Download Hnehna Eng 39 Here

2011 THUPUI “I DIN LEH ANG U” (Let Us Rebuild) NEHEMIA 2:17
Vol. XVII Issue No. 39, 25 SEPTEMBER 2011 (PATHIANNI), THE SALVATION ARMY YOUTH, BETHLEHEM CORPS KARTIN
A DAY OF PRAYER FOR VICTIMS
OF HUMAN TRAFFICKING
DAMLO
Pu K.Rosangzela, SAY
Asst.Secretary chu Civil Hospital-ah
Sept’23 (Zirtawp Ni) khan zai a ni a,
Sipai ten kan tawngtainaah dil sakin i
hre reng ang u.
WWW.SAYCONGRESS2011.COM
Territorial SAY Congress November
thla a Thenzawl a neih tur
inpuahchana chak taka kalpui mek a
ni a, Information Documentation &
Public Sub-Committee-te hmalakna in
Congress pual a website siam a ni a, a
duh apiangte tan tlawh theih a ni.
Programme kimchang leh information
tam tak en theih in a awm reng a ni.
CORPS CADET RALLY
Central South Division Corps Cadet
Rally chu Sept’24 th -25 th chhungin
Thingsulthliah Corps-ah nei a ni a,
Bethlehem Corps atangin Corps Cadet
Zirlai 32 he Rally hmang tur hian
an kal. Zirlai 10 in Badge of Merit an
dawng dawn a chung mite chu :-
1. T.Lalrinengi 2. F.Laltanpuii
3. T.Vanlalhriata 4. Vanlalawmpuia
5. Lucy Laltihdami 6. Vanengmawii
7. VR.Lalngaihawma 8. Lalhruaizeli
9. Onesim Lalnunzira 10. Vanlalsiami
He Rally hi hlawhtling tak neih a nih
theihnan Sipai ten kan tawngtainaah i
hre reng ang u.
SAY SONGSTER
SAY Songsters Brigade ten
tunlaiin urhsun takin hlazir an kalpui
mek a, programme an neih bichilh deuh
avangin SD Beihrual lai mah ni se C.O.
phalna leh hriatpuinain hla zir thin a ni.
Bethlehem Corps SAY Songsters-te
hian Sept’25 (Pathian Ni)
Thianghlimna Inkhawm-ah Dawrpui
Vengthar Corps-ah programme an nei
a October thla tirah Temple-ah Pre-
Congress programme-ah hun an hmang
bawk ang. Sipai ten kan tawngtainaah
an tan i dil sak thin ang u.
CHHUAK
INDIA SALVATION ARMY DAY
India rama Sipai Pawl din cham 129-na
25 September 2011 : Booth Tucker-a’n Pathian kohna a hriat atangin India
ramah Sept’19, 1882 khan Chhandamna Sipai Pawl chu din a lo ni a, India
rama Sipai Pawl din champha 129-na chu Bethlehem Corps pawhin urhsun
takin Sept’19 Thawhtan zan khan a hmang a ni.
India-ah hian member (Soldier,
Adherents, Junior Soldiers, Recruits) zat
chu 3,27,727 a ni a; Territory 6 (paruk)
ah then a ni a, Corps3,216 a awm a; Officer
2,447; Officer training lai 120 leh
Sipai Pawl in hna hrang hranga a chhawr
mi 2,541 an awm mek a ni.
He inkhawm hi Pu Vanlalhruaia,
CSM-in inkhawm kaihruai in, Pu
K.Lalthazuala, VS chuan thuchah a sawi
a; Chhandamna Sipai Pawl India rama
din anih dante zirho a ni a, Sipai Pawl
dinhmun leh Sipai ten hma kan sawnna
tur kawng hrang hrang pawh zir ho a ni.
YP Corps, Corps Band leh SAY
Songsters Brigade ten items benglut tak
tak Pathian ropui nan leh kum 129-na
lawm nan an hlan a, Biak In khat tlain
inkhawm a ni.
SAY LIBRARY DONATION
Heng mite hian SAY Libraryah
lehkhabu an donate:-
1. Hmingchhuanga - Dr.Jekyll &
Mr.Hyde.
2. K.Lalremruati - The Life of Christ
3. Lalhruaimawia - a)Kulva; b)Nun Tak
Tak; c)Mizo Thawnthu; d)Mizo
Hnahthlak Thawnthu; e)Heidi; f)Mizo
Pipute Thlarau Kawng.
4. Judy Lalramnghaki, SAY Lit.i/c - a)
Beramno; b)Natna Khum A Pathian
Inpawlna; c)Return From Tomorrow;
d)Sisil Hipson Leh Kei.
5. Nupa Tana Hriattur Pawimawhte.
Naupang Library lehkhabu neih
tharte:-
1. Scientist Ropuite 2. Kutzungpuia
3. Liandova te Unau 4. Robinson Crusoe
5. Hnehna Thuruk 6. Joy Spartan
7. Huan Thuruk 8. Rairahtea
SAY Library a lun thei hle a, Library-a
lehkhabu hawh thin ten
hmanhmawh lovin, mahni hun nghak
hram hram turin i/c. ten library member
te min ngen a ni.
SAY Library-ah hian a duh apiang
tan lehkhabu a donate theih reng a ni.
Lehkhabu donate tute chungah SAY Library
i/c. ten lawmthu an sawi.
FEH CHHUAK
Bethlehem Corps atangin Pu H.Ngaizika,
RS; Pu R.Lalthanpara, ACS; Pu
H.Sanghlira; Tv Lalthazuala Tlau, Tv
Johny Lalthanpuia, SAY Fin.Secy-te chu
Changzawl-ah rawngbawlna nei turin an
feh chhuak. An rawngbawlna hmunah
Pathian ram a lo thlen theihna turin Sipai
ten kan tawngtainaah i hre reng ang u.
BRIGADE NITE
Lt.Col.Kawlkhuma Brigate-te chuan
Sept’19 SAY Meeting khan an Brigade
Nite ropui takin an hmang a ni. Member
inkhawm an thahnem in, items benglut tak
tak thlir leh ngaihthlak a ni. Theitui tui tak
leh cake tui tak inkhawm banah
inkhawmte an hlui bawk a ni.
HNEHNA ENG MAN
Chanchinbu man thenkhatin an
pek that laiin pe thalo an awm a, kim taka
thehlut thin turin chanchinbu semtute kan
inngen thar leh a ni.

Vol. XVII Issue No. 39 HNEHNA ENG Phek 2-na
Asst. Editor
Jt. Editor
News Editors
: William Lalchhanchhuaha
: Lalremtluanga
: PC Lalhmingchhuanga (World News)
: Joseph Laldailova
: Lalrohlupuii
: Lalrimawii
: C Vanlalchhuanga
Cir.Managers
Publisher
: K Lalremsiama
: F Vanlalhlimpuia
: Jonathan Lalchhanmawia
: Eric Lalhriatzuala
: T Lalrinzuali
: Judy Lalramnghaki
: SAY, Bethlehem Corps
Changkanna ...
Khawvel ram changkang zawk te’n min
chiahpiah tawlh tawlha, changkanna zia kan
hrethiam ve tawlh tawlha; khawvel thil mai bakah
rawngbawlnaah pawh changkang zawka engkim
tih kan duh a kan senglut mek zel bawk a.
Mi a hausak a, tunlai thil tha leh changkang -
mobile, car, diamonds, etc. a neih hian ‘a
changkang hle mai’ kan ti mai thin a, thil tha ber
ber neih hi changkanna a ni hawt lova hausakna
hi changkanna dik tak chu a ni lova, changkanna
in a ken tel mai zawk a ni. Rual awh vanga thil tha
leh changkang kan in chhek arbawm ta chiam thin
hi chu materialism a ni, hnam changkang zawk
te’n changkanna an tih thin chu hmasawnna
(improvement) a ni.
Inti changkang taka tunlai thil tha leh lar kan
neih leh kan tihte hian min ti changkang lo zo vek
thei. Biak Inah mobile phone man to tak sermon
laia i hmeh zuah zuah chuan tunlai tawng takin
‘a hit lo hle’ a ni, a hun leh hmun hrelo tluk a miten
an ngaihnep hi an awm lovang tih theih a ni.
Facebook leh cyber social sites hman thiam hi a
changkang a inkhawm laia status update zuah
zuahte erawh hi chu an friend list a pung mawh
riau. Uniform nen a bengbeh, zungbun leh thi
inbel chiam hi mawi lam aiin ‘awm lo’ lamah a
kal a, ‘man’ taka kamis uluk lo taka hak hi fashion
leh shion lo zawng pawhin a laklawh hle.
Changkang viau a inhre si hi miten ‘fin mawh
hmel’ min tih fo chhan chu Biak In chhunga awm
dan (manners) kan hriat loh vang a ni thin.
Chutiang pawh ni ve chuanglo, tak chuang lem lo
phei chu a ropui loh dan a uluk lehzual.
Hmasawnna hi changkanna zawk chu a ni.
Changkang kan tihte hi hmasawnna in a ken tel
an ni a, a changkang lai ringawt lo copy erawh
chu a changkang lo leh daih thung. Kan khawsak
dan, chetziate hi Chanchin tha nen in mawi rawh
se, kan intihsiakna pawh chu Pathian-ah ni rawh
se, Pathian ngaihsak mi chu eng mi pawh nise an
changkang a ni, thinlung taka Pathian tih mi chu.
Khawvel thil chuai leh mai thinte angin an chul
ve ngai lo. Finna chuan hmasawnna a keng tel a,
hmasawnna chuan changkanna a keng tel a,
Pathian tih hi finna bul chu a ni.
HUN RUATNA
SENIOR CORPS
THIANGHLIMNA INKHAWM (25 TH SEPTEMBER 2011)
HRUAITU : Pi C.Rohmingthangi, HLVS
BIBLE ADD : Pu Lianluaia, WS
SUNDAY SCHOOL (25 h September 2011)
HRUAITU : Pi Raldovi
CHHANDAMNA INKHAWM (25 th September 2011)
HRUAITU : Pi Lalrampani
BIBLE ADD : Pu F.Zadawla, Col.Sgt
YOUNG PEOPLE
SUNDAY CHAWHMA (25 th September 2011)
HRUAITU : Albert Lalruatkima, YPCG
Tantu : R.Lalruatpuia, Inter Boys
TAWNGTAI RUAL: Mary Lalnunmawii, YPL
CG TAWNGTAI RUAL: H.Zatluangi, CRS
SUNDAY CHAWHNU (25 th September 2011)
TANTU : Rosangpuii, Junior G-I
SALVATION ARMY YOUTH
S.A.Y MEETING (26 th September 2011)
HRUAITU : Tv Jonathan Lalchhanmawia
BIBLE ADD : Tv Johny Lalthanpuia, Fin.Secy
BIBLE CHHIAR RUAL: Nl Lalfakzuali
FELLOWSHIP (25 th September 2011, 3:15pm)
HRUAITU : Tv F.Vanlalhlimpuia
TANTU : Nl Melody Zothanpuii
SEPTEMBER THLA RECEPTIONISTS
Nl Hmingduhawmi Nl Elizabeth Lalnunsiami
Nl Vanlaltlani Nl Roden Zomawipuii
HOME LEAGUE
(27 th September 2011)
BEIHRUAL PROGRAMME ANGA KAL TUR A NI ANG
PANGPAR KHAWI-TUTE
(25 th September 2011)
R.Lalrinawmi, Lalhunmawii
Sr.Capt.Lalkaithanga Brigade
@ Brigade Nite, Sept’19 SAY Meeting

Vol. XVII Issue No. 39 HNEHNA ENG Phek 3-na
HUMAN TRAFFICKING
Jimmy Laltlanmawia
CHAN Prog.Co-Ordinator
Mihring hmanga sumdawnna (Human Trafficking) chu Mizo-te paw’n tunah chuan kan lo hmelhriat ve tan ta hle
mai a, kum nga liam ta mai ahte kha chuan he harsatna hian kan khawtlang a la rawn chimbuai ang tih hi kan ring phal lo
kha a ni ber a, amaherawhchu, tunah chuan kan duh vang pawh ni hauh lovin kan thalaite leh naupang ten, kan ram chhung
mai nilvoin ramdangah pawh a thente phei chu India ram pel pel a bum leh hralh chhuahte an lo awm ta reng mai. Heng a
tuartute hian an duh vang leh dinhmun in a phu reng vang a tuar an ni bik hauh lova, misual an mahni tanghma chauh ngaia
mihring hlutna aia sum hlutna thlang zawkte hlei len an tawng palh mai chauh a ni, tumah hi nawhchizawrhna hmun a hralh
tur leh vai nupui atana hralh tur a lo piang bik an awm chuang hauh lo a mahse an vanduai vang liau liau a ni. Chutiang chu
anih avangin tunge vanduaina tawng tur chu tumah hian kan hre lawk hauhlo, chuvang chuan mitin te’n he mihring hmanga
sumdawnna hlauhawm tak hi kan tawrh loh nan te, kan mihring pui tute mahin vanduaina an tawn palh loh nan mi zawng
zawngte hian tha kan thawh a ngai a ni.
A sap tawngin, ‘Well Organized Crime” an ti a,
mihring hmanga sumdawnna a in hnamhnawihte hian
ruahman lawkna fel tak leh thawhho pui leh thurualpui tha
takte an neiin an in thlunzawm tha em em mai thin a, tun
hnai mai a Mizoram atanga kan hmeichhia te hralh an nih
pawh khan hetiang tak hian a hralhtute hian ruahmanna tha
leh thurualpuite hi an lo nei tha em em mai a ni.
Tunlaiin kan chanchinbu hrang hrangahte hian phai
lama hna tha awm tak tak zawrh an chhuah nasa em em
mai a, heng advertisement-te hi a thente chu rintlak tak
takte pawh an ni a, mahse tha tak anga lang karah hian
misual an lo inphum ru reng thin. Aizawl veng pakhatah
chuan hnamdang, India mi pawh ni lo hian hotel leh massage
parlor a thawk tur a rawn sawmkhawm tih report kan dawng
a, kan hriat veleh Police ho nen thil awmzia chian turin kan
tlan nghal a, mahse kan lo tlai deuh hret a, a kal tur ang chu
an lo kal liam hman tawh a, mahse pakhat la kal liam ve
hman lo chu kan hmu fuh hlauh mai a, thil awmzia kan han
zawt chiang a, chuta a sawi dan chuan thil tha tak ang tur
chuan a lang a, nimahsela ngaih chu a tha zan lo deuh.
Hetiang hian Goa-ah mizo nulate chu massage na hmuna
thawk tur leh five star hotel a thawk turin hruai thlak an ni
a, anni pawh hi nawhchizawrh luih tir tuma nawr luih an ni
a, mahse thu an kal hma in chhanchhuah an ni ta hlauh a.
Tin, Mumbai atanga mizo nula chhanchhuah takte pawh
kha chutiang bawk a hna tha tak pek tiama hruai thlak anni
a, mahse, helai a Call Girl kan tih ang chi, khu lam a
‘Escourt’ atana chhawr luih an ni ta a nih kha, hetiang hi a
nih avangin fimkhur a ngai hle mai.
Tumkhat chu local newspaper pakhatah South
Korea a hna hmuhsak thei an rawn inchhuah a, awihawm
takin Passport nei kha an advertisement ah chuan an duh
tih an tarlang a, mahse kan han chhuichian chuan, khawi
lama South Korea a kal chu ‘ka ha se’ a ni ringawt, a kal
duhte hnen atang khan registration fee Rs.500 an lo la a, mi
HAPPY BIRTHDAY
SAY Member 24 September - 2 October
inkara piangte kan lawmpuiin duhsakna kan hlan e.
HMING PIAN NI
1. Ruby Lalhriatpuii D/o C.Lalzela - 24 th , Sept
2. K Rosangzela S/o K Lianluaia - 25 th , Sep.
3. Lalchhuanawma S/o Lalzuiliana - 25 th , Sep.
4. Saizikpuii D/o Zamliana - 2 nd , Oct.
2/3 vel chuan an lo in register hman nghe nghe a, mahse
hepa hi chu misual satliah mi bum hmang mai mai hi a lo ni a.
Mi tute emaw kha chu lo awih a pawisa pawh lo pe hman
kha an awm ve tlat mai. Hetiang lakah hian kan fimkhur a tul
hle mai. Agency anga inchhal thenkhatte chuan tunlai vek
hian phai lama hna an hmuhsakte chu Rs.5000/- an deposit
tir a, mahse engmah receipt leh document mumal awm miah
lovin mi tam takin an pawisa an pe a, thenkhatte phei chuan,
CHAN pawh in min hriatpui lo ti tawk an awm a, mahse
keini hriatpui phak tumah an awm lo a, tumah kan hriatpui
bawk lo a ni.
Heng case kan han neih ve tak te hi, hna tha zawk
leh hlawh tam zawk tiama bum an ni vek a, thalai tan chuan
mipangngai nih ve bawk si chuan awm mai mai kha a rem lo
a, mahni theih ang tawk tawk hna zawn kha chu kan tihtur a
ni, helaiah tak hian, Sorkar lam hian mawhphurhna lian tak
a nei, Mizoram-ah hna kan inpe seng lova, ram pawnah hna
zawnga mi tam tak an chhuah a ngai a ni. Chutianga hna
zawng tute chuan him zawk leh tha zawka hna an hmuha,
misual laka an him nan, Mizoram sorkar hian tihtur a nei a
ni, in chhanchhuah chu a tha khawp mai, mahse mite
chhanchhuah kher ngai lo tura an awm theihna turah hian
mawhphurtu chu an awm ve tlat a ni. (Contd...)

Vol. XVII Issue No. 39 HNEHNA ENG Phek 4-na
“THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH”
HEADQUARTER
TYS PROGRAMME
Laipuitlang Corps-ah Sept’25th (Sunday) hian Laipuitlang
Corps Major Lalmuansanga, TYS leh T/Envoy Joseph
JRintluanga ten an tlawh dawn a, Territorial Staff Band leh
Territorial Songster ten hun an hmang bawk ang. He hunah
hian Territorial Staff Band Kum 10 tlin lawmna Cassette
release-na Envoy Joseph Rintluanga’n a nei nghal bawk ang.
(Contd...) A duh apiangin recruitment an rawn tih a, an mi
duh duh an hruai thla leh ringawt thin hi a fel lo a ni, tam tak
te phei chu hindi thiam loh bakah sap tawng pawh chu ti teh
ual lo an ni thin a, tin hetianga ualau leh awlsam taka an hna
rawn zawrh hi lehkha thiamsang vak lo te tan a ni deuh ber
a, tam tak chuan sum an seng thlawn tawk tawk a, phaiah
an chhuk a, an in sawi ang leh hlawhzat kha an hmu leh ngai
lo a, chutianga mi te nawr awk chu loh theih loh a sex trade
a hnuhluhna awlsamah an hmang tawh mai thin. Thenkhat
chu tunah ngei pawh hian Delhi a hna hmuhsak a in sawi,
chumi atan Rs.5000 pawh dawng vek tawh, mahse
chhuanlam engemaw siama vawiin thlenga pawisa an laksak
te la kal tir ta lo pawh an awm a ni. Sum leh pai a hlawkna
um luattuk avanga vai leh hnamdangte eng ang mi nge an
nih pawh hrechiang miah lova kan lo thurualpui ve leh ringawt
thinte hi thil pawi tak thlen thei a ni tih hriat pawh a tha.
He thilah hian NGO leh CBO (Community Based
Organization)-te leh Police-te chauhin an vei tur a ni lo a,
mi zawng zawng tena harsatna kan tawh theih thil anih avang
hian kan zavaia kan tan tlan a ngai a ni.
Vawiin ni September 25 th hi khawvel pum huapa
mihring hmanga sumdawnna thalo tak tuartute tana
tawngtaisakna Pathianni atan Chhandamna Sipai Pawl chuan
kum tin a hmang thin a, mi zawng zawng he tawngtainaah
hian tel turin kan in ngen a, mi tam tak chuan phai lam atanga
mi kan chhanchhuahte hi, “In KS chhanchhuahte chu” tiin
min zawt thin a, engtik lai mahin KS kan chhanchhuah ka hre
lova, mahse Pathianin a ma anpuia a siam hmeichhe vanduai
khawngaihthlak takte chu kan chhanchhuak zawk thin,
1
hetianga tuartute hian I tawngtai sak an mamawh a, I
khawngaihna an mamawh a ni, I unaunu emaw I fanu emaw
kha a tuartuah lo tang palh ta se, han ngaihtuah chhin mah la
a nat dan turzia chu I hrethiam ngei ang,
John Newton chu Africa rama sal hralhtu (slave
trader) a ni a, Africa ram atangin sal tam tak a hralh lai
chuan atan a Pathian mite tawngtaina Pathian in a chhang ta
a, a lo Piangthar ta a, “Khawngaihna mak mawi leh
duhawm”, tih hla hi a lo phuah chhuak ta a ni, hetiang hian
tawngtainain thil a ti thei a ni, A tuartute tan mai ni lovin he
sumdawnna thalo taka in hmang mekte pawhin John
Newton anga tihdanglamna an lo chan theih nan Kohhran
mite, ringtu te’n keimahni awmhmun theuhah tih theih kan
nei a ni.
NEWS
TERRITORIAL COUNCIL
Territorial Council Thar neih a ni ta. Sept’18,2011 (Sunday)-
a Territorial Council tharte puanna leh Pathian hlanna neih a
nih tuk Sept’19,2011 (Monday)-ah RM.Hall Bazar Corps-ah
Council hmasaber chu thutkhawm a ni ta. Territorial Council
thar hi Member 64 an ni a; Division hrang hrang atanga lokalte
leh THQ atanga member kalte nen member 55 an kal khawm
a ni. An thurel pawimawh tak takte bawhzui nghal turin subgroup
an ruat nghal bawk. International Headquarters-in
ACSAL a tihtawp tak thu leh Territorial Council thar din thu
te sawihona a awm bawk.
OFFICERS RETREAT
Spet’19 zan atangin Sept’21,2011 zan thleng RM Hall-ah Retreat
neih a ni a, Officer zawng zawng te Inhlan tharlehna
mai bakah Chhandamna Sipai Thuthlung-ah a tharin hming
signed leh vek a ni a, malsawmna thar a thlen ngei beisei a
ni. Report benglut tak tak, Arunachal Mission Field
rawngbawlnate, Fatapukur bial rawngbawlnate, Kohima
Nagaland rawngbawlnate leh tunlaia hmathar lakna Tlangsam
Lalzawna Pawlten Chhandamna Sipai Pawl an zawmna report-te
chuan chona nasa tak Officer-te hnenah a thlen a ni.
TC PROGRAMME
Colonel Lalngaihawmi, TC chuan Southern Division Lunglei
Sept’24-26 hian a tlawh anga, hemi chhung hian thil
pawimawh tak tak a ti ang, chungte chu:
1) Citadel thar lungphun: Sept’24 tlai dar 3:00pm-ah Lunglei
Citadel thar Lungphumna hun a hmang anga, Major
C.Dawngliana, DC in kaihruaiin Pu Zirchhunga, CSM-in report
pawimawh tak a pe ang. Lunglei Brass Band ten Lalpa
chawimawina hla an rem ang. Zanriah an kil nghal ang.
2) Lunglei Bazar Corps-ah Territorial Commander lawmna
Inkhawm neih a ni anga, Zaipawl, Solo leh Band te Timbrel
display te Lalpa ropui nan an hlan bawk ang.
3) Biakin Thar Hlanna: Horeb Corps Lunglei Biakin thar
Sept’25 (Sunday)-ah Colonel Lalngaihawmi hian a nei anga,
a lawmna Programme siam-ah Thuchah pawimawh tak a
sawi nghal bawk ang.
4) Officer’s Council : Southern Division Officer-te Horeb
Corps-ah Council neihpuiin TC hian a ho nghal bawk ang.
5) DC’s Quarters Hlan : Tlai dar 3:00pm-ah Divisional Commander
Quarters thar tha tak mai chu Colonel hian Pathian
hnenah a hlan nghal ang.
HOME MINISTER TAWNGTAI
Khawvel pum huap Human Trafficking tuartute tana
Tawngtai rualna Ebenezer Corps-ah Sept’25 (Sunday)
Chawhnu dar 2:00 a neih turah Mizoram Home Minister Pu
R.Lalzirliana leh Pu Zosangliana, Asst.SP CID (Crime) ten
an hmanpui ang. He Tawngtai Inkhawm pawimawh takah
hian Ebenezer Corps Band te, IET Band te, BESY Choir te,
Leprosy Mission Choir leh Central North Division Songster
ten Pathian fakna hla an sa bawk ang.
Published by THE SALVATION ARMY YOUTH Bethlehem Corps : 2011
Editor : LALRAMMAWIA (: 9862368235 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-