a. Irakurtzera bultzatzea - Navarra

giroari, zeru azpian izan daitekeen isiltasun handienarekin. Ez da erraza erantzun konbentzigarririk
ematea. Isiltasun barneko balorea eta etika aurkitu gabe ezinezkoa baita
irakurketa goraipatzea eta haren metodologia ulertzea.
Azkenik, nerabeak egiten duen ororako xede bat behar du. Ez du deus hurririk egiten.
Zerbait egiten badu, zerbaiten bila ari delako da. Nola konbentzituko dugu irakurketa
onuragarria dela Etekina Zerena Nola konbentzituko dugu pertsona konduktisa huts
bat -ez da harritzekoa bestela ez izatea halako eskolatze eskinneriar muturrekoa jaso
ondoren- esaten badiogu prozesua, barne bidaia, gerundioa eta hutsean egiten den
abentura direla garrantzitsuenak, eskuz egindako produktu bukatuaren aurretik Nola
konbentzituko dugu ikaslea garrantzitsuena irakurtzea dela eta ez irakurtzeagatik atera
daiteken nota, bizitza eta curriculum osoan besterik ez badu bereganatu Inolaz ere ez
hitzez hitz eta belaunaldiz belaunaldi.
Irakurketari dagozkion alderdiei erreparatuz gero -norbanakotasuna, bakardadea, isiltasuna,
ekoizpen sistema sozialaren etekin hutsala (erabiltzeko balio du baina ez aldatzeko)-,
konturatzen gara irakurtzera bultzatzeko jolasekin ez dutela ia-ia zerikusirik, jolas
horiek multzoan egitekoak baitira, hots ateratzekoak eta baliagarriak soilik une batean,
une jakin batean joera bat, hots, jolasteko eta besteekin egoteko gogoa, asebetetzen
dutelako, ez besterik. Horri guztiari beste hau gehitu behar genioke: irakurtzera bultzatzeko
jardueren hartzailea irakurle homogeneoa eta unibertsala da, beraz, esistitzen
ez dena. Aitzitik, irakurtzea pertsonala, jakina eta errepikaezina da. Orokorrean hitz
egitea erraza den bitartean, hartzaile jakin eta pertsonal baten aurrean mintzatzea ez
da gauza bera.
Onena izanen litzateke irakurtzera bultzatzeko teknikek bete-betean asmatzea jolasaren
bidez haurrari behin eta berriz liburua eskura jartzen diotenean. Nola Jarduerak
prestatu beharko lirateke, irakurtzearen beraren azpian dauden buru-eskemak eta ezagutza-estrategiak
garatzearekin zerikusia dutenak. Baina, beharbada, hala eginez gero,
irakurtzera bultzatzeko teknikak izateari utziko liokete.
Ez naiz erremedioen eta tekniken arerio, inola ere ez. Hala
ere, uste dut, ez erremedioek, ezta teknikek ere, ez dutela
jendea irakurle bilakatzen. Bizitza honetan ez da berez
deus ere erdiesten. Erdiesten dugun oro, berdin adimen
mailakoa zein afektu mailakoa, ahalegin, dedikazio eta lan
gehiagoz erdiesten da.
Azken finean, esan dezakegu irakurtzeko egin behar diren bideak
geure bizitzarenak bezain konplexuak direla. Oso gustukoak ditugu eta
beti ari gara bidea egiten, beti ari gara ikasten.
16
Liburutegiko sagua