GIDA Zerga Gipuzkoako - Gipuzkoa.net

• Mantenu, ostatu, turismo bidaia eta antzekoengatik emandako prestazioak.
• Aseguru eta antzeko kontratuengatik ordaindutako primak edo kuotak.
• Zergadunaren ikasketa eta mantenu gastuak, edo ahaidetasun harreman batengatik
harekin lotuta dauden beste pertsona batzuenak, ezkon-ahaideenak barne, ordaintzeko
zuzendutako kopuruak.
Ez dira gauza bidezko ordainketatzat hartuko baldin eta zergadunaren ikasketak langileak
egunean jarri, gaitu edo birziklatzeko egiten badira edota beren jarduerak edo lanpostuaren
ezaugarriak garatzeko beharrezkoak badira.
e) Honako hauek beren zenbatekoaren arabera baloratuko dira:
• Borondatezko gizarte aurreikuspeneko entitateen bazkide babesleek ordaindutako
kontribuzioak.
• Pentsio planen sustatzaileek egindako ekarpenak.
• Europako Parlamentuak eta bertako Kontseiluak 2003ko ekainaren 3an enpleguko
pentsio fondoen jarduerei eta ikuskapenari buruz emandako 2003/41/EE Zuzentarauan
aurreikusitako enpresa sustatzaileek ordaindutako kontribuzioak.
• Enpresariek pentsio konpromisoei aurre egiteko ordaindutako zenbatekoak, betiere
ordainketa horiek prestazioak jasotzen dituzten pertsonei egozten zaizkienean. Konpromiso
horiek Pentsio Plan eta Fondoei buruzko Legearen Testu Bateratuak lehen xedapen
gehigarrian eta lege hori garatzen duen araudian xedatutakoaren arabera hartu behar dira .
• Era berean, mendetasun aseguruei enpresaburuek ordaindutako diru kopuruen
zenbatekoa.
Aurreko letretan jasotakoa jasota ere, lan etekina gauza bidez ordaintzen denean eta etekin
hori dagokion enpresaren ohiko jardueraren ondorio denean, balorazioa ezingo da txikiagoa
izan ondasun, eskubide edo zerbitzu horrek jendearentzat duen prezioa baino.
2.4 JARDUERA EKONOMIKOEN ETEKINAK
Jarduera ekonomikoen etekintzat honako hauek hartzen dira oro har: lan pertsonaletik eta
kapitaletik, bietatik aldi berean edo horietako batetik bakarrik, eratortzen direnak eta
zergadunak produkzio bideak eta giza baliabideak, edo bietako bat bakarrik, bere kontura
antolatzea dakartenak ondasun eta zerbitzuen produkzio edo banaketan esku hartzeko.
Ondasun higiezinen salerosketa eta errentamendua jarduera ekonomikotzat hartuko da honako
bi baldintza hauek aldi berean betetzen badira:
• Jarduera egiteko gutxienez lokal bat izatea eta lokal hori jarduera garatzeko bakarrik
erabiltzea.
• Jarduera horretan gutxienez langile bat aritzea lan kontratu batekin eta lanaldi osoan.
2.4.1 Jarduera ekonomikoen etekin garbia kalkulatzeko sistemak
• Zuzeneko zenbatespenaren metodoa: orokorra da eta bi modalitate ditu:
a) Arrunta: etekin garbia zergadunak egin duen jarduera ekonomikoaren sarrerak eta
gastuak kuantifikatuz kalkulatzen da. Era horretara, emaitzak zergadunak egin duen
jardueraren errealitateari erantzuten dio.
Hasierako zenbatekoa = sarrerak – gastuak
Hasierako zenbatekoa
+ Atxikitako elementuen irabaziak
- Atxikitako elementuen galerak
Etekin garbia
------------------------------------------------------------------------ 46 ------------------------------------------------------------------------