Hnehna Eng 20

2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6
Vol.XVIII Issue No.20, 13 May 2012 (PATHIANNI), THE SALVATION ARMY YOUTH, BETHLEHEM CORPS KARTIN CHHUAK
MOTHERS DAY / NUTE NI
MONITOR TIRAL
SAY computer monitor
(CRT 15”) hun rei tak hman tawh
chu SAY Council chuan Hnehna
Eng Board rawtna angin tihral a
rem ti a, 11 May khan Editor
hmalaknain man tha tawk taka
tihral a ni.
LO HAW
Nl Zoremthangi,
(Chhawrpial Editor Mazuala nau)
chu Bangalore-ah ITC Hotel (5
star) a thawk chu chawlh hmangin
a lo haw a, ani hi Bangalore lamah
pawh zai intihsiaknaa pakhatna la
zak zak thei a ni a, kan chhuangin
a lo haw hi kan lo lawm hle a ni.
SAY OB COUNCIL
Bethlehem Corps SAY OBte
chuan 11 May (Zirtawp) zan
khan council an nei a, thu
pawimawh thahnem tak an rel.
ZIN MEK
Band Master Zonuntluanga
chu Company Training nei turin
Mumbai lamah a thang mek a,
Tablet PC distributor (NE) atan
thlan anih bakah Ramhlun road
lamah hian dawr/showroom thar
a hawng thuai dawn e. Website
visit duh tan www.wavez.org
Hnehna Eng Editor pawh
sorkar order angin Mizofed R.O.
(EC Division) stock verification nei
turin 14 May hian Lunglei lamah a
zin dawn a, 19 May hian lo haw
leh hman beisei a ni.
HSSLC PASS
1. C.Lalrinawmi, D/o.
C.Remthanga - Arts, 3rd Division.
2. John Lalmalsawma S/o.
H.Lalremliana - Arts, 2nd Division.
NAUTE THAR
Pu David Lalmalsawma-te
nupa chuan fapa thar duhawm tak
Michael Lalrempuia an nei thar a,
kan lawmpui tak zet e.
KEIMAHNI
Tun issue hi siam zawh vek tawh
hnuah a chhe hlauh mai a, pressah
kan siam chawpchilh a, duh ang
takin a chhuak thei lova chhiartute
hriatthiamna kan ngen e. Zorin
Compugraphics ten hrethiam takin
min buaipui a, an chungah
lawmthu kan sawi tak zet.
OVERSEAS SERVICE FUNDS 2010 - 2011
13 May 2012 : Chhandamna Sipai Pawl hi khawvel huap chhandamna
Sipai kan nih angin kalphung leh inawpna felfai tak kan nei a, Territory
hrang hrangah hian culture a zirin tih dan phugah hian inan lohna tam tak
awm mahse khawvel pum huap kohhran kan nihna angin International
Headquarter pawhin Territory tin te tih dan phung hi a zah sak hle a ni.
Tunah hian a bik takin kan Territory hi han thlur bing ta ila,
India rama Territory paruk zingah chuan member tlem ber kan ni a,
amaherawhchu, self-support Territory kan ni ve ngat a ni. Chutih mek
laiin kan thawhchhuah leh IHQ kan pawisa chhun luh han en hian
chuan Sipai kan tan a ngai hle tih a chiang mai a, S.D bikah erawh
chuan India rama Territory dang zawng ai chuan kum 2010-2011 chhung
khan a thawh tam ber kan ni. Self Denial hi 5% (za a panga) hi Corps
chan tur a ni a, 10% (za a sawm) hi DHQ chan tur a ni a, a bak 85% la
awm hi THQ leh IHQ in 50-50 a an insem tur a ni. Amaherawhchu, S.Dah
hian Corps hian kan hmuh ang ang hi Headquarter-ah kan chhung
lut vek thin a, 5% kan chan tur pawh hi kan dawng ngai lo a ni.
1. Hetiang hi 2010 - 2011 a IHQ kan pawisa chhun dan:
i) Self Denial (SD) £ 44,968 Rs.35,97,440.00
ii) Donations £ 1,561 Rs.12,488.00
Total £ 46,529 Rs.36,09,928.00
2. Kum 2010-2011 a IHQ atanga kan dawn ve thung.
i) Support (overseas work) £157,214 Rs.1,25,77,120.00
ii) Special Projects £ 587,080 Rs. 4,69,66,400.00
iii) Donation via IHQ £ 34,597 Rs. 27,67,760.00
Total £ 778,891 Rs. 6,23,11,280.00
Tichuan IHQ-ah hian
Rs.3609928.00 (Cheng nuai
sawmthum paruk sangkua zakua
sawmhnih pariat) kan chhun laiin
IHQ atang hian Rs. 62311280.00
(Cheng nuai zaruk sawmhnih
pathum singkhat sangkhat zahnih
sawmriat) kan dawng ve thung a ni.
Special Project-ah phei chuan India
rama Territory paruk zinga kan
dawng tam ber lawr lak a ni. Heta a
lan dan atang hian Sipai Pawl hi kan
hausa hle tih a hriat theih ang.
USA-ah hian Territory
panga an awm a, USA Territory-in
kum 2010-2011 chhunga IHQ-a an
pawisa chhun luh belhkhawm chu
£ 26,388,378 a ni a, India pawisa
phei chuan Rs.2,11,10,70,240.00
ngawt mai a ni a, khawvel puma
Territory dang aiin an thawh tam
hle a, chuti chung chuan IHQ
atangin tanpuina an dawng ve lo a
ni. Statistic-a a lan dan chuan USA
Territory-te hi Self-Support Territory
niawm hliah hliah an ni a, mahse
Self-Support Territory an inti duh
chuang lo a ni. Tuna a lan danah
hian chuan India Eastern Territory
a sipai kan tan a ngai hle mai. Self-
Support Territory kan nih ve si
chuan IHQ zem zen lo a kan awm
theih ve hi a hun tawh hl a ni.
Year Book 2012-a lan dan
chuan kan Territory-ah hian
Active Officer 236 leh Retired
Officers 65 bakah Employees 154,
Corps 299, Society/Outpost 114
awm ang kan ni. Heta tang hian
Sipai ten engtin nge hma kan lak
anga, engtiangin nge hmasawn
kan mamawh tih hi ngaihtuah ila,
Pathian hnenah tawngtai chungin
theihtawpin hmalam pan i tum
ang u. Lalpa chakna chauh ringin
ke i pen ang u..
Note: Pound (£)1 hi India pawisa
in Rs.80 anga chhut a ni a, tunah
hian stock market-ah phei chuan
£ 1 leh Rs.86 a in hen mek a ni.
Source : The Salvation Army Year
Book 2012.

Vol. XVIII Issue No.20 HNEHNA ENG Phek 2-na
Associate Editor : Lalremtluanga
Chief Manager
: F.Vanlalhlimpuia
Joint Editor
: Lalrammawia
News Reporters : PC.Lalhmingchhuanga
: Albert Lalruatkima
: Lalthazuala Tlau
: C.Lalbiaktluanga
Hmangaihna Sang Ber chu...
Nute hian chawimawi an chak vang hrim
hrima ‘Nute Ni’ hi hman a ni lova, chawimawi an
phu vang zawka ropui taka hman a ni. Nu chawi
loh leng kan awm love, he ni hi ropui taka hman
tlak a ni e. Naupang pual deuha ngaihna hi a dik lo
a ni, nu nei vek kan ni a kan zavai a he ni kan hlut
tlan hi a mawiin a tha hle zawk a ni.
Nute hian rai lai ata tawh, eng hmel nge kan
put anga eng ang mi nge kan la nih dawn hre hauh
lovin, hming kan neih hma hauh tawh khan min lo
hmangaih tawh a ni. Kan pian hma hauhvin kan
tan hrehawm leh harsatna tam tak nu ten an pal
tlang a ni. Kan lo piang ta cheng a, nu awmnem
hlata kan awm hi a tam lo hle ang. Kan nihna ang
angin hmangaihna vawrtawp nen min hmangaih
nghal em em a, chutiangin kan lo seilen a kan lo kai
kan deuh hnu pawhin mahni intheihnghilin kan tan,
fate tan lenrual sel pawh dawn lovin, rual kan pawl
ve loh hlauvin a la hmanhlel a ni.
Nu hmangaihna hi khawvela hmangaihna
sang ber ti ila kan sawi sual awm love, Pathian
hmangaihna tih ngawt lovah chuan a sang ber tak
reng a. Nula leh tlangval inhmangaihna hi a thuk
viau a, chu pawh chuan nu hmangaihna erawh a la
khum zo chuang lo a ni.
Nu chuan a fa duhtak tan chuan engdang
zawng aiin a puitlinna tur a duh sak a, Pathian \ih
hi finna bul a ni tih hi an fa duh takte tana engtik
lai pawha an chah duh chu a ni. Lei ropuina leh
sanna hi a ropuiin a ngaihsanawm, mahse chu chuan
hmangaihna a la khum thei chuang lo. Nute tan kan
tih theih sang ber chu an duh anga kan awm hi a ni.
Kan nute hi khawvela mi ropui leh fing ber
ber an ni kher lovang, mahse anni tluka min
hmangaihtu hi khawvelah hian an awm lo a ni,
Pathian hmangaihna tih lovah chuan mihringin
hmangaihna a dawn san ber a ni hial awm e.
Vawiinah hian kan Nute theuh tan hlimna i
thlen ang u. Thenkhat tan kan nute chuan van kohna
an lo chhang tawh a ni thei e, mahse vawiinah hian
kan nute theuh tan tih sak theih kan nei a ni; an
duhthusam thlendik tir hi.
Tuna nula la ni mekte pawh nakinah chuan
‘NU’ an la ni ve dawn a ni, chutih hunah chuan nu
chhuanawm tak ni turin rilru siam a sual lo khawp
ang. Fate u, in nute tilawmtu nge ti lungngaitu in
nih in inzawt ngai em Nute hlimna thlentu chu
malsawmin awm rawh se.
Bethlehem Corps ‘NU’ zawng zawngte kan
chawimawiin kan chhuang tak zet che u a ni. Happy
Mothers Day.
Managers
: Lalrohlupuii
: Jonathan Lalchhanmawia
: Nicky Lalhmangaihzuala
: Stephen Lalmawipuia
: Laldinsanga
: Vanlalchhandama
HUN RUATNA
SENIOR CORPS
THIANGHLIMNA INKHAWM (13 th MAY 2012)
HRUAITU : Lalhmingchhuangi, YPT
THUSAWITU : Commanding Officer
BIBLE SCHOOL (13 th MAY 2012)
HRUAITU : Raldothangi
CHHANDAMNA INKHAWM (13 th MAY 2012)
HRUAITU : Lalremkimi
THUSAWITU : Jimmy Laltlanmawia, YPS
SIPAI INKHAWM (16 th MAY 2012)
HRUAITU : R.Zothanmawia
ZIRLAI 16-NA : K.Saichhingpuii
|AWNGTAI INKHAWM (19 th MAY 2012)|
HRUAITU : R.Lallawmkimi
THUSAWITU : Lalringliani
HOME LEAGUE
HL MEETING (15 th MAY 2012)
HRUAITU : H.Lalrinawmi
LESSON : Ramchhanthangi, HLT
,SALVATION ARMY YOUTH
SAY MEETING (14 th MAY 2012)
(CHANMARI CORPS-AH JOINT FELLOWSHIP NEIH TUR A NI A,
DAR 6:00-AH KIM TUR A NI. BUS A KAL TUR A NI A RS.10 AIA TLEM LO
KEN THEUH TUR A NI E.)
FELLOWSHIP (13 th MAY 2012) 3:15pm
HRUAITU : Jonathan Lalnunsanga
TANTU : K.Lallawmkimi
YOUNG PEOPLE
SUNDAY CHAWHMA (13 th MAY 2012)
(NUTE NI ANIH AVANGIN DAR 9:00-AH BIAK INAH HMING
LAM TUR A NI )
SUNDAY CHAWHNU (13 th MAY 2012)
(HSLC & HSSLC PASS LAWMNA NEIH TUR A NI A, PU
NGURTHANGVEL & MIZO IDOL STAR JUDITH-I TE AN ZAI DAWN A NI.
DAR 1:00-AH HMING LAM TUR A NI)
CORPS CADET BRIGADE
CORPS CADET MEETING (18 th MAY 2012)
|ANTU : CC Lallsawmzuala
HRUAITU : Jonathan Lalchhanmawia, CC.Sgt.
THURIN SAWIRUAL:CC C.Lalhmachhuana
THUTIAM SAWIRUAL: CC Vanlalpeki
ZIRLAI : Hmingduhawmi, CC.Sgt.
Bible chang byheart tur Sam 91:11-16
PANGPAR KHAWI-TUTE
13 th MAY 2012
Home League (Nute Ni pual)
MAY USHERS
1. R.Vanlalremi 2. Hmingduhawmi
3. K.Lalmalsawmi 4. C.Lalhlimpuii
5. R.Lalhmingmawia 6. John VL Chhianga

Vol. XVIII Issue No.20 HNEHNA ENG Phek 3-na
NUTE NI
- Lalrohlupuii, YPCG
Anna Maria Jarvis, Anna Reeves Jarvis fanu hi 12 May 1864 khan USA-ah a lo piang a. Kum 1902 khan
a pain a boral san a, kum 1905-ah a nu a boral leh a. A beidawng em em a, a nu ruang chungah chuan nu ni tawh
zawng zawng leh nu la ni zel turte tan thil eng emaw tak ti turin a intiam. Kum 1907, a nu thih champha a lo
thlen chuan a thiante sawmkhwamin Mother’s Day serh a duh thu a sawi a, a lawina kohhran St. Andrew’s
Methodist Episcopal Church, West Virginia chuan May 1908 chawlhni vawi hnihna chu NUTE NI (Mother’s
Day) atan an hmang zui ta a ni. Kum 1912 a General Methodist Conference, Minneopolis chuan Mother’s Day
hmuchhuaktuah Anna Maria Jarvis hi a puang ta a ni.
Awle, Nute Ni a lo thlen hian nu hluna leh
pawimawhna te, nu hmangaihnate rilruah a lo thar
leh thin a, kan ramah pawh nute ni hi kan
hmelhriat ve ta hle mai a, keini Salation Army hian
Mizoram-ah hian kum 1920 vel atan khan May thla
Pathianni vawi hnihna hi Nute Ni atan kan lo
hmang tan a ni.
Nu chu hmeichhia, pasal pawmlai nei
emaw nau hring tawh zawng zawng hi an ni a,
khawvel sualna leh harsatna chi hrang hrangin a
tlakbuak mekte, mihring tak nih tir theitu nu
pawimawh ber chu kan nute hi an ni.
Nute hian an nunna hial thapin, thisem tam
tak sengin min hring a, an malchung leh awmnem
chu kan khum hmasa ber a ni. Nute tel lo chuan
khawvel hi engmah lo mai a ni. Nute hi kan lei
pangpar rimtui ber an ni. Nu tel lo chuan khawvel
hi thlaler ram ro, tui awmlohna hmun ang a ni an
lo ti hial reng a ni.
America President himgthang tak
Abraham Lincoln chuan, “Ka bat tlak dawn ila,
ka nu laka ka bat hi ka tlak huphurh ber a ni”, a ti
a, a va ropui em! Nute laka bat tlak turin tunge
tling zo awm ang le
Nute hi kan khawvel leh kan hlimna ber
an ni tih hrechiangtu Missionary ropui William
Carey meuh pawhin, “Chhawngkaw hlimna
chahbi kawltu chu nu a ni”, a ti asin. Lei robawm
chahbi kawltu atan nute hi Lalpa’n a lo ruat a, nu
hian chhungkua aia ngaih pawimawh a nei ngai
lo a, chhungkua pawhin nu aia ro hlu a nei hek lo.
Awle, thalai leh naupangte u, i nu tan i
hlutzia leh a khawvel i nihzia hriattir lovin i nu
kha mual i liamtir mai dawn em ni Nge i nu kha
mi fate awmtin i la siam zel zawk dawn Kei
zawngin ka nu hi mi fate awtin ka siam dawn lo a,
a thlamuanna ber nih ka tum ang.
Tun dinhmun min hlangkaitu, tawp lova
min hmangaihtu, bang lova min tawngtai saktu
JCB FOR HIRE
JCB hire duh tan JCB
3XD thar hlak hire tur ka
nei e. Man tlawm leh
chak taka hnathawh
duhte tan koh theih reng
kan ni e. Contact :- Robert, 09862559400
ka ‘NU’ min enkawlnaah hian ka va lawm em! I
nu in a hmangaih che ang bawkin a hlimna thlentu
i ni ve em le
Nute Ni hmuchhuaktu Anna Maria Jarvis
chuan nu hmangaihna leh kan tana an inpeknate
hre reng chunga nute kan hmangaihna lantir ve
thin turin min duh a ni.
Hnam changkang apiangin nute hlutzia an
hria a, nute hnen atangin hmangaihna tawpkhawk
an dawng thin a, chutiang mite chuan nute hluna
an tizual thin.
Awle, vawiin Nute Niah hian Pathian hrin
kan nih avanga kan inlaichinna thuk ang chiah hian
nu leh fa inzawmna hi a thuk em em a kan nu ten
malsawmna dila min tawngtai saknate hi Lalpa
hnen a thleng ngei a ni tih hi kan hriat a pawimawh
em em a ni. “Thilpek zawnga hlu ber chu nu in
phut let nei lova fate a hmangaihna hi a ni”, He ni
ropui tak Nute Ni lo thlengah hian I nu i
hmangaihna engtinnge i lantir ve dawn le
Ka Nu ka Nu duhtak,
Min dampui reng ang che;
Ka tha leh tui ka thawhrahte,
Dam ten ring ve ang che.
Hriatzauna:-
Biak In lian ber - St.Peter’s Bascilica,
Vatican. A sei zawng 730ft, a zau zawng 500ft. Mi
60,000 aia tam mah chuan helai hmun hi an tlawh
reng a ni. Kum 1506 - 1626 inkara sak a ni a, Italian
artist hmingthang Michelangelo kuthnu pawh a
awm nual a ni.
HAPPY
BIRTHDAY
SAY Member zingah 13 - 19 May inkara piangte
lawmpuina leh duhsakna kan hlan e.
Hming Birthday
1. RK.Lalramliani D/o. RK.Lalnunmawia 13 May
2. C. Lalruatfela S/o. C. Lalzela 16-May
3. Lalthazuala Tlau S/o. T. Pachhunga 16-May
4. H.Lalrinmuana S/o. HC.Lalrinawma 18-May
SOFA SOFA SOFA
Sofa man tlawm len tha kan siam thei reng e
Showroom aia tlawmin kan siam sak thei. Furniture
dang pawh order theih reng kan ni. Thingzai lei tur
kan nei reng bawk e.
Prop: PC.Malsawmtluanga (Atea)
Bethlehem Vengthlang
Kawn Veng
CORPS HNATLANG Ph: 9862947095 : 24 MARCH (ZIRTAWP) ZAN

Vol. XVIII Issue No.20 HNEHNA ENG Phek 4-na
THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH.
HEADQUARTER NEWS
OFFICER COUNCIL
09 May 2012 (Nilaini) khan Central South
Division Officer Council chu Central Corps, Kulikawn
ah nilengin neih a ni a. Division chhunga Officer
thahnem tak an tel. Officer Council-ah hian Census
Trianing neih nghal a ni a. Training pe tur hian THQ
atangin Maj. Sangchhunga PRS a kal.
OUTREACH CHANCHIN THAR
Office thar : Territorial Outreach and Mission
Office thar THQ Annex-ah 8th May 2012 khan hawn a
ni ta a. Hun reife atanga remruatna lo awm tawh angin
Outreach & Mission chu a hrangin anlo awm ta a ni.
Rawngbawlna pawhin hma a sawn ngei beisei a ni a,
thilpek pe duh emaw, Outreach fund pek thin pangngai
emaw, Outreach chungchanga zawhna leh sawitur neite
chuan office hun chhungin hmuh theih reng an ni ang.
THQ Gate pui luhtirh kawngchhak lamah Secretary leh
a thawhpuite an awm thin ang.
CENTRAL SOUTH DIVISION YP COUNCIL
Central South Division Y.P Council chu 08 May
2012 (Thawhlehni) khan Capt.Richard Vanlalnghaka
DYS hovin an thukhawm a. A hnuaia tarlante hi an
thurel tlangpui chu a ni :-
i)Music Festival : 16 September 2012 hian
Vanapa Hall-ah neih nise tiin an rel a. Items neih dan
tur chu C.O Bial tinah thlan tur a ni a. City Area C.O
Bial ten 4(pali) leh thingtlang C.O Bial atangin 2(pahnih)
zel DHQ-ah 30 June 2012 ral hmaa thehluh tur a ni a,
heng hi DYPC in an thlirho leh dawn a ni. Music Festival
atan hian budget in tuk a ni ang.
ii)Thianghlimna Campaign : 3rd Decision
Sunday hi urhsun taka hmangin Thianghlimna lam
inzirtirna hun atan hman nise tiin an rel a, campaigner
atan Corps in mahni duhzawng sawm nise, tin, sawm
tur hrelote DHQ-in ngaihtuahpui turin an ti a ni. Corps
tina Company Meeting-ah thla khatah vawi khat tal
Thianghlimna Campaign hi hman nise an ti bawk.
iii)Zirlai titha chawimawi dawn : Kum 2012
HSLC leh HSSLC result chhuakah Central South Division
YP Corps atanga Mizoram pum huapa Top ten a lang
phak – Lalbiakzauva S/o B. Malsawma HSLC 9th
Position, Enna Corps leh Brian Laldinsanga S/o
Lalchawimawia HSSLC 9th position, Bungkawn Corpste
chawimawina neih nise tiin an rel bawk a 20 May
2012 hian DYPC member-te hmun hniha inthenin
Chhandamna inkhawmah lawmpuina Citation leh
pawisa fai Rs 1,000/- hlanna an nei dawn a ni.
OFFICE THAR LUAH TA
Territorial Headquarters Office chu chei that leh
Room awm dan tihdanglam a ni a, hemi buatsaih chhung
hian hun reife a awh avangin, office hi Booth Conference
Hall-ah kai a ni thin a, chei that hna hi zawhfel anih tak
avangin, 8 May 2012 (Thawhlehni) khan Pathian hnena
hlanna neih a ni.
CENSUS CHUNGCHANG ZIRHO
7 May 2012 (Thawhtan) khan, Southern
Division Officers hote chuan Divisional Commander
Major C.Dawngliana kaihhruaina hnuaiah Census
chungchang zirhona hun an hmang a, Officer-te an kal
kim a, hun tha tak an hmang. He hun hi Major
Sangchhunga Statistics Secretary THQ in a hmanpui a,
Pathian thu, Numbers bung khatna chu innghahna atana
hmanga bultanin, Paper buatsaih atang te leh sawihona
hmanga Census chungchang hi zirho a ni. Inchhiarna
atana tihdan leh remruatna chi hrang hrang sawiho a ni
a, zirhona atang hian hmasawnna duhawm tak
zirchhuah beisei a ni.
9 May 2012 (Wednesday) khan Central South
Division Central Corps Biakin Kulikawn ah Central
South Division Officer hote nen Cesus chungchang bawk
hi Divisional Commander Major Lalhmingliana
kaihhruaina hnuaiah hun hman a ni leh a,officer an kal
tha hle a, sawihona leh zawhna leh chhanna hmanga
zirho a ni bawk a ni.
Naupang Pual - Albert Lalruatkima, YPCG
MARY |AWNG|AINA
Kum engemaw zat kaltaah khan tuna khawvela ram ropui ber America ramah khuan tualchhung buaina
rapthlak tak mai a thleng a, mi tam tak an thi a, tam takin hliam an tuar bawk a; chutih lai chuan veng pakhatah
hian chhungkaw rethei tak, mahse Pathian \ih em emtu Steward-a te chhung hi an awm a, an chhungkua chu a
nupui Evelyn-i leh a fapa kum 13 mi micheal leh an fanu Mary kum 6 mi lek an ni a. Nitin mai hian insuatna,
intihbuai leh inthahnate thleng reng mahse an chhungkua chu Pathianin a awmpui tlat avangin hlim takin an
khawsa thin a. Ni khat chu Pu Steward-a leng chhuak chu a rawn haw thei ta tlat lo mai, chumi ni lah chuan an
vengah buaina nasa tak chhuakin mi tam tak an thi a, Pi Evelyn-i chu a mangang em em a, zan a lo thlen pawh
chuan a pasal chu a rawn la haw thei chuang lo a, pawna chhuah phal loh tiin sipai engemaw zat an duty tlat
bawk si. Mangang em em in Pi Evelyn-i chuan “Engtin nge kan han tih ang aw” a ti leh ringawt \hin a.
Chutah a fanu kum 6 mi lek Mary te chuan, “Anu Pathian hnenah i \awng\ai tawp mai ang”, a rawn ti ta
reuh a. Pi Evelyn-i chuan a fanu kum 6 mi lekin chutianga ‘\awng\ai ang’ a rawn ti ta mai chu mak a tiin a lawm
hle a, tichuan an nufa ho chuan Pathian hnenah an pa Pu Steward-a chin hriatloha awm mek tan chuan an
\awng\ai ta a. An \awng\ai zawh chuan Pi Evelyn-i chuan a rilru manganna zawng zawng chu bo ta vek ni hian
a hria a. A tuk khua a lo var chuan tualchhung buaina pawh chu a lo zia awm ta deuh bawk a, chaw ei kham veleh
Micheal-a chu a pa zawng tur chuan a kal chhuak ta a, hmun pakhatah hian a pa chu hliam tuara lo let reng hi a
hmu a, a pa chuan lo auvin a \hat thu a sawi a. Khatia khawlaia a chhuak kha misual rual tawngin an man hi a lo
ni a, zanah khan thah ngei tumin an lo sawisa a, thah an tum lai takin mak tak maiin an rilru thlakin a nunna an
zuah hlauh a, an kalsan ta daih mai hi a lo ni a. An han sawi an han sawi chuan Pi Evelyn-i te nufa an \awng\ai lai
tak hun leh an pa an hmangaih em em thah an tum mek hun chu a lo thuhmun reng a.
Chu chu Pu John-a’n a hriat chuan a rilru a hneh ta em em a, a chhungten an hmangaih zia leh Pathian
chhanchhuahna a chang ngei tih a hre ta bawk a. Pathian lam a hawi phah ta a, a hnuah phei chuan a lo piangthar
ta hial a ni. Anih leh naupang t> kum 6 mi lek Mary khan a nu hnenah khan ‘\awngtai ang’ ti lo ta se an pa, an
hmangaih em em kha misualte khan an that daihin kan ring em Nih leh Pu John-a kha misualte kutah khan lo thi
ta se Vanramah a kal kan ring em le Naupang t> Mary vang khan Pu John-a kha a lo Piangthar ta zawk hial a nih
kha ti’ru. Khawihmunah leh engtik hunah pawh missionary kan ni thei a, Naupang mai ni mah ila Pathian chuan
engtik lai pawhin Amah ring tlat turin min duh a ni tih kan hre reng \hin dawn nia.
Published by THE SALVATION ARMY YOUTH, Bethlehem Corps : 2012
Editor : William Lalchhanchhuaha (: 8014343637 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-