XV. Ipuin Lehiaketa (PDF, 2 MB) - Arrieta

Ondoren, helbidea eman zidanez, liburutegi horren bila abiatu nintzen
alboko herrira eta nekez, baina azkenean lortu nuen.
Sinestezina iruditu zitzaidan, kobazulo baten antzerakoa zen, oso leku
misteriotsua, denbora pila egon nintzen horren bila, ez nuen inoiz pentsatuko
horrelako toki batean liburutegi bat egongo zenik.
Hasieran, pixka bat beldurtuta sentitu nintzen bertara sartzeko, baina beste
aldetik zirrara handia sortzen zidan leku hark eta sartu beharra nuen.
Atea ireki eta andre batekin topo egin nuen.
Txundituta gelditu zen hain neska gazte bat bertara sartzen ikusi zuenean.
Esan zidanez, oso jende gutxi hurbiltzen zen bertara, gainera gehienak
adinekoak ziren, eta normala da, egia esan, gaur egun gazte gehienek,
Internetetik egiten dutenez dena, ez dute liburutegi hauen beharrik, baina nik
ez nuen hala pentsatzen.
Berarekin hizketan hasi nintzen eta antzinako mitologiako liburuez
galdetu nion. Jarraian, gela handi‐handi batera zuzendu zen eta bertako
liburu guztiak mitologiari buruz zirela esan zidan, pertsonaia desberdinei
buruzkoak.
Denbora luze pasatu nuen liburu haiei guztiei begirada bat botatzen eta
berandu zenez, etxera joatea erabaki nuen.
Ordutik aurrera egunero itzultzen nintzen eta orduak igarotzen nituen
liburu haien aurrean, txundituta nengoen! Guzti hark amets bat zirudien.
Horrela igaro nituen egunak, bertara joan eta mitologiari buruz irakurtzen
nuen, baina pentsatu nuen pertsonaia bat aukeratu beharko nuela ikastolako
lan hori egiteko eta ondoren jarraituko nuela gainerakoez ere irakurtzen, eta,
beraz, niri gehien gustatzen zitzaidan pertsonaia aukeratu nuen, lamiak.
Lamiei buruz hainbat eta hainbat liburu zeuden baina nik bakarra eraman
nuen etxera lasai‐lasai irakurtzeko, bitxiena, portadan kolore arraroenak
zituena. Besteek nahiko arruntak ziruditen, baina hau ez, berezia zela ziur
nengoen.
24