GIDA Zerga Gipuzkoako - Gipuzkoa.net

1.4.2.2 Zerga urraketen kontzeptua
Zerga urraketatzat hartuko dira edozein mailatako arduragabekeria duten dolu edo erruzko
ekintza edo omisioak, betiere foru arau honetan edo beste foru arau edo lege batean hala
sailkatuta eta zigortuta badaude.
1.4.2.3 Zerga zigorren motak
- Diruzko zigorrak: isun finkoa edo proportzionala izan daiteke.
- Diruzkoak ez diren zigorrak honako hauek izan daitezke:
a) Subentzio edo diru laguntza publikoak lortzeko aukera eta eskaera izaerako zerga
onurak eta pizgarriak izateko eskubidea galtzea.
b) Zigorra jarri duen administrazio publikoarekin kontratatzeko debekua, urte bat edo biko
epean, arauz jasotzen denari jarraituz.
1.4.2.4 Zerga zigorrak mailakatzeko irizpideak
Zerga zigorrak zenbait irizpideren arabera mailakatu daitezke:
a) Zerga urraketak behin eta berriz egitea.
b) Datuak ezkutatzea.
c) Iruzur bitartekoak edo tarteko pertsona erabiltzea.
d) Interesatuak ikuskarien lanean bereziki laguntzea, Zerga Administrazioak nekez lortu
ditzakeen datuak bere kabuz emanez, baldin eta zorra gehitzea badakarte.
1.4.2.5 Zigorrak murriztea
Diruzko zigorren zenbatekoa %40 murriztuko da zergapekoak erregularizazioari nahiz zigorrari
adostasuna ematen dienean.
1.4.2.6 Zerga urraketen eragindako erantzukizuna amaitzea
Zerga urraketek eragindako erantzukizuna behin subjektu urratzailea hilda eta zigorren
preskripzio epea igarota amaituko da.
Zerga zigorrak jartzeko preskripzio epea lau urtekoa izango da, eta urraketak egin ziren
momentutik aurrera hasiko da.
1.4.2.7 Zerga zigorrak amaitzea
Zerga zigorrak amaituko dira behin ordainduta edo beteta, ordainketa exijitzeko eskubidea
preskribatuta, konpentsatuta, barkatuta eta haiek ordaintzera behartutako guztiak hilda.
Zerga zigor irmoak bakarrik Ogasun eta Finantza Departamentuko foru diputatuak barkatu ahal
izango ditu, hala nahi badu.
1.4.3 Zerga urraketa eta zigorrak
1.4.3.1 Autolikidaziotik eratorritako zerga zorra ordaintzeari uzteagatik
Zerga urraketa hau egitea %50etik %150era bitarteko diruzko isun proportzionalez zigortuko da.
Dena den, urraketa subjektu urratzaileari atxikitako kopuruak edo konturako sarrerak edo
benetan jasandako zergak ordaintzeari utzi izanaren ondorio denean, zigorraren oinarriaren
%75 eta %150 bitartekoa izango da zigorra.
1.4.3.2 Likidazioak egiteko behar diren aitorpen edo agiriak osorik eta
zuzen aurkezteko obligazioa ez betetzeagatik
Zerga urraketa hau egitea %50etik %150era bitarteko diruzko isun proportzionalez zigortuko da.
------------------------------------------------------------------------ 28 ------------------------------------------------------------------------