H:\Hnehna Eng 38.pmd

2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6
Vol.XVIII Issue No.38, 16 September 2012 (PATHIANNI), THE SALVATION ARMY YOUTH, BETHLEHEM CORPS KARTIN
MUSIC FESTIVAL
Central South Division Y.P Corps te
chuan 16 Sept (Pathianni) hian
Vanapa Hall-ah Music Festival an
hmang dawn a, Zonet ah live a ni
dawn a ni. Kan Corps YP-te pawhin
Item- Flag dance, Beat Group, Reception
& Ushering bakah Ruby
Lalhriatpuii YPCG leh Still Camera
buaipui turin Pu Jimmy Laltlanmawia
YPS-te ruat an ni bawk. Hetah hian
Junior chin kalin Ushers-te 9AM ah
kim ngei tura ni a, 9:30AM a chhuak
turin Biak Inah kim tur a ni.
GOLDEN JUBILEE CELEBRATION
Golden Jubillee Celebration
Committee chuan 16 Sept 2012
(Chhandamna Inkhawm) hian Jubilee
Logo design result puanna leh
lawmman semna an nei dawn a, Logo
buatsaihtute inkhawm vek tur a ni.
Jubilee tana chhungkaw tin
te’n Investment thahnem ngai taka
thlatin pe zel turin ngen kan ni a, bial
neia khawntute pawhin thahnemngai
taka mahni bial theuh khawn zel turin
ngen nawn kan ni.
26 Oct 2012 hian Pre-Jubilee
nei tura inbuatsaihna kalpui mek a ni
a, Section tin te Item nei tur pawh
hriattir an ni tawh a. Golden Jubilee
Sub-Committee hrang hrangte tun aia
chak zawka hma la tur a ngen an ni.
BRIGADE HNATLANG
Sr.Capt.Lalkaithanga Brigade-te chu
15 Sept (Inrinni) tuk khan Biak In
tifaiin hnatlang an nei a, member
thawkchhuak an thahnem hle.
Hnatlang thawkchhuak zawng
zawngte chungah Brigade hruaitute
chuan lawmthu an sawi a ni.
Anni Brigade hian Sangha an
zuar dawn a tunkar khan zan 2
thawkchhuakin vengchhungah
tlawmngaia lei sak tute zawng zawng
chungah lawmthu an sawi e. Sangha
an zawrh tur hi Bazar rate aia tlawmin
an zuar dawn a ni.
LIGHT & SOUND HNATLANG
15 Sept (Inrinni) khan hnatlang neih a
ni a, member tam tak an thawkchhuak
a ni. Member thawkchhuak zawng
zawngte chungah SAY hruaitute
chuan lawmthu an sawi a ni.
LIBRARY DONATION
SAY Library-ah heng lehkhabute hi
Donate a ni: Manner & Ettiquiettes -
Rosy K.Remsangpuii donated by
K.Lalremsiama SAY Leader. Ellen
G.White lehkhabu collocetion - 1)
Thalaite Hnena Thuchah 2) Kristian
Chhungkua 3) Naupang Kaihhruaina
donated by Editor
William Lalchhanchhuaha
CHHUAK
SAY COUNCIL VAWI 11-NA
16 September 2012: 14 September 2012 (Zirtawp) zan khan SAY Office-ah
SAY Council neih a ni a, an thurelte chu hengte hi a ni:
1. Lehkha lo lut - Bethlehem CO Bial SAY Council-in a ruat angin Bethlehem
Corps-ah Bethlehem CO Bial SAY Meet chu 23 Sept (Pathianni) hian neih a ni
dawn a, zai kaihruaitu chanvo nei turin Johny Lalthanpuia Asst.Leader leh
Rohlupuii bakah Musician turin Music i/c te ruat an ni.
Bethlehem Corps Pre-Jubilee Celebration, 26 Oct (Zirtawp) hian neih
a ni dawn a, SAY Songsters Brigade leh Group Singing nei tura ruat an nih
angin Music i/c leh Editor William Lalchhanchhuaha-te hma la tura ruat an
ni. Live Music neih ngei nise tiin an rel. Golden Jubilee Council Member
SAY aiawh tura Golden Jubilee Celebration Committee-in ruat tura a hriattir
angin K.Rosangzela SAY Secretary chu ruat a ni.
Division Sipai Inkhawmpui 21
Oct 2012-a lo awm tur atana Fankna
Inkhawm-a Bethlehem Corps chanvo
nei tura Divisional Commander-in a
hriattir angin heng mite hi ruat an ni :-
i)Pu Lalzuiliana & Pu T.Lalpianga SAY
Adviser. ii) Zai kaihruaitu -
Asst.Leader Johny Lalthanpuia, Editor
William Lalchhanchhuaha, Mary
Lalnunmawii, Lalrohlupuii. iii) Musician
- Music i/c te, C.Laltlanmawia (Ca)
& Zonuntluanga BM. iv) Keyboard
- Lalrammawia. v) Khuangpu -
Zodinthara Renthlei &
F.Lalchhandama Asst. Evan. i/c. Republic
Veng Field-ah Mual inkhawm
neih tur a ni a, Bethlehem Corps kutah
Sound System nghah anih angin heng
mite hi buaipui turin ruat a ni :- i)
Sound System
2. Work Camp : Capt.Vanlalthlanga,
Principal BTM School, Garod Punjee
ngenna leh sawmna angin Work Camp
neih ngei tha an ti a, Work Camp a kal
tura inpete chu 24 Sept (Thawhtan) zan
thleng hming pek theih a ni. Member
kal tur zat azirin hmalakna neih zui
nise tiin an rel.
3. Zaipawl Lawmmna Lawmna : Central
South Division SAY Zaipawl
intihsiaknaa lawmman Pathumna an
lak chu Council-in a hmaa a lo rel tawh
angin lawm sak ngei tha an ti a,
lawmna hmun thlithlai turin Secretary
K.Rosangzela chu ruat a ni. Member
pum huap lawmna neih tum a ni.
Lawmna Programme buaipui turin
heng mite hi ruat an ni - Adviser
C.Vanlalnghaki, Asst.Leader Johny
Lalthanpuia, Lalthazuala Tlau,
Lalremtluanga, Editor William
Lalchhanchhuaha. Bial neitu ten mahni
bial theuhah Buhfai khawn nghal tur a
ni; Fatu - Secretary ten an ruat anga;
Bus - Adviser T.Lalpianga; Video Coverage
- William Vanlalpeka. Ropui taka
he hun hi hman tum a ni a, kal tur
zawng zawng ten Rs.50 aia tlemlo ken
theuh tur a ni.
4. On-The-Spot Article Result : 20
August 2012-a SAY On-The-Spot article
intihsiakna result chu peihfel a
ni tawh a, 17 Sept (Thawhtan) SAY
Meeting hian result puanna neih a
ni ang. Intihsiaknaa tel zawng
zawng ten lawmman an dawng
dawn a ni. Top 3 bakah 4-na atanga
10-na hi Editor William
Lalchhanchhuaha’n a sponsor dawn
a, 11-na atanga 24-na hi Asst.Leader
Johny Lalthanpuia’n a sponsor
thung dawn a ni.
5. Brigade Nite : Brigade Night
hman chhunzawm dan tur
ngaihtuah zui a ni a, hetiang hian
ruahmanna siam a ni.
15 October SAY Meeting -
Sr.Capt.Lalkaithanga Brigade
12 November SAY Meeting
- Chalchhuna Brigade
LT.COL.KAWLKHUMA BRI-
GADE NIGHT
Kawlkhuma Birgade-te chuan 27
August 2012 SAY Meeting khan Brigade
Night hlawhtling tak an hmang
a, item benglut leh mit ti tlai tak
takte an nei a ni. Host thiam takin
an host bakah eitur tui tan
inkhawmte an hlui bawk a. Brigade
member thawkchhuak zawng
zawngte chungah Brigade hruaitute
chuan lawmthu an sawi a ni.

Vol. XVIII Issue No.38 HNEHNA ENG Phek 2-na
Associate Editor : Lalremtluanga
Chief Manager
: F.Vanlalhlimpuia
Joint Editor
: Lalrammawia
News Reporters : PC.Lalhmingchhuanga
: Albert Lalruatkima
: Lalthazuala Tlau
: C.Lalbiaktluanga
Harsatna - Part IV...
Kan thlir dan leh kan ngaihdan hi a dikin a
tha hle thei, dik lo thei kan ni tih erawh kan inpawm
thiam a ngai.
Miin zaipawl/band velah theihtawpin
rawngbawlna a phak tawkin lo ti vein, Pathian
pawhin chakna leh phurna/tuina a pe ang, chutah
tak chuan a nuam tih vang hrim emaw tih sak hi mi
tam tak chin dan a ni; miin a chak vang ngawtin
chawngheiin hla a zir lo ang tih chu ngaihtuahna
sawr bing vak lo pawhin a hriat nghal mai anga,
mihring in a tih theih tawk Lalpa tana a hlan hi a
rawngbawlna a ni, sawichhiat sak a tha love. Kan
duh ang leh ‘ni zawk se’ kan tih anga miin an tih
loh hian lo sawisel te, lo diriam mai hi a awlsam a
ni ngei ang, rawngbawltu tan phei chuan tih loh a
tha hle mai, mi nun chawisangtu aiin vawchhetu
nihna a ni. Midang tan harsatna eng chen nge kan
siam tih hi a chhut pawh kan chhut ngai em
Songster leh Band hi Sipai Pawl
rawngbawlna hmanrua pawimawh em em leh
tangkai tak an ni, helamah hian hmasawn tura tan
lak chu kan ngai khawp niin a lang. Kan Band-te
phei chu Corps mal ang zawng pawhin a tha ber
kan ti ngam deuh thuak anga, an chhuanawmin
Territorial Band-ah pawh Corps khat atanga tel
hnem ber kan ni. Amaherawhchu, mite sawisel
theihna tur kawng siam loh hram hram a tha khawp
mai. Band chuan hla thu a keng tel lem lova, ri
ringawt anih avang hian mipuite hriatthiam
zawngin thu a sawi lem lova, advantage tam tak
awm mahsela helai tak hi an disadvantage a ni. Thu
sawi lova rimawi tum ringawt annih avang hian
an danglamin an langsar em em a, mi tam tak chuan
a hamtute nun an thlir zuiin an beisei loh ang an
hmuh chuan an rilru put an thlak daih thei a ni.
Zaipawl hi rawngbawlna ropui tak a ni a, a
huho a Pathian thu thluk neia puanchhuahna a ni.
Zaipawl hmanga rawngbawl thin tam tak ten an
chin fo chu Bawngkawn Pastor Bial Zaipawl anga
zai hi an tum ni ber hian a lang, zai pah a phar du
du hi a ‘rau’ viau niin kan hria a ni mai thei,
discipline nei kohhran kan nih angin zaipawl
conductor en kar a theihtawp a zai mai tur a ni,
discipline ngainalo thlarau mi a awm theih loh,
thlarauna bulpui pawh discipline a ni tawh reng si
a. Zai thlarau tumna hian zaipawl te a ti thuanawp
thin, thlarau a zai mai tur a ni. Kan hla sakte hi kan
testimony a nih zel theih hunah chuan kan tum vang
pawh ni lovin Lalpa thiltihtheihna nen hla kan
puangchhuak tawh thin dawn a lo ni zawk a, thu
chu hla a ni a, hla pawh chu thu a ni, tih ang khan.
Managers
: Lalrohlupuii
: Jonathan Lalchhanmawia
: Nicky Lalhmangaihzuala
: Stephen Lalmawipuia
: Laldinsanga
: Vanlalchhandama
HUN RUATNA
SENIOR CORPS
THIANGHLIMNA INKHAWM (16 th SEPTEMBER 2012)
HRUAITU : Lalfamkimi
THUSAWITU : Lalramluta QM
BIBLE SCHOOL (16 th SEPTEMBER 2012)
HRUAITU : Raldovi
CHHANDAMNA INKHAWM (16 th SEPTEMBER 2012)
HRUAITU : R. Laizingi
THUSAWITU : Zonuntluanga BM
SALVATION ARMY YOUTH
SAY FELLOWSHIP (16 th SEPTEMBER 2012)
HRUAITU : Jonathan Lalnunsanga
TANTU : Elizabeth Lalnunsiami
SAY MEETING (17 th SEPTEMBER 2012)
BEIHRUAL THUPUI : Evangelism & Liberalism
HRUAITU : Vanlalruati
ZIRLAI : Johny Lalthanpuia, Asst.Leader
YOUNG PEOPLE
SUNDAY CHAWHMA (16 th SEPTEMBER 2012)
HRUAITU : Lalbiakfeli, YPCG
TANTU : T.Lalruatfeli, Primary Girls I
PRIMARY CHIN HNUAILAM ZAWNG KAN CORPS-AH INKHAWM
TUR A NI A, YP MUSIC FESTIVAL, CENTRAL SOUTH DIVISION
ANIH DAWN AVANGIN JUNIOR CHUNGLAM ZAWNG CHU
VANAPA HALL-AH INKHAWM TUR A NI.
HOME LEAGUE
HOME LEAGUE MEETING (18 th SEPTEMBER 2012)
BEIHRUAL THUPUI : SA MISSION STATEMENT
GROUP 1 : HL SECRETARY-TE IN
HRUAITU : Rinpuii
ZIRLAI
GROUP 2
HRUAITU
ZIRLAI
: RAMCHHANTHANGI
: LALDINPUII-TE INAH
: Lalzikpuii
: RAMDINGLIANI, HLSL
PANGPAR KHAWI-TUTE
16 th SEPTEMBER 2012
Lalzawmliani & Vanrammawii
SEPTEMBER USHERS
C.Vanlalhlimpuii F.Laltanpuii
Lalhmunmawii Cindy Lalhmingsangi
C.Laltlanmawia R.Lalnunmawia
BEIHRUAL HUNRUATNA
HRUAITU
THUPUI CHANGTU
19 th Sept Mimal Tan Rawngbawlna
Lalramchuani Lalrammawia
20 th Sept Khawtlang Tan Rawngbawlna
Hauziki Lalzamliana Sailo
21 th Sept Chhiatrupna Thlen Huna Rawngbawlna
Corps Cadet inkhawm
22 th Sept Tunlai Harsatna Thleng Meka
Rawngbawlna
Lalchhingpuii C.Thangzuali

Vol. XVIII Issue No.38 HNEHNA ENG Phek 3-na
KA VEI ZAWNG
- Jimmy Laltlanmawia, YP.Sgt
Ka veizawng ka han sawi ve mai mai teh ang, a pakhatna ah chuan, kan biakin compound kan enkawl
dan chung chang hi a ni. Biakin compound hi vantlang kawng a nilo tih hi engtin nge mi te kan hrilh ang aw,
gate ah hian kan tar vu mai dawn emawni le, inkhawmlai leh khawm loh lai pawha danglam miahlo a, mi ten
vantlang kawng emaw ti a min paltlang sak fo mai hi ngaihmawh awm tak a ni, keimahni lamin kan enkawl dan
in a zirlo nge ni ti em em maia mi ten min zahloh sak mai hi a na ve khawp maia, YMA Office kawta Gas an sem
lai te phei kha chuan Gas bur pu vu vu chung te khan an kaltlang sup sup mai thin kha a ni a. Corps puipa
thenkhatte ka zawh tuma min chhanna pakhat chu, kan mi te ngei ngei pawh hian kal vel nan tak hian an
hmanga a buaithlak, gate siama kalh tih vel pawh hrethiamlo an awm dawn tlat maia an ti a, kei chu (midang
tamtak te pawh) biakin ah nilo a kalpel ngaia tihtur ka neih in kawngpui ah ka hel hram hram thin. Rawtna han
siam ta ila, kan Biakin gate te hi Kohhran unau dang thenkhatte tih ang hian, tuna kan gate ang nilo hmuh pawh
hmuhtlang theih miahloh a gate phu tak siam ve ni sela, main gate leh thlanglam gate te hi kalh anih loh pawn
inkhawm leh tul bik ah lo chuan khar phuitlat thin nise, YP Hall leh CO Quarter inkar ah hian step dang siam chu
chu CO te leh an inleng te kal vel nan. Tin, Inkhawm leh biakina tul nei nilem lo kaltlang thin te hi an kal lai
hmuh apiangin thadeuha hrilha ka biakin leh a compound te min zahsak ve tura a hmu apiangin lo hrilh zel nise.
Zunin leh a vel hi tun aia thianglima vawn chung
chang ah nu leh pa ten mahni fate uar taka zirtir nise,
hei hi tunlai khawvel ah sawi lan zahthlak ni mahse
keini chu kaninzirtir a la ngai hle a ni. Mi pakhat chuan
YP lamah lo inzirtir deuh the u ti in min chah a, mahse
YP lam ah hi chuan kan sawi ngun khawp maia, Sunday
ah chauh an lo kal bawk si a, chu ai chuan full time a
enkawltu nu leh pa te hian mahni chenna in ah
nungchang mawi leh chet thianghlim chung chang hi
zirtir fo a pawimawh a ni, zunna a thil eina kawr paih
mai mai te, thenkhat kuhva eina lo chhak sen ngei nguai
ta mai te kan la awm tlat hi kan mawl zia tarlang tu mai
a ni.
Inkhawm laia biakin veranda a thali thuthup
thin hi sim hmak ni theise harhan ropui a lo thleng a ni
ringawt ang. Nilum ai ti dawn ila nipui laia nilum aithu
khawiah va awm suh, a thuthin ngai te hlir hi an ni
lehnghala hei hi a thalo a ni, naupang zawk ten an
entawn tlat, kan inkhawm peihlo a nih chuan in lam
loawm mai tur ni awm tak a ni a, mahse inkhawm laia
thutna kan changlo pawh nilo pawna thalai kan thu thup
zel mai hi a ngaihmawh awm tawp khawk a ni, veranda
mai nilo athen SAY office lama mei lo va zu ta lah bo lo.
Chhangchhe nu ho te hi chu a pawi lo an fate biakin
chhung a thutpui theilo mahse biakin tual an rawn lawi
luhpui hrim hrim hi a tha a ni.
Tin, inkhawm tura kal ni na na na, biakin a lut ta mai
loa tual vela ar lawithaduhlo angmaia kan zi hut hut
thin te hi enge ni a awmzia ningai, veng mawng deuh
lam te an rawnchhohna a thuthama thlifim an han
dawng a an han hahchawl te hi chu ahriatthiamawm
khawp mai.
Biakin chhung ah lutta ila, tunlaiin khaw
awmdan a inthlak ve ta hret hret a, mahse khawlum a
la kiang lo, abikin pa ho lane a thu ten kan hriattur chu,
tukverh thlithaw kan ngaithei lo a nih chuan tukverh
bula thut chuh loh mai tur, tamtak chuan an mahni chauh
an inngaihtuaha tukverh bul an chuh a, reideuh hnu ah
thlithaw avangin vawt an ti deuh a, tukverh an khar
mai thin a, an khar phui zo leh vek thin, chutiang a lo
nih chuan, thalai tlarlai lam tan chuan puanpui sin ang
HAPPY
BIRTHDAY
SAY Member zingah 16 - 26 September inkara piangte
lawmpuina leh duhsakna kan hlan e.
Hming Birthday
1. C. Lalrinawmi 16-Sep
2. Nicky Lalhmangaihzuala 19-Sep
3. Lalremtluanga 19-Sep
4. Lucy Laltihdami 20-Sep
5. David Lalmalsawma 20-Sep
6. Saingengliana Sailo 21-Sep
7. C. Laltlanmawia 22-Sep
mai in a lo thawpik in a lo lum ta em em thina a hrehawm
duh khawp mai.
Biak in chhungah hian mobile kan chelek mah
mah, tul bik thil ah phone a lo ri a, biak ngei ngei a ngai
a nih chuan chhuahpui mai a tha, biakin luh hma in kan
off lo a nih pawn silent mode ah dah ani tih kan chiang
tur a ni a, biakin chhunga mobile tih rik tur tut hi kan
mawlzia ti lang tu lek a ni, chu aimah chuan, camera a
awm tih avanga thawk aphita thla kan la reng hi chu
kan in control a tha khop mai, naupang te te ten mobile
a biakin chhunga thla an la an la mai hi a mawi lo, enge
maw bik leh hunbik ah te kan la a nihchuan thuhran.
Hriatpuina sawi pawh hi kan sawi tel teh ang,
Sipai pawl ah chuan hriatpuina sawi hi kan uar a kan
ngai hlu bawk a, mahse tam tak chuan kan tilutuk deuh
in a lang. Sorkar ah hna kan dil dawn a, kan qualified
ngeia a ni tih chiannan lehkha kanneih ang te kan thiltel
thina chu chu kan tlinzia tilang tura kan testimony a ni
a, chuvang chuan testimonial certificate tit e pawn an
sawi thin. Tiang chiah chuan sipai pawl inkhawmna a
testimony sawi hi rilru sawi hun kohhrang dang ten an
tih nen hian a inang lo tih hriattur a ni, Pathian Thlarau
thianghlimin min khawiha min luangtlanga, malsawmna
thar ka dawng a, Pathian ropuzia leh thil tihtheihzia
kalo hre fiah/thar a,ka hlim em em maia Pathian
hnathawh keimahah a lo thleng ngei a ni tih chu zep lo
in kan sawi chhuak ta a, kohhran mipui te pawn
malsawmna an lo chanphah thin, Pathian nen kan
intawn dan leh chumi in ka nunah nghawng a nei ani
tih lai kha sawi tur a ni a, chu chu kan testimony a ni.
Court ah thu inchuh a awm in thudik zawk a ni tih fiah
nan hriatpuitu ten thu an sawi ve a chu chu testify an ti
a, keini pawh in Pathian ropui zia leh thiltihtheih zia
chu kannun a a thil tih hmang in kohhran mi te hma ah
Testimony sawi hun ah kan testify tur a ni. Rilru sawi
na hun a ni lo a, thahnem ngaihna sawina hun pawh a
Chhunzawmna phek lehlamah...
JCB FOR HIRE
JCB hire duh tan JCB
3XD thar hlak hire tur ka
nei e. Man tlawm leh
chak taka hnathawh
duhte tan koh theih reng
kan ni e. Contact :- Robert, 09862559400
VEE CEE CHICKEN TADOORI
Arsa tuihnai leh thianghlim, uluk taka hem hmin,
a hrisel leh tui em vanga zawngchhang hlawh tak,
hun pawimawh a hmaih theih loh Chicken
Tandoori kan nei reng e. Home Delivery kan tih
nghal avangin i duhna hmunah kan dah sak thlap
thei che ania.
Contact :- 9862413777 / 9615821450

Vol. XVIII Issue No.38 HNEHNA ENG Phek 4-na
THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH.
HEADQUARTERS NEWS
Sermon Chhunzawmna...
ni alo a, keimahni mimal chanchin sawi nah un pawh a
nilo Thuhriltu tunlaia lar tak mai Joyce Myer-I chuan,
“Hriatpuina I sawiin chapo lo turin ika veng tha rawh,
hriatpuina kan sawi tam tak te hi chu kan insawithei
mai mai lek a ni”, a ti a, a dik viau in ka hria chute a nih
loh chuan midang tan inkhawm ti hrehawmtu ah lek
kan chang thei, Inkhawm apianga I hriatpuina nung
tak ngaihthlak kha tute pawn ka chak a, kan thlahlel a
ni, aching phei chuan Thuhriltu awmmiah lo in
hriatpuina nung leh ropui tak tak te hi ngaithla ta thin
ila mite nun atang khan malsawmna kan lo chang ve
thei ngei ang tih hi ka ring thin, mahse inkhawm apianga
sawi an awmlo emmai tih vel mai mai vanga lo ding ve
ziah te hian inkhawm an ti nung lo zawk hlauh thei.
Inkhawm hruaitu in a thuber a ni tih hrereng
chuang, hriatpuina sawina hun zau takin ilo hawng ang
an ti fo hi a diklo a ni, Sipai pawl ah chuan zautaka
hawn a ni a, mahse a sawi ve lo mi tamzawk te kha
ngaihtuah tel reng tur a ni a. Tin, thusawitu kan lo
sawm anga a duhtawkin hun hmang rawhse, banna
hun pawh a kutah tih te hi, hruaitu inbuatsaih lo tih
dan a ni, inkhawmna kan hruai dawn in kan inbuatsaih
tur a ni a, thusawitu ai pawn hruaina hi a pawimawh
fo thin, hruaitu in a inbuatsaih a, inkhawm kalphung
nung taka a hruai chuan thusawitu tan pawh sawi zui a
nuam in inkhawm boruak a zang vek thei. Pulpita
dingchhuak a hmel hmuh hrehawmkhawpa tumbur te
hi in control tur a ni, hlim sarh in mipui hmuh atan kan
dingchhuak tur a ni, tamtak chu, inkhawm an hruai te
thu an sawi te hian, an thinur ta a nihngei dawn hi tih
tur khawp in an tum kawh tlata Pathian hmangaihna
thu te hi tumbur chungin kan sawi thin, hemi kawng
ah hian kan upa thenkhat te hi chu an fakawm khawp
mai Pathian thu chu sawi nuam an ti tih hi an hmel ah
pawh a hriata an hmel anung sarh thin a ni.
Hriatpuina sawitu in, hla kan thlang a nih
chuan, mipui te kha ding chunga sak pui kher tur phut
tur a nilo, inkhawm hruaitu thu a ni a, hruaitu in ding
chungin isak pui ang u a ti a nih chuan thuhran,
hlathlang tu in kan za a dingin ilo sa ang u tih hi, a
chaltlai deuh lo maw.
Inkhawmna ah hla kan sak in Solfa hla kansa a
nih chuan, a bass thiamin bass ila, tenor thiamin tenor
in sa ila, Alto/contralto thiamin contralto in tiang chuan
zaipawl ropui tak kan ni maia a nuam in zai a nung bik
duh hle, hla thenkhat hetianga sak remlo te chu awm
tho mahse, Solfa entur a awma kan thiam pawht chuan
mahni part thiam anga sak hi chin fo tur a ni.
Biak in hnung lamah inthiarna kan siam tak
vang hi ani in a lang, dawhsan lama thu hun hmangtute
thlengin inkhawm laia inthiar tura kal tuih tuoh hmuhtur
a awm ta fo mai hei hi a mawilo hle a ni, naupang
zunzung chhuak sek pawh kan khap thin a ni a, luhhma
a intihfel lawk nachang hriat a hun tawh viau a ni.
Biak in tual hi kan zah a, kan uluk deuh deuh a
thul a ni, biakin tuala mei zukhu ta luih luih hi kan tam
riau maia, ngaihmawh awm em em pakhat chu, SAY
Office a mei kan zu thin hi a ni, hei hi SAY Hruaitu te
hian an hria em aw, a bikin Thianghlimna inkhawm lai
YP Class la tur lo kal hma hian tute emaw chuan SAY
Office chhung ah hian mei an lo zu thin a, a hnu ah
class la turin kan lo kala khawlum nen meizial rim nen
a hrehawm thin hle mai, chu chu thuhran ni se, naupang
zawk te kawng dik kawhhmuh tumin kan rawn luhpuia
meizial rim a lo nam rum rum zel mai hi a pawi
tawpkhawk a ni.
NI RUK CHHUNG CRUSADE NEI DAWN
Major Vanlalthanga Spiritual Development Secretary
chuan 18–23 September 2012 chhung hian Madanritting
Corps Shillong-ah Crusade a nei dawn a, Crusade
chhung hian chhun lamah rawngbawltute pualin Seminar
leh Retreat a neihpui ang a, zan lamah mipui pualin
rawngbawlna hun a hmang thin ang. Pu Lalchhandama
Asst.SAY Leader Republic Corps in a tawiawm ang, he
rawngbawlna atan hian mitin ten i tawngtai pui ang u.
EMERGENCY RELIEF SERVICE
Major Lalmuansanga Emergency Relief Secretary chu
Assam-a chi leh chi intihbuaina chhuak avanga tuartute
chhawmdawlna kawngah Salvation Army-ten tih ve
theih kan nei em tih enfiah turin a hmunah a kal. Major
hi 13 Sept khan a chhuak a, chawlhkar khat hnu ah
chuan a tihturte tifelin a lo hawn leh hman beisei a ni.
OFFICE cum QUARTERS :
Emergency Relief cum Quarters tur Kulikawna sak mek
chu zawh fel a ni ta a, hun remchang hmasa ah hawnna
leh Pathian hnena hlan a ni ang a, chumi hnu ah Secretary
hian aluah ang a, he hmun atang hian India Eastern
Territory in Emergency Service a tih theih ang chu
ti turin hna a thawk tan tawh ang.
CHIEF SECRETARY PROGRAMME
14th September khan Zotlang Corps Central North Division-ah
Tv.Lalchhungmuana leh Lalrinhlui te
Inneihna hunserh (ceremony) chu Lt.Col.Lalramhluna
Chief Secretary chuan a hmang a, Tv.Lalchhungmuana
hi Tripura-a Salvation Army bultantute zinga mi
pawimawh tak Pu Denghera CSM tupa a ni a, inneihna
inkhawm hi mi tamtakin an hmanpui a ni.
ARCHIVES ADHOC COMMITTEE THUKHAWM.
13th Sept 2012 (Thursday) khan, Territory Level
Archive din dan tur thu ah leh India Eastern Territory
chhunga kum leh hun pawimawhte tihchianna thu a
hma la tura din chu THQ-ah an thukhawm a, meeting
hi Chief Secretary in a hova, India Eastern Territory
kum leh ni pawimawh kal tawhte leh lo la awm zel tur
chungchanga hma lak dan tur te an ngaihtuah ho dawn
a ni.
SEMINAR ON OFFICERS FIVE YEAR REVIEW
Officer atana Commission an nih atanga a kum 5-na
alo nih tak avangin dan anga review-na hun Officer 13
te tan buatsaih a ni. Territorial Headquarters Booth
Conference Centre ah neih a ni a, ni hnih chhung awh
Programme duanlawk hi duanlawk anih angin,
hlawhtling taka hman a ni. Officer hote hi Territory
chhung hmun 7 atangin an lokal khawm a, anmahni
ngeiin an rawngbawlna te an thlirlet bakah tisa leh
thlarau lam hmasawnna thar nen an kir leh dawn a ni.
Lt.Col.Kawlkhuma Brigade Night : Patriotic Dress
Published by THE SALVATION ARMY YOUTH, Bethlehem Corps : 2012
Editor : William Lalchhanchhuaha (: 8014343637 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-