You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Issue No. 7<br />
~PMCF News~<br />
Rev. David L Ralte chu khawsik<br />
leh nawmsam loh deuhna vangin<br />
Salisbury park Adventist Hospital<br />
ah 19th july (thawhtanni) khan<br />
admit a ni a, zan hnih riakin<br />
damdawiin atang hian tha takin a<br />
chhuak leh a ni.<br />
Nimin inrinni tlai khan Music sub<br />
committee chuan meeting an nei.<br />
PMCF zaipawl te hla zirna hun<br />
kan nei leh thei \ep tawh a, kan in<br />
hriattir leh veleh hla zir thei \heuh<br />
turin kan lo inring dawn nia.<br />
Kan Financial Secretary Pu<br />
Lalrinliana Colney leh kan<br />
Committee member Tv. Jacob<br />
Vanlal\ana Khiangte te chu<br />
Hyderabad ah an (khualpang!) zin<br />
a, naktuk zing ah <strong>Pune</strong> lo thleng<br />
leh tura beisei an ni.<br />
Vawiin tlai inkhawm banah<br />
hian PMCF Executive Committee<br />
meeting neih tur a ni a, committee<br />
member te kim taka kal \heuh kan<br />
tum dawn nia. Thu pawimawh tak<br />
tak rel tur zingah thlaleh August ni<br />
16 a PMCF rising day lawm dan tur<br />
leh Fresher Welcome hman dan tur<br />
te sawiho tur a ni. Thurel kimchang<br />
issue leh ah kan tarlang dawn nia.<br />
Member thar kan awm belh zel<br />
a, lo awm tawh se te ngaichang<br />
thiam in thil lo hre zawk te an nih<br />
angin an zai ngai thiam ila a \ha<br />
awm e. Chutih rualin PMCF hi tu<br />
ta bik leh tute kohhran pual bik mah<br />
nilovin Pathian Kohhran a ni tih hre<br />
thar leh \heuh ila, a neitu chu nang<br />
leh kei kan ni tih hria in thurawn \ha<br />
nia kan hriat in pek kawngah te, kal<br />
dan leh duhdan thar kan nei pawh<br />
a ni thei a, kan kal dan pangngai<br />
duhkhawp lovin sawisel tur leh<br />
tihdan \ha zawk kan hria pawh a<br />
ni thei e, inthlahrung hauh lo turin<br />
kan in ngen nawn leh a ni.<br />
Kan member Pi Diki nau Tv.<br />
Laldinpuia chu nimin (inrinni) zing<br />
dar 3 khan Aizawlah a boral a,<br />
nimin vek khan vui liam nghal a ni.<br />
Khawhar chhungte kan \awng\ai<br />
naah kan hre reng dawn nia.<br />
P E N I E L<br />
Phêk Thum (3)-na<br />
BRAKE<br />
~ cobtea.blogspot.com<br />
Zanlai a pel tawh a, MG Road phei ah chuan motor tlan reng an<br />
awm tawh meuh lo. Chak takin ka bike chuan ka lim phei par par mai a,<br />
zan len na a fuh bawk nge, ngaihtuahna tawi tup maiin ka hmalam ah<br />
enge awm ka ngaihtuah lo.<br />
Hotel Aurora Towers thlen hma kawngpeng atang chuan rin loh<br />
lai tak maiin truck a rawn lang ta zuai mai le! Ka hma ah chuan rawn<br />
inhung nghal chat in, ka hmalam ah chuan thil pahnih tawn theih ka nei<br />
ta - A brake rap ila, ka ding chat anga, engmah harsatna awm lovin ka<br />
ding anga, him takin a hnu ah ka tlan leh thei. Chuti a nih loh chuan ka<br />
hma a truck chu ka su bur anga, ka thi chiang hle anga, ka khawvel<br />
nunna chu a tawp der ang.<br />
Khawvela ringtute hringnun pawh hi chutiang chu a lo ni. Chak<br />
\ha takin ringtu nun kan hmang mek emaw kan tih lai hian sual Setana<br />
chuan min lo chang reng in kan inrin loh laiin kawngsir a\anga min lambun<br />
hun a nghak reng a lo ni. Min lo ambush a, Pa hnen tleng lo tawk tur vel<br />
a kan ringtu nun zawhlai tihtawp hmak hi a lo tum reng a lo ni.<br />
Chu kan hmalam hunah chuan enge kan tawn dawn tih kan hriat<br />
lawk loh avang chuan inring reng tur kan lo ni reng a ni. Kan inrin reng<br />
nan leh chu harsatna kan tawn theih tur, boralna kan chunga lo thleng<br />
thei tur chu engtin nge kan lo inrin lawk ang<br />
1) A hmasaberah chuan ka bike khalh lai chu ka hrechiang in a<br />
brake man chak zawng te leh a balancing te chu ka hrethiam em em tur<br />
a ni a, kan kawng zawh lai pawh kan hrechiang tur a ni. Chutiang chiah<br />
chuan kan nun hruaitu ber Lal Isua hi kan belchiang in kan hrechiang em<br />
em tur a ni. Kan hriatchian loh Bike kan khalh hian engemaw ti tak a<br />
khawr riau hi a awl em em a, chetsual te a awlsam bik. Chuvang chuan<br />
Isua hi kan hrechiang tur a ni a, hrechiang tur chuan a chanchin kan zir<br />
tam a, amah nena inpawhna leh inpawlna \ha kan neih a pawimawh a ni.<br />
2) A brake rah thut a ngaih huna rap thut thei tura ka in rin reng a<br />
ngai a, hma lam ngun takin kan en ran tur a ni a, hnung lam emaw, ding<br />
lamah emaw, vei lamah emaw, ka mit ka len kual tur a ni lo. Chutiang<br />
chiah chuan kan hmaa lawmman awm chu en ila, sir lam a\anga harsatna<br />
awm thei, midang min hmuhsit, deuhsawh, sawisel leh min nuihsawhna<br />
pawh a ni thei, chung zawng zawng chu engah mah ngai lovin Isua lam<br />
chauh kan en fan fan tur a ni. Kan hnung lama kan tlan pelh tawh thil ten<br />
min tibuai lo sela, kan sual kan hriatchhuah te pawh a ni thei, chung ai<br />
chuan hmalam a kraws awm chu en zawkin hnehna puang zel in hmalam<br />
pan in inring rengin kan tlan tur a ni.<br />
3) Speed limit aia chak in ka tlan tur a ni lo. Dan in a phal leh a<br />
tuk bak a tlan hi dan bawhchhiatna a ni a, kan ringtu nun ah pawh hian<br />
Pathian in Dan min pek te zawm in chu Kalvari Dan ang zel chuan kal<br />
ila, boralna lak ata kan him thei dawn a lo ni.<br />
4) Helmet ka khum ngei tur a ni. Acciden tawh palh thut pawh a<br />
ka nunna ka humhim theihna chu ka phaw - helmet hi a ni. Ringtute<br />
chuan misualpa lak ata kan him theih nana phaw kan inbel tur Bible in<br />
min lo hrilh - “...in kawng chu thutaka hrengin, felna awmphaw chu hain,<br />
remna Chanchin |ha inbuatsaihna chu in keah bunin ding rawh u; chung<br />
lo pawh chu rinna phaw la ula..” tiin.<br />
A dang tam tak pawh la awm mahse, heng te hi a pawimawh<br />
zual, himna atana hriat reng tur te an ni.
Change language