Create successful ePaper yourself
Turn your PDF publications into a flip-book with our unique Google optimized e-Paper software.
2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6<br />
Vol.XVIII Issue No.38, 16 September 2012 (PATHIANNI), THE SALVATION ARMY YOUTH, BETHLEHEM CORPS KARTIN<br />
MUSIC FESTIVAL<br />
Central South Division Y.P Corps te<br />
chuan 16 Sept (Pathianni) hian<br />
Vanapa Hall-ah Music Festival an<br />
hmang dawn a, Zonet ah live a ni<br />
dawn a ni. Kan Corps YP-te pawhin<br />
Item- Flag dance, Beat Group, Reception<br />
& Ushering bakah Ruby<br />
Lalhriatpuii YPCG leh Still Camera<br />
buaipui turin Pu Jimmy Laltlanmawia<br />
YPS-te ruat an ni bawk. Hetah hian<br />
Junior chin kalin Ushers-te 9AM ah<br />
kim ngei tura ni a, 9:30AM a chhuak<br />
turin Biak Inah kim tur a ni.<br />
GOLDEN JUBILEE CELEBRATION<br />
Golden Jubillee Celebration<br />
Committee chuan 16 Sept 2012<br />
(Chhandamna Inkhawm) hian Jubilee<br />
Logo design result puanna leh<br />
lawmman semna an nei dawn a, Logo<br />
buatsaihtute inkhawm vek tur a ni.<br />
Jubilee tana chhungkaw tin<br />
te’n Investment thahnem ngai taka<br />
thlatin pe zel turin ngen kan ni a, bial<br />
neia khawntute pawhin thahnemngai<br />
taka mahni bial theuh khawn zel turin<br />
ngen nawn kan ni.<br />
26 Oct 2012 hian Pre-Jubilee<br />
nei tura inbuatsaihna kalpui mek a ni<br />
a, Section tin te Item nei tur pawh<br />
hriattir an ni tawh a. Golden Jubilee<br />
Sub-Committee hrang hrangte tun aia<br />
chak zawka hma la tur a ngen an ni.<br />
BRIGADE HNATLANG<br />
Sr.Capt.Lalkaithanga Brigade-te chu<br />
15 Sept (Inrinni) tuk khan Biak In<br />
tifaiin hnatlang an nei a, member<br />
thawkchhuak an thahnem hle.<br />
Hnatlang thawkchhuak zawng<br />
zawngte chungah Brigade hruaitute<br />
chuan lawmthu an sawi a ni.<br />
Anni Brigade hian Sangha an<br />
zuar dawn a tunkar khan zan 2<br />
thawkchhuakin vengchhungah<br />
tlawmngaia lei sak tute zawng zawng<br />
chungah lawmthu an sawi e. Sangha<br />
an zawrh tur hi Bazar rate aia tlawmin<br />
an zuar dawn a ni.<br />
LIGHT & SOUND HNATLANG<br />
15 Sept (Inrinni) khan hnatlang neih a<br />
ni a, member tam tak an thawkchhuak<br />
a ni. Member thawkchhuak zawng<br />
zawngte chungah SAY hruaitute<br />
chuan lawmthu an sawi a ni.<br />
LIBRARY DONATION<br />
SAY Library-ah heng lehkhabute hi<br />
Donate a ni: Manner & Ettiquiettes -<br />
Rosy K.Remsangpuii donated by<br />
K.Lalremsiama SAY Leader. Ellen<br />
G.White lehkhabu collocetion - 1)<br />
Thalaite Hnena Thuchah 2) Kristian<br />
Chhungkua 3) Naupang Kaihhruaina<br />
donated by Editor<br />
William Lalchhanchhuaha<br />
CHHUAK<br />
SAY COUNCIL VAWI 11-NA<br />
16 September 2012: 14 September 2012 (Zirtawp) zan khan SAY Office-ah<br />
SAY Council neih a ni a, an thurelte chu hengte hi a ni:<br />
1. Lehkha lo lut - Bethlehem CO Bial SAY Council-in a ruat angin Bethlehem<br />
Corps-ah Bethlehem CO Bial SAY Meet chu 23 Sept (Pathianni) hian neih a ni<br />
dawn a, zai kaihruaitu chanvo nei turin Johny Lalthanpuia Asst.Leader leh<br />
Rohlupuii bakah Musician turin Music i/c te ruat an ni.<br />
Bethlehem Corps Pre-Jubilee Celebration, 26 Oct (Zirtawp) hian neih<br />
a ni dawn a, SAY Songsters Brigade leh Group Singing nei tura ruat an nih<br />
angin Music i/c leh Editor William Lalchhanchhuaha-te hma la tura ruat an<br />
ni. Live Music neih ngei nise tiin an rel. Golden Jubilee Council Member<br />
SAY aiawh tura Golden Jubilee Celebration Committee-in ruat tura a hriattir<br />
angin K.Rosangzela SAY Secretary chu ruat a ni.<br />
Division Sipai Inkhawmpui 21<br />
Oct 2012-a lo awm tur atana Fankna<br />
Inkhawm-a Bethlehem Corps chanvo<br />
nei tura Divisional Commander-in a<br />
hriattir angin heng mite hi ruat an ni :-<br />
i)Pu Lalzuiliana & Pu T.Lalpianga SAY<br />
Adviser. ii) Zai kaihruaitu -<br />
Asst.Leader Johny Lalthanpuia, Editor<br />
William Lalchhanchhuaha, Mary<br />
Lalnunmawii, Lalrohlupuii. iii) Musician<br />
- Music i/c te, C.Laltlanmawia (Ca)<br />
& Zonuntluanga BM. iv) Keyboard<br />
- Lalrammawia. v) Khuangpu -<br />
Zodinthara Renthlei &<br />
F.Lalchhandama Asst. Evan. i/c. Republic<br />
Veng Field-ah Mual inkhawm<br />
neih tur a ni a, Bethlehem Corps kutah<br />
Sound System nghah anih angin heng<br />
mite hi buaipui turin ruat a ni :- i)<br />
Sound System<br />
2. Work Camp : Capt.Vanlalthlanga,<br />
Principal BTM School, Garod Punjee<br />
ngenna leh sawmna angin Work Camp<br />
neih ngei tha an ti a, Work Camp a kal<br />
tura inpete chu 24 Sept (Thawhtan) zan<br />
thleng hming pek theih a ni. Member<br />
kal tur zat azirin hmalakna neih zui<br />
nise tiin an rel.<br />
3. Zaipawl Lawmmna Lawmna : Central<br />
South Division SAY Zaipawl<br />
intihsiaknaa lawmman Pathumna an<br />
lak chu Council-in a hmaa a lo rel tawh<br />
angin lawm sak ngei tha an ti a,<br />
lawmna hmun thlithlai turin Secretary<br />
K.Rosangzela chu ruat a ni. Member<br />
pum huap lawmna neih tum a ni.<br />
Lawmna Programme buaipui turin<br />
heng mite hi ruat an ni - Adviser<br />
C.Vanlalnghaki, Asst.Leader Johny<br />
Lalthanpuia, Lalthazuala Tlau,<br />
Lalremtluanga, Editor William<br />
Lalchhanchhuaha. Bial neitu ten mahni<br />
bial theuhah Buhfai khawn nghal tur a<br />
ni; Fatu - Secretary ten an ruat anga;<br />
Bus - Adviser T.Lalpianga; Video Coverage<br />
- William Vanlalpeka. Ropui taka<br />
he hun hi hman tum a ni a, kal tur<br />
zawng zawng ten Rs.50 aia tlemlo ken<br />
theuh tur a ni.<br />
4. On-The-Spot Article Result : 20<br />
August 2012-a SAY On-The-Spot article<br />
intihsiakna result chu peihfel a<br />
ni tawh a, 17 Sept (Thawhtan) SAY<br />
Meeting hian result puanna neih a<br />
ni ang. Intihsiaknaa tel zawng<br />
zawng ten lawmman an dawng<br />
dawn a ni. Top 3 bakah 4-na atanga<br />
10-na hi Editor William<br />
Lalchhanchhuaha’n a sponsor dawn<br />
a, 11-na atanga 24-na hi Asst.Leader<br />
Johny Lalthanpuia’n a sponsor<br />
thung dawn a ni.<br />
5. Brigade Nite : Brigade Night<br />
hman chhunzawm dan tur<br />
ngaihtuah zui a ni a, hetiang hian<br />
ruahmanna siam a ni.<br />
15 October SAY Meeting -<br />
Sr.Capt.Lalkaithanga Brigade<br />
12 November SAY Meeting<br />
- Chalchhuna Brigade<br />
LT.COL.KAWLKHUMA BRI-<br />
GADE NIGHT<br />
Kawlkhuma Birgade-te chuan 27<br />
August 2012 SAY Meeting khan Brigade<br />
Night hlawhtling tak an hmang<br />
a, item benglut leh mit ti tlai tak<br />
takte an nei a ni. Host thiam takin<br />
an host bakah eitur tui tan<br />
inkhawmte an hlui bawk a. Brigade<br />
member thawkchhuak zawng<br />
zawngte chungah Brigade hruaitute<br />
chuan lawmthu an sawi a ni.
Vol. XVIII Issue No.38 HNEHNA ENG Phek 2-na<br />
Associate Editor : Lalremtluanga<br />
Chief Manager<br />
: F.Vanlalhlimpuia<br />
Joint Editor<br />
: Lalrammawia<br />
News Reporters : PC.Lalhmingchhuanga<br />
: Albert Lalruatkima<br />
: Lalthazuala Tlau<br />
: C.Lalbiaktluanga<br />
Harsatna - Part IV...<br />
Kan thlir dan leh kan ngaihdan hi a dikin a<br />
tha hle thei, dik lo thei kan ni tih erawh kan inpawm<br />
thiam a ngai.<br />
Miin zaipawl/band velah theihtawpin<br />
rawngbawlna a phak tawkin lo ti vein, Pathian<br />
pawhin chakna leh phurna/tuina a pe ang, chutah<br />
tak chuan a nuam tih vang hrim emaw tih sak hi mi<br />
tam tak chin dan a ni; miin a chak vang ngawtin<br />
chawngheiin hla a zir lo ang tih chu ngaihtuahna<br />
sawr bing vak lo pawhin a hriat nghal mai anga,<br />
mihring in a tih theih tawk Lalpa tana a hlan hi a<br />
rawngbawlna a ni, sawichhiat sak a tha love. Kan<br />
duh ang leh ‘ni zawk se’ kan tih anga miin an tih<br />
loh hian lo sawisel te, lo diriam mai hi a awlsam a<br />
ni ngei ang, rawngbawltu tan phei chuan tih loh a<br />
tha hle mai, mi nun chawisangtu aiin vawchhetu<br />
nihna a ni. Midang tan harsatna eng chen nge kan<br />
siam tih hi a chhut pawh kan chhut ngai em<br />
Songster leh Band hi Sipai Pawl<br />
rawngbawlna hmanrua pawimawh em em leh<br />
tangkai tak an ni, helamah hian hmasawn tura tan<br />
lak chu kan ngai khawp niin a lang. Kan Band-te<br />
phei chu Corps mal ang zawng pawhin a tha ber<br />
kan ti ngam deuh thuak anga, an chhuanawmin<br />
Territorial Band-ah pawh Corps khat atanga tel<br />
hnem ber kan ni. Amaherawhchu, mite sawisel<br />
theihna tur kawng siam loh hram hram a tha khawp<br />
mai. Band chuan hla thu a keng tel lem lova, ri<br />
ringawt anih avang hian mipuite hriatthiam<br />
zawngin thu a sawi lem lova, advantage tam tak<br />
awm mahsela helai tak hi an disadvantage a ni. Thu<br />
sawi lova rimawi tum ringawt annih avang hian<br />
an danglamin an langsar em em a, mi tam tak chuan<br />
a hamtute nun an thlir zuiin an beisei loh ang an<br />
hmuh chuan an rilru put an thlak daih thei a ni.<br />
Zaipawl hi rawngbawlna ropui tak a ni a, a<br />
huho a Pathian thu thluk neia puanchhuahna a ni.<br />
Zaipawl hmanga rawngbawl thin tam tak ten an<br />
chin fo chu Bawngkawn Pastor Bial Zaipawl anga<br />
zai hi an tum ni ber hian a lang, zai pah a phar du<br />
du hi a ‘rau’ viau niin kan hria a ni mai thei,<br />
discipline nei kohhran kan nih angin zaipawl<br />
conductor en kar a theihtawp a zai mai tur a ni,<br />
discipline ngainalo thlarau mi a awm theih loh,<br />
thlarauna bulpui pawh discipline a ni tawh reng si<br />
a. Zai thlarau tumna hian zaipawl te a ti thuanawp<br />
thin, thlarau a zai mai tur a ni. Kan hla sakte hi kan<br />
testimony a nih zel theih hunah chuan kan tum vang<br />
pawh ni lovin Lalpa thiltihtheihna nen hla kan<br />
puangchhuak tawh thin dawn a lo ni zawk a, thu<br />
chu hla a ni a, hla pawh chu thu a ni, tih ang khan.<br />
Managers<br />
: Lalrohlupuii<br />
: Jonathan Lalchhanmawia<br />
: Nicky Lalhmangaihzuala<br />
: Stephen Lalmawipuia<br />
: Laldinsanga<br />
: Vanlalchhandama<br />
HUN RUATNA<br />
SENIOR CORPS<br />
THIANGHLIMNA INKHAWM (16 th SEPTEMBER 2012)<br />
HRUAITU : Lalfamkimi<br />
THUSAWITU : Lalramluta QM<br />
BIBLE SCHOOL (16 th SEPTEMBER 2012)<br />
HRUAITU : Raldovi<br />
CHHANDAMNA INKHAWM (16 th SEPTEMBER 2012)<br />
HRUAITU : R. Laizingi<br />
THUSAWITU : Zonuntluanga BM<br />
SALVATION ARMY YOUTH<br />
SAY FELLOWSHIP (16 th SEPTEMBER 2012)<br />
HRUAITU : Jonathan Lalnunsanga<br />
TANTU : Elizabeth Lalnunsiami<br />
SAY MEETING (17 th SEPTEMBER 2012)<br />
BEIHRUAL THUPUI : Evangelism & Liberalism<br />
HRUAITU : Vanlalruati<br />
ZIRLAI : Johny Lalthanpuia, Asst.Leader<br />
YOUNG PEOPLE<br />
SUNDAY CHAWHMA (16 th SEPTEMBER 2012)<br />
HRUAITU : Lalbiakfeli, YPCG<br />
TANTU : T.Lalruatfeli, Primary Girls I<br />
PRIMARY CHIN HNUAILAM ZAWNG KAN CORPS-AH INKHAWM<br />
TUR A NI A, YP MUSIC FESTIVAL, CENTRAL SOUTH DIVISION<br />
ANIH DAWN AVANGIN JUNIOR CHUNGLAM ZAWNG CHU<br />
VANAPA HALL-AH INKHAWM TUR A NI.<br />
HOME LEAGUE<br />
HOME LEAGUE MEETING (18 th SEPTEMBER 2012)<br />
BEIHRUAL THUPUI : SA MISSION STATEMENT<br />
GROUP 1 : HL SECRETARY-TE IN<br />
HRUAITU : Rinpuii<br />
ZIRLAI<br />
GROUP 2<br />
HRUAITU<br />
ZIRLAI<br />
: RAMCHHANTHANGI<br />
: LALDINPUII-TE INAH<br />
: Lalzikpuii<br />
: RAMDINGLIANI, HLSL<br />
PANGPAR KHAWI-TUTE<br />
16 th SEPTEMBER 2012<br />
Lalzawmliani & Vanrammawii<br />
SEPTEMBER USHERS<br />
C.Vanlalhlimpuii F.Laltanpuii<br />
Lalhmunmawii Cindy Lalhmingsangi<br />
C.Laltlanmawia R.Lalnunmawia<br />
BEIHRUAL HUNRUATNA<br />
HRUAITU<br />
THUPUI CHANGTU<br />
19 th Sept Mimal Tan Rawngbawlna<br />
Lalramchuani Lalrammawia<br />
20 th Sept Khawtlang Tan Rawngbawlna<br />
Hauziki Lalzamliana Sailo<br />
21 th Sept Chhiatrupna Thlen Huna Rawngbawlna<br />
Corps Cadet inkhawm<br />
22 th Sept Tunlai Harsatna Thleng Meka<br />
Rawngbawlna<br />
Lalchhingpuii C.Thangzuali
Vol. XVIII Issue No.38 HNEHNA ENG Phek 3-na<br />
KA VEI ZAWNG<br />
- Jimmy Laltlanmawia, YP.Sgt<br />
Ka veizawng ka han sawi ve mai mai teh ang, a pakhatna ah chuan, kan biakin compound kan enkawl<br />
dan chung chang hi a ni. Biakin compound hi vantlang kawng a nilo tih hi engtin nge mi te kan hrilh ang aw,<br />
gate ah hian kan tar vu mai dawn emawni le, inkhawmlai leh khawm loh lai pawha danglam miahlo a, mi ten<br />
vantlang kawng emaw ti a min paltlang sak fo mai hi ngaihmawh awm tak a ni, keimahni lamin kan enkawl dan<br />
in a zirlo nge ni ti em em maia mi ten min zahloh sak mai hi a na ve khawp maia, YMA Office kawta Gas an sem<br />
lai te phei kha chuan Gas bur pu vu vu chung te khan an kaltlang sup sup mai thin kha a ni a. Corps puipa<br />
thenkhatte ka zawh tuma min chhanna pakhat chu, kan mi te ngei ngei pawh hian kal vel nan tak hian an<br />
hmanga a buaithlak, gate siama kalh tih vel pawh hrethiamlo an awm dawn tlat maia an ti a, kei chu (midang<br />
tamtak te pawh) biakin ah nilo a kalpel ngaia tihtur ka neih in kawngpui ah ka hel hram hram thin. Rawtna han<br />
siam ta ila, kan Biakin gate te hi Kohhran unau dang thenkhatte tih ang hian, tuna kan gate ang nilo hmuh pawh<br />
hmuhtlang theih miahloh a gate phu tak siam ve ni sela, main gate leh thlanglam gate te hi kalh anih loh pawn<br />
inkhawm leh tul bik ah lo chuan khar phuitlat thin nise, YP Hall leh CO Quarter inkar ah hian step dang siam chu<br />
chu CO te leh an inleng te kal vel nan. Tin, Inkhawm leh biakina tul nei nilem lo kaltlang thin te hi an kal lai<br />
hmuh apiangin thadeuha hrilha ka biakin leh a compound te min zahsak ve tura a hmu apiangin lo hrilh zel nise.<br />
Zunin leh a vel hi tun aia thianglima vawn chung<br />
chang ah nu leh pa ten mahni fate uar taka zirtir nise,<br />
hei hi tunlai khawvel ah sawi lan zahthlak ni mahse<br />
keini chu kaninzirtir a la ngai hle a ni. Mi pakhat chuan<br />
YP lamah lo inzirtir deuh the u ti in min chah a, mahse<br />
YP lam ah hi chuan kan sawi ngun khawp maia, Sunday<br />
ah chauh an lo kal bawk si a, chu ai chuan full time a<br />
enkawltu nu leh pa te hian mahni chenna in ah<br />
nungchang mawi leh chet thianghlim chung chang hi<br />
zirtir fo a pawimawh a ni, zunna a thil eina kawr paih<br />
mai mai te, thenkhat kuhva eina lo chhak sen ngei nguai<br />
ta mai te kan la awm tlat hi kan mawl zia tarlang tu mai<br />
a ni.<br />
Inkhawm laia biakin veranda a thali thuthup<br />
thin hi sim hmak ni theise harhan ropui a lo thleng a ni<br />
ringawt ang. Nilum ai ti dawn ila nipui laia nilum aithu<br />
khawiah va awm suh, a thuthin ngai te hlir hi an ni<br />
lehnghala hei hi a thalo a ni, naupang zawk ten an<br />
entawn tlat, kan inkhawm peihlo a nih chuan in lam<br />
loawm mai tur ni awm tak a ni a, mahse inkhawm laia<br />
thutna kan changlo pawh nilo pawna thalai kan thu thup<br />
zel mai hi a ngaihmawh awm tawp khawk a ni, veranda<br />
mai nilo athen SAY office lama mei lo va zu ta lah bo lo.<br />
Chhangchhe nu ho te hi chu a pawi lo an fate biakin<br />
chhung a thutpui theilo mahse biakin tual an rawn lawi<br />
luhpui hrim hrim hi a tha a ni.<br />
Tin, inkhawm tura kal ni na na na, biakin a lut ta mai<br />
loa tual vela ar lawithaduhlo angmaia kan zi hut hut<br />
thin te hi enge ni a awmzia ningai, veng mawng deuh<br />
lam te an rawnchhohna a thuthama thlifim an han<br />
dawng a an han hahchawl te hi chu ahriatthiamawm<br />
khawp mai.<br />
Biakin chhung ah lutta ila, tunlaiin khaw<br />
awmdan a inthlak ve ta hret hret a, mahse khawlum a<br />
la kiang lo, abikin pa ho lane a thu ten kan hriattur chu,<br />
tukverh thlithaw kan ngaithei lo a nih chuan tukverh<br />
bula thut chuh loh mai tur, tamtak chuan an mahni chauh<br />
an inngaihtuaha tukverh bul an chuh a, reideuh hnu ah<br />
thlithaw avangin vawt an ti deuh a, tukverh an khar<br />
mai thin a, an khar phui zo leh vek thin, chutiang a lo<br />
nih chuan, thalai tlarlai lam tan chuan puanpui sin ang<br />
HAPPY<br />
BIRTHDAY<br />
SAY Member zingah 16 - 26 September inkara piangte<br />
lawmpuina leh duhsakna kan hlan e.<br />
Hming Birthday<br />
1. C. Lalrinawmi 16-Sep<br />
2. Nicky Lalhmangaihzuala 19-Sep<br />
3. Lalremtluanga 19-Sep<br />
4. Lucy Laltihdami 20-Sep<br />
5. David Lalmalsawma 20-Sep<br />
6. Saingengliana Sailo 21-Sep<br />
7. C. Laltlanmawia 22-Sep<br />
mai in a lo thawpik in a lo lum ta em em thina a hrehawm<br />
duh khawp mai.<br />
Biak in chhungah hian mobile kan chelek mah<br />
mah, tul bik thil ah phone a lo ri a, biak ngei ngei a ngai<br />
a nih chuan chhuahpui mai a tha, biakin luh hma in kan<br />
off lo a nih pawn silent mode ah dah ani tih kan chiang<br />
tur a ni a, biakin chhunga mobile tih rik tur tut hi kan<br />
mawlzia ti lang tu lek a ni, chu aimah chuan, camera a<br />
awm tih avanga thawk aphita thla kan la reng hi chu<br />
kan in control a tha khop mai, naupang te te ten mobile<br />
a biakin chhunga thla an la an la mai hi a mawi lo, enge<br />
maw bik leh hunbik ah te kan la a nihchuan thuhran.<br />
Hriatpuina sawi pawh hi kan sawi tel teh ang,<br />
Sipai pawl ah chuan hriatpuina sawi hi kan uar a kan<br />
ngai hlu bawk a, mahse tam tak chuan kan tilutuk deuh<br />
in a lang. Sorkar ah hna kan dil dawn a, kan qualified<br />
ngeia a ni tih chiannan lehkha kanneih ang te kan thiltel<br />
thina chu chu kan tlinzia tilang tura kan testimony a ni<br />
a, chuvang chuan testimonial certificate tit e pawn an<br />
sawi thin. Tiang chiah chuan sipai pawl inkhawmna a<br />
testimony sawi hi rilru sawi hun kohhrang dang ten an<br />
tih nen hian a inang lo tih hriattur a ni, Pathian Thlarau<br />
thianghlimin min khawiha min luangtlanga, malsawmna<br />
thar ka dawng a, Pathian ropuzia leh thil tihtheihzia<br />
kalo hre fiah/thar a,ka hlim em em maia Pathian<br />
hnathawh keimahah a lo thleng ngei a ni tih chu zep lo<br />
in kan sawi chhuak ta a, kohhran mipui te pawn<br />
malsawmna an lo chanphah thin, Pathian nen kan<br />
intawn dan leh chumi in ka nunah nghawng a nei ani<br />
tih lai kha sawi tur a ni a, chu chu kan testimony a ni.<br />
Court ah thu inchuh a awm in thudik zawk a ni tih fiah<br />
nan hriatpuitu ten thu an sawi ve a chu chu testify an ti<br />
a, keini pawh in Pathian ropui zia leh thiltihtheih zia<br />
chu kannun a a thil tih hmang in kohhran mi te hma ah<br />
Testimony sawi hun ah kan testify tur a ni. Rilru sawi<br />
na hun a ni lo a, thahnem ngaihna sawina hun pawh a<br />
Chhunzawmna phek lehlamah...<br />
JCB FOR HIRE<br />
JCB hire duh tan JCB<br />
3XD thar hlak hire tur ka<br />
nei e. Man tlawm leh<br />
chak taka hnathawh<br />
duhte tan koh theih reng<br />
kan ni e. Contact :- Robert, 09862559400<br />
VEE CEE CHICKEN TADOORI<br />
Arsa tuihnai leh thianghlim, uluk taka hem hmin,<br />
a hrisel leh tui em vanga zawngchhang hlawh tak,<br />
hun pawimawh a hmaih theih loh Chicken<br />
Tandoori kan nei reng e. Home Delivery kan tih<br />
nghal avangin i duhna hmunah kan dah sak thlap<br />
thei che ania.<br />
Contact :- 9862413777 / 9615821450
Vol. XVIII Issue No.38 HNEHNA ENG Phek 4-na<br />
THI TURA AN HRUAI TE CHU CHHANCHHUAK LA,<br />
THAH MAI TURTE CHU CHHANCHHUAK THUAI RAWH.<br />
HEADQUARTERS NEWS<br />
Sermon Chhunzawmna...<br />
ni alo a, keimahni mimal chanchin sawi nah un pawh a<br />
nilo Thuhriltu tunlaia lar tak mai Joyce Myer-I chuan,<br />
“Hriatpuina I sawiin chapo lo turin ika veng tha rawh,<br />
hriatpuina kan sawi tam tak te hi chu kan insawithei<br />
mai mai lek a ni”, a ti a, a dik viau in ka hria chute a nih<br />
loh chuan midang tan inkhawm ti hrehawmtu ah lek<br />
kan chang thei, Inkhawm apianga I hriatpuina nung<br />
tak ngaihthlak kha tute pawn ka chak a, kan thlahlel a<br />
ni, aching phei chuan Thuhriltu awmmiah lo in<br />
hriatpuina nung leh ropui tak tak te hi ngaithla ta thin<br />
ila mite nun atang khan malsawmna kan lo chang ve<br />
thei ngei ang tih hi ka ring thin, mahse inkhawm apianga<br />
sawi an awmlo emmai tih vel mai mai vanga lo ding ve<br />
ziah te hian inkhawm an ti nung lo zawk hlauh thei.<br />
Inkhawm hruaitu in a thuber a ni tih hrereng<br />
chuang, hriatpuina sawina hun zau takin ilo hawng ang<br />
an ti fo hi a diklo a ni, Sipai pawl ah chuan zautaka<br />
hawn a ni a, mahse a sawi ve lo mi tamzawk te kha<br />
ngaihtuah tel reng tur a ni a. Tin, thusawitu kan lo<br />
sawm anga a duhtawkin hun hmang rawhse, banna<br />
hun pawh a kutah tih te hi, hruaitu inbuatsaih lo tih<br />
dan a ni, inkhawmna kan hruai dawn in kan inbuatsaih<br />
tur a ni a, thusawitu ai pawn hruaina hi a pawimawh<br />
fo thin, hruaitu in a inbuatsaih a, inkhawm kalphung<br />
nung taka a hruai chuan thusawitu tan pawh sawi zui a<br />
nuam in inkhawm boruak a zang vek thei. Pulpita<br />
dingchhuak a hmel hmuh hrehawmkhawpa tumbur te<br />
hi in control tur a ni, hlim sarh in mipui hmuh atan kan<br />
dingchhuak tur a ni, tamtak chu, inkhawm an hruai te<br />
thu an sawi te hian, an thinur ta a nihngei dawn hi tih<br />
tur khawp in an tum kawh tlata Pathian hmangaihna<br />
thu te hi tumbur chungin kan sawi thin, hemi kawng<br />
ah hian kan upa thenkhat te hi chu an fakawm khawp<br />
mai Pathian thu chu sawi nuam an ti tih hi an hmel ah<br />
pawh a hriata an hmel anung sarh thin a ni.<br />
Hriatpuina sawitu in, hla kan thlang a nih<br />
chuan, mipui te kha ding chunga sak pui kher tur phut<br />
tur a nilo, inkhawm hruaitu thu a ni a, hruaitu in ding<br />
chungin isak pui ang u a ti a nih chuan thuhran,<br />
hlathlang tu in kan za a dingin ilo sa ang u tih hi, a<br />
chaltlai deuh lo maw.<br />
Inkhawmna ah hla kan sak in Solfa hla kansa a<br />
nih chuan, a bass thiamin bass ila, tenor thiamin tenor<br />
in sa ila, Alto/contralto thiamin contralto in tiang chuan<br />
zaipawl ropui tak kan ni maia a nuam in zai a nung bik<br />
duh hle, hla thenkhat hetianga sak remlo te chu awm<br />
tho mahse, Solfa entur a awma kan thiam pawht chuan<br />
mahni part thiam anga sak hi chin fo tur a ni.<br />
Biak in hnung lamah inthiarna kan siam tak<br />
vang hi ani in a lang, dawhsan lama thu hun hmangtute<br />
thlengin inkhawm laia inthiar tura kal tuih tuoh hmuhtur<br />
a awm ta fo mai hei hi a mawilo hle a ni, naupang<br />
zunzung chhuak sek pawh kan khap thin a ni a, luhhma<br />
a intihfel lawk nachang hriat a hun tawh viau a ni.<br />
Biak in tual hi kan zah a, kan uluk deuh deuh a<br />
thul a ni, biakin tuala mei zukhu ta luih luih hi kan tam<br />
riau maia, ngaihmawh awm em em pakhat chu, SAY<br />
Office a mei kan zu thin hi a ni, hei hi SAY Hruaitu te<br />
hian an hria em aw, a bikin Thianghlimna inkhawm lai<br />
YP Class la tur lo kal hma hian tute emaw chuan SAY<br />
Office chhung ah hian mei an lo zu thin a, a hnu ah<br />
class la turin kan lo kala khawlum nen meizial rim nen<br />
a hrehawm thin hle mai, chu chu thuhran ni se, naupang<br />
zawk te kawng dik kawhhmuh tumin kan rawn luhpuia<br />
meizial rim a lo nam rum rum zel mai hi a pawi<br />
tawpkhawk a ni.<br />
NI RUK CHHUNG CRUSADE NEI DAWN<br />
Major Vanlalthanga Spiritual Development Secretary<br />
chuan 18–23 September 2012 chhung hian Madanritting<br />
Corps Shillong-ah Crusade a nei dawn a, Crusade<br />
chhung hian chhun lamah rawngbawltute pualin Seminar<br />
leh Retreat a neihpui ang a, zan lamah mipui pualin<br />
rawngbawlna hun a hmang thin ang. Pu Lalchhandama<br />
Asst.SAY Leader Republic Corps in a tawiawm ang, he<br />
rawngbawlna atan hian mitin ten i tawngtai pui ang u.<br />
EMERGENCY RELIEF SERVICE<br />
Major Lalmuansanga Emergency Relief Secretary chu<br />
Assam-a chi leh chi intihbuaina chhuak avanga tuartute<br />
chhawmdawlna kawngah Salvation Army-ten tih ve<br />
theih kan nei em tih enfiah turin a hmunah a kal. Major<br />
hi 13 Sept khan a chhuak a, chawlhkar khat hnu ah<br />
chuan a tihturte tifelin a lo hawn leh hman beisei a ni.<br />
OFFICE cum QUARTERS :<br />
Emergency Relief cum Quarters tur Kulikawna sak mek<br />
chu zawh fel a ni ta a, hun remchang hmasa ah hawnna<br />
leh Pathian hnena hlan a ni ang a, chumi hnu ah Secretary<br />
hian aluah ang a, he hmun atang hian India Eastern<br />
Territory in Emergency Service a tih theih ang chu<br />
ti turin hna a thawk tan tawh ang.<br />
CHIEF SECRETARY PROGRAMME<br />
14th September khan Zotlang Corps Central North Division-ah<br />
Tv.Lalchhungmuana leh Lalrinhlui te<br />
Inneihna hunserh (ceremony) chu Lt.Col.Lalramhluna<br />
Chief Secretary chuan a hmang a, Tv.Lalchhungmuana<br />
hi Tripura-a Salvation Army bultantute zinga mi<br />
pawimawh tak Pu Denghera CSM tupa a ni a, inneihna<br />
inkhawm hi mi tamtakin an hmanpui a ni.<br />
ARCHIVES ADHOC COMMITTEE THUKHAWM.<br />
13th Sept 2012 (Thursday) khan, Territory Level<br />
Archive din dan tur thu ah leh India Eastern Territory<br />
chhunga kum leh hun pawimawhte tihchianna thu a<br />
hma la tura din chu THQ-ah an thukhawm a, meeting<br />
hi Chief Secretary in a hova, India Eastern Territory<br />
kum leh ni pawimawh kal tawhte leh lo la awm zel tur<br />
chungchanga hma lak dan tur te an ngaihtuah ho dawn<br />
a ni.<br />
SEMINAR ON OFFICERS FIVE YEAR REVIEW<br />
Officer atana Commission an nih atanga a kum 5-na<br />
alo nih tak avangin dan anga review-na hun Officer 13<br />
te tan buatsaih a ni. Territorial Headquarters Booth<br />
Conference Centre ah neih a ni a, ni hnih chhung awh<br />
Programme duanlawk hi duanlawk anih angin,<br />
hlawhtling taka hman a ni. Officer hote hi Territory<br />
chhung hmun 7 atangin an lokal khawm a, anmahni<br />
ngeiin an rawngbawlna te an thlirlet bakah tisa leh<br />
thlarau lam hmasawnna thar nen an kir leh dawn a ni.<br />
Lt.Col.Kawlkhuma Brigade Night : Patriotic Dress<br />
Published by THE SALVATION ARMY YOUTH, Bethlehem Corps : 2012<br />
Editor : William Lalchhanchhuaha (: 8014343637 , Website: www.hnehnaeng.blog.com<br />
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-