GIDA Zerga Gipuzkoako - Gipuzkoa.net

2. Jarduketen barruan atzematen denean zergapekoak Zerga Administrazioari bere jarduera
enpresarial edo profesionaletako bat ezkutatu diola.
1.3.4.7.6 Egiaztapen eta ikerketa prozedura amaitzea
Hiru eratara bukatu daiteke prozedura hau:
1. Akta bidez. Beste elementu batzuen artean, hau aipatu behar da: zerga-gaiaren funtsezko
elementuak edo zerga betebeharraren eta zergapekoari egindako egozpenaren izatezko
oinarria, bai eta erregularizazioaren zuzenbidezko oinarriak ere.
2. Txosten bidez. Baldin eta erregularizazioa bidezkotzat hartzen ez bada Ikuskapen Planean
sartzea ekarri zuten zantzuak funsgabeak zirela egiaztatzeagatik edo prozedura garatzea
ezinezkoa izan bada arauz jasotzen denari jarraituz.
3. Ikuskapen Plana onartzeko eskumena duen organoaren idatzizko aginduaren bidez.
1.3.4.7.7 Akta motak
Tramitazioaren ondorioetarako, adostasunezkoak edo desadostasunezkoak izan daitezke
ikuskapen aktak.
1. Adostasun aktak
Noiz?:
a) Zergapekoak edo ordezkariak zerga ikuskarien aktaren proposamen osoarekin ados dagoela
adierazten duenean eta horrela espresuki jasota uzten denean.
b) Zerga ikuskarien iritziz zergapekoaren zerga egoera zuzena bada eta inolako
erregularizaziorik bidezkoa ez bada, zergapekoak berak adostasuna emanda.
Urraketak eginez gero, diruzko zigorren zenbatekoa %40 murriztuko da zergapekoak
erregularizazioari nahiz zigorrari adostasuna ematen dienean.
2. Desadostasun aktak
Noiz?:
Zergapekoa edo ordezkaria agertzen ez bada horretarako adierazitako tokian eta egunean edo,
behin agertuz gero, akta jasotzeari edo izenpetzeari uko egiten dionean.
Baldin eta aktan formalizatutako erregularizazio proposamena aldatzen bada haren
Administrazioaren proposamenean jasotakoaren aldean, alegazioak aurkeztu ahal izango dizkio
zergapekoak ikuskapenean diharduen organoari, behin espedientea aztertuta, hamabost egun
naturaleko epean akta egin edo jakinarazi denetik aurrera, edo, bestela, adostasuna eman ahal
izango dio proposamenari; azken kasu horretan, tramitazioak adostasun akta gisa jarraituko du.
1.3.4.8 Egiaztapen murriztuko prozedura
Noiz erabiltzen da? Zerga Administrazioko beste organo batzuek eskatuta egiaztatzen duenean
zergapeko batek aurkeztutako aitorpenen elementuren bat zerga araudiarekin bat datorrela. Era
berean, eskatutako itzulketa bat, zerga pizgarri jakin bat edo zergapekoak eskatutako araubide
berezi baten aplikazioa bidezkoa ote den egiaztatu behar denean erabili ahal izango da.
Sei hilabeteko epean amaitu beharko dira, zergapekoari haren hasiera jakinarazi zaionetik
aurrera eta amaitutzat hartuko da, zerga ikuskarien iritziz, bidezko administrazio egintzak
oinarritzeko behar diren datu eta frogak lortu direnean, bai zergapekoaren aitorpena zuzentzat
hartuta edo bai hori zuzenbidearen arabera erregularizatzea proposatuta.
Prozedura osoa txosten batean dokumentatuta utziko da eta zergapekoari jakinarazi beharko
zaio, jarduketa konkretuak zehaztuta. Gainera, zergapekoari informatuko zaio txostena haren
zerga egoera erregularizatzeko behar diren administrazio egintzak emateko eskumena duen
organoari igorriko zaiola, eta hamabost eguneko epea emango zaio egoki deritzen alegazioak
aurkeztu diezazkion aipatutako organoari.
------------------------------------------------------------------------ 24 ------------------------------------------------------------------------