GIDA Zerga Gipuzkoako - Gipuzkoa.net

1.5.2.1.1 Zuzenbidean erabat deuseza adieraztea
Zuzenbidean erabat deusezak adierazi ahal izango dira zerga arloan emandako egintzak eta
organo ekonomiko-administratiboaren ebazpenak, baldin eta administrazio bideari amaiera
eman badiote edo epe barruan errekurritu ez badira, kasu hauetan:
a) Konstituzioaren babespean egon daitezkeen eskubide eta askatasunei kalte egiten
dietenean.
b) Gaia edo lurraldea dela-eta nabarmenki eskumenik ez duen organoak eman dituenean.
c) Eduki ezinezkoa dutenean.
d) Urraketa penala direnean edo horren ondorioz ematen direnean.
e) Horretarako legez jasotako prozedura edo organo kolegiatuen borondatea osatzeko
funtsezko erregelak dituzten arauak erabat baztertuta eman direnean.
f) Lege antolamenduaren aurkako egintza espresuak eta ustezkoak, baldin eta horien bitartez
ahalmen edo eskubideak eskuratzen badira, horiek eskuratzeko funtsezko beharkizunak
betetzen ez direnean.
g) Foru arau edo lege batean espresuki jasotzen den beste edozein kasutan.
Nola hasten da?: ofizioz edo interesatuak eskatuta.
Nork ebazten du prozedura? Gipuzkoako Foru Aldundiaren eskumenen esparruan, Ogasun eta
Finantza Departamentuko foru diputatuak.
Ebazpen epea: gehienez urtebetean jakinarazi behar da ebazpen espresua. Behin epe hori
igarota, iraungitzat joko da eta eskaera isiltasun administratiboz ezetsitzat ulertuko da.
1.5.2.1.2 Egintzak kaltegarritzat hartzea
Zerga Administrazioak herri onurarako kaltegarritzat hartu ahal izango ditu interesatuen alde
hartutako egintza eta ebazpenak, baldin eta lege antolamenduaren edozein urraketa egiten
badute, geroago administrazioarekiko auzien bidea haien aurka erabiltzeko asmoz.
Nola hasten da?: ofizioz.
Egintza epea: 4 urte.
Ebazpen epea: 6 hilabete.
Nork adierazten du kaltegarritasuna?: Diputatuen Kontseiluak.
1.5.2.1.3 Zergak aplikatu eta zigorrak jartzeko egintzak ezeztatzea
Zerga Administrazioak interesatuen aldeko bere egintzak ezeztatu ahal izango ditu, baldin eta
irizten badio lege antolamendua nabarmen urratzen dutela, geroago lege egoera partikular bati
dagokionez gertatutako arrazoiek egintzaren bidegabetasuna agerian uzten badute edo
prozedura tramitatzean interesatuak babesik gabe geratu badira.
Nola hasten da?: ofizioz.
Egintza epea: 4 urte.
Ebazpen epea: 6 hilabete.
Nork adierazten du kaltegarritasuna?: egintza eman zuen organoak.
1.5.2.1.4 Akats zuzenketa
Erreklamazioaren egintza edo ebazpena eman duen organoak akats materialak, izatezkoak edo
aritmetikoak zuzenduko ditu edozein momentutan, ofizioz edo interesatuak eskatuta, betiere
preskripzio epea igaro ez bada.
Nola hasten da?: Ofizioz.
------------------------------------------------------------------------ 32 ------------------------------------------------------------------------