Administrazioari eskatu ahal izango diote jarduketek izaera
orokorra izateko zergari dagokionez.
1.3.4.7.4 Egiaztapen eta ikerketa prozedurako jarduketen hedadura
Egiaztapen eta ikerketa prozedurako jarduerak orokorrak edo partzialak izan daitezke.
------------------------------------------------------------------------ 22 ------------------------------------------------------------------------