Vol. XVII Issue No. 24 HNEHNA ENG Phek 2-naAsst. EditorJt. EditorNews Editors: William Lalchhanchhuaha: Lalremtluanga: PC Lalhmingchhuanga (World News): Joseph Laldailova: Lalrohlupuii: Lalrimawii: C VanlalchhuangaCir.ManagersPublisher: K Lalremsiama: F Vanlalhlimpuia: Jonathan Lalchhanmawia: Eric Lalhriatzuala: T Lalrinzuali: Judy Lalramnghaki: SAY, Bethlehem CorpsMei leh Thisen...Thlarau Thianghlim zara malsawmna kan chan hia ropui teh e! Mihring leh Pathian inremnachhawm Nungtu a ni, nitin Lal Krista duhawngmin zirtir thin; Zirtiritu Lal Isua awm tawh lo mah se, Anihi Pathian min pek, Zirtirtu a ni. Thlarau Thianghlimthlenna Ni champha, Penticost Sunday ah hian chuThlarau Thianghlim ngei chuan keini Bethlehem Corpshi min la chenchilh a ni.Thlarau Thianghlim chu tunge a nih an sawi kan hrefo tawh a; hmuh theih loh a ni a, thli ang mai hian hmuhtheih loh mah nise a thlen chin chu a hriat theih hle a.Hmuhtheihloh-a hmu apiang mi vannei ber an ni, ThlarauThianghlim tel lovin tumah an piangthar thei si lova.Thlarau Thianghlim chuan awmdan mawi,rawngbawl dan tur, Krista hnungzui dan tur engkim minzirtir thin a, min hre hneh hle bawk. Zirtir tih hian thiamsazirtir tihna a ni ngai lova, thiamlo ten an thiam theihnan a zirtir tihna a nih ang hian zirlai nih I hreh lovangu. Thlarau a khat awlsam dan ber chu thuawih hi a ni;Pathian a beiseina nghat tlat, hmasawn zelna duh tutehnenah chutiang chu a thleng thin. Sual a tlu ni lovinan tlu/tisual nawk nawk a mah se a tungding leh nghalthin, an chak lohna chu an hneh a, an chakna ah asiam sak zawk ta thin a ni. Thlarau Thianghlim hi meialh anga tehkhin fo a ni. Hmun khata a kan kai tawhchuan a darh hluai fo thin, chutih lai chuan a sir bulhnaia lo awm te pawh an ut ve ruam tho zel, mahse chungmite chu an kang kai ve ta tihna a ni lo.Salvation Army innghahna bulpui chu ThlarauThianghlim hi a ni. General William Booth inlarna hmuh,kum zabi 20-na a thil hlauhawm lo thleng tur zingahpawh khan ‘Thlarau thianghlim tel lova sakhuana’ asawi nghe nghe kha. Thlarau thianghlim tello sakhuanachuan Krista tello Kristianna a hring a, simna tellongaihdamna, nun danglamna tello piantharna,hremhmun tello vanram, Pathian tello politics-te nen. Abul a dik tawh loh chuan a chawr chhuak chu a dikmawh tawh thin. Bul tan that ngai pawh zak suh se, intulutrawh se; thlen loh aiin tlai a pawi lo, tlai luat erawhchuan pawina a nei thin. Armageddon aiin ThlarauThianghlim hun tawp hi a hlauhawm zawk a ni.Krista Thisen leh Thlarau Thianghlim mei alh chuanvawinah ngei Mei leh Thisen puanzar khaitute hnenahngei hian thiltih neiin lo thleng nawn leh rawh se.PANGPAR KHAWI-TUTE(12 th June 2011)K. Sangi, Thlanpuii, Zikpuii (YPCG)(19 th June 2011)VL.Hmuaki & RothangiSENIOR CORPS PROGRAMMETHIANGHLIMNA INKHAWM (COMMISSIONING & RETIREMENT)(12 th June2011)HRUAITUBIBLE ADD: Commanding Officer: Major Khaiza DingaPUITLING SUNDAY BIBLE SCHOOL(12 th June 2011)HRUAITU : Pi LalauzualiCHHANDAMNA INKHAWM(12 th June 2011)HRUAITU : Pi LalhmuakiBIBLE ADDHRUAITUZIRLAIHRUAITUBIBLE ADD: Major LalchhuanaSIPAI INKHAWM(15 th June 2011): Pi Sapchhawni: Pu Lalzamliana SailoTAWNGTAI INKHAWM(18 th June 2011): Pi Lalzikpuii, YPCG: Pu Zahlira, RS (R)S.A.Y. PROGRAMMES.A.Y. MEETING(13 th June 2011): Nl. LalrimawiiHRUAITUZIRLAI 5-NA : Pu Lalrintluanga, Music i/c.FELLOWSHIP (HNEHNA ENG THLIRLETNA / FEEDBACK)(12 th June 2011)A HMUN : Pu C. Dengrikhuma (PG) In.HRUAITU : Tv. William LalchhanchhuahaTANTU: Tv. PC. LalnunziraJune Thla Receptionists:-Nl. H. Lalhriatpuii, Nl. Melody Zothanpuii.Nl. K. Lalremruati, Nl. Zonunpari,HOME LEAGUE PROGRAMMEHRUAITUZIRLAI(14 th June 2011): Pi Lalrampani: Major LalngengiYOUNG PEOPLE PROGRAMMEChawlhni Chawhma(12 th June 2011)HRUAITU : Nl. Vanlalhruaii, YPCGTantu : C. Lalruatpuii, Inter mixTT Kaihruaitu : Lalchansanga, YPL12 June YPCG Receptionists:-Albert Lalruatkima; K.Lalruatdika; LalhlimpuiiChawlhni Chawhnu(Chawhnuah hian Rikrum lam chungchangaAwareness Campaign neih tur a ni a, campaigner-te anlo kal lo a nih erawh chuan <strong>Eng</strong>lish Service neih a niang. Hemi kaihruai tur hian Mary Lalnunmawii, YPLleh Lalchansanga YPL-te chu ruat an ni. Tin, <strong>Eng</strong>lishSong Book Rs. 20/-in lei tur a la awm reng bawk.)
Vol. XVII Issue No. 24 HNEHNA ENG Phek 3-naLI THUK LAMA LEN DENMajor ChawnghlunaSimon Petera ten zanah len an deng a, an hlawhchham let der mai a, chuvangin Petera lawng chu a lo ruak ta a.Chu chu Lal Isuan remchanga hmangin Petera lawng ruakah chuan a thu a, chuta tang chuan mipui a zirtir ta a ni. Isuanthu a sawi zawhah chuan Petera hnenah “Li thuk lam pan la, sangha man turin in lente deng rawh” a ti ta a. Petera chuan“Zirtirtu rim takin zankhuain kan bei a, engmah kan man lo va, nimahsela, I thuin lente kan deng leh ang e” a ti a. Isua tanchuan a lawmawm hle ang. Lente chu a han deng leh ta a, sangha tam tak lawng pahnih khat an man ta a ni.Sangha manna atana hun tha ber zanah rim taka anbeih a, engmah an man lohna hmun ngeiah khan, chhunpachangah lehnghal li thuk lama deng leh tura han intirh chuthil atthlak leh zawm har tak tur niin a lang. Petera chuanmihring ngaiha beisei awm lohna nimahse, Isua a rinna a nasatavangin, thuawih takin, “I thuin lente ka deng leh ang e” ati thei ta mai a ni. Petera’n Isua a rin nasatzia hi keini Sipaitepawhin entawn atan a tha hle mai. Tunlaiah hian mimal lehchhungkuaah, ei leh bar zawn kawngah te, Ruihtheih thilavangte leh thil dang dang avanga beidawng, li thuk takaawmte man chhuak thei tur khawpin Petera anga len kanden nawn fo hi a tul ta a ni. Kan zawh bel tawh sa pawh nise,thlarau tharin I deng leh ang u.Tunlai hunah hian rawngbawltute ngei pawh himahni fel leh dika inngai, mahni fel lohna hmu lo va, midangtefel lohna hmufiah theitu kan ni ve em? Khawvel a changkangchho zel a, Pathian hmuh kan tum dan pawh a changkangve zel a. Zakaia pawh kha Theipui kung atang ngawt chuana chiang bikin a rinawm loh. Isua khan, ‘Zakai lo chhukrawh’ a ti mai lova, “Lo chhuk thuai rawh” a ti a nih kha.Lo chhuk ta lo se chuan a hlep ruk pawh a let liin a rul kherlovang a, a sum zatve pachhiate hnenah a pe kher lovang.Lal Isua aw a hre chiang a, Isua a hmu a, a lo chhuk hniammai a ni. Chutah zet chuan ti rawh tih a ngai tawh lo. Hmuhtur dik a hmu a, khawvel thil amah tibuaitu kha a tla bonghal a ni. Keini pawh Pathian ram a lo thlen theih nan kanrawngbawlnaah hian nun chapo kan nei a nih chuanZakaia ang hian chhuk hniam ngam ila, hmuh tur dik takkan hmu ngei ang.Pathian thupek anga li thuk lama lente an han denleh meuh chuan nasa takin an hlawhtling a, an lente pawh achat pheuh pheuh tih kan hria a. Tunlai hunah pawh hianPathian malsawmna kan dawn hi a inchen lo em em a,chhungkaw thenkhatte hi chu kan malsawmna dawn hianmin tawn chat pheuh pheuh ni lovin, min tawn thler vengvung a, chhungkua a tawn kehsawm a, chhungkawkehchhiate kan awm phah ta a ni lo maw?Zirtirte Galili dila thlipui leh tuifawnin a nuai lai khan,lawng mei lama mu Lalpa an kaihthawh meuh chuan thlipuileh tuifawn a reh duak mai a nih kha. Chuvangin keini pawh,Corps-ah emaw, kan chhungkuaah emaw, mimalah emaw,kan hotuteah emaw, kan mawhphurhnaah emaw, harsatna,lungawilohna leh beidawnna kan nei tawh pawh a ni mai theie. Li thuk lam pana kan lente deng leh turin vawiinah pawhhian min la sawm reng a ni. Lal Isua thiltihtheihna rinchhanini deng zel ang u.Midang thlarau bo kan man lo a nih pawhin, ‘Lithuk’ chu “Mahni” hi kan ni a, Petera pawhin amah arawn inman a, “Lalpa mi kalsan rawh, Misual ka ni” arawn ti ta ang khan, mahni inman tur pawhin Li thuk lamahlen I deng zel ang u.Lalpan a thu malsawm rawh se, Amen.CORPS COUNCIL THUCHHUAKCorps Council vawi 8-na chu, 7 June 2011(Thawhlehni) zan khan neih a ni. He council-ah hianFounder’s Day programme, Seminar neih hun tur lehprogramme, Local Officer Retirement Present chungchangleh Tuithiang venga hmalak dan turte rel a ni.Founder’s Day Programme : 2 July 2011 (Inrinni)-a Founder’s Day lo awm tur chu Bial Council-in, chhunlamah bial chhung corps hrang hrang ten a huhova vantlanghna thawhho nise tia a lo rel tawh avangin zan lamprogramme chauh siam nise tih a ni. Hemi zana item nei turhian Section hrang hrang; Home League, SAY, YP leh Bandteatangin pakhat theuh beisei a ni a, hemi atana lo inbuatsaihtheuh turin Corps Council chuan a hriattir a ni.Seminar chungchang : Council hmasa lama lo reltawh, inkhawm dan kalhmang leh Biak In chhung nungchangchungchanga Seminar neih hun tura a lo ruat, 15 June 2011(Nilaini) chu, hun remchang danga sawiho tura dah a ni.Local Officer Retirement : Local Officer pahnih;Pu Biaksanga, Col. Sgt. leh Pi Dengkungi, HLT-te chu an loRetire dawn tak avangin, 12 June 2011 ThianghlimnaInkhawma Retirement Certificate hlan an nih rualin anmahnichawimawina leh ngaihhlutna (Certificate of Appreciation)leh Pressure Cooker hlan nise tih a ni.Tuithiang venga hmalak dan tur : TuithiangCF(Corps Council chhunzawmna)Vengah hmunhma tha tak lei fel a lo nih tak avangin, theihang anga hma lak zui zel tha tih a ni a, hmalak dan turahchuan, Tuithiang Venga Sipai-te bakah Enna Corps-a LocalOfficer-te leh Local Officer ni lemlote pawh telin, inrawntlana hma lakho nise tih a ni. Hmalakna hmasa atan vawiinChawhnu Inkhawm ban hian Tuithiang Venga Sipai-te neninhmukhawmin hmalak zel dan turte an sawiho ang.Central South Division, DC hnen atanga lehkha hmuh;Hmangaihna In, Chhiahtlang tana Ar leh Vawk vulhna projectkalpuina tur atana sum tihpun tur i.e. Rs.10/- chu ngun takangaihtuahho hnuah Men’s Brigade ten tha an tih angahmalakna kalpui turin an kutah dah a ni.Bial Council-in a lo rel tawh, Bial chhung Corps hranghranga rawngbawltute intihhmasawn tawn nan, 30 June 2011(Ningani) ah seminar neih nise tia a lo rel tawh chu tha tih a ni.Tin, Seminar-ah hian Corps chhungarawngbawltu, PCC-in a ruatte chu kim taka tel tur a niang. Heta tel thei ngei tur hian section hrang hrangahruaitute chu mahni hna tulte lo inhmakhawsuih theuhturin Corps Council chuan a hriattir nghal bawk a ni.(15 June 2011 Nilaini hian Corps Council chuanhnatlang a ko a, hetah hian Biak In kawt concretechhunzawm hna thawh tur a ni ang. Sipai chhungkaw tinatangin member pakhat tal thawk chhuak theuh turinCorps Council chuan a ngen a ni.)