Azalaren lehiaketan parte hartu duten kartelak

38 ZENBAKIA · PLAZAOLA ALDIZKARIA
pagorik hobenak bota eta kaskailtze izugarrie egiten
zuten.
Behin yoan ziren egurretara Guratze bost larri eta
Luxiano motiko koxkorra, hamar urtekoa. Pago lerden-lerdena
bota zuten aizkoraz. Tronkoak arralletu
eta hasi ziren astoak kargatzen. Luxianok adakiz
kargatu zuen mandokoa. Ordun azaldu zen monteroa.
Luxiano ez gainerako guzik muntatu zituen.
Eta esan zioan: “Luxianok bezala adakik hartu
baziñozea ez ziñuen muntarik izanen. Eta gañea
doble denuntzi duzue pagoa gerrin erara bota
duzuelako”. Aleye, pagoa gerrin alturen bota zutela
eta lurren erradatik bota behar zutela egurra gehiago
aprobetxatzeko.
Goarda berriz Tipuko Xinkoren ardibordan gordetzen
zen eta handik zelatatzen zuen astodunek zein
aldetara hartzen zuten Goikoerrotan. Gero atzetik
yoan eta zerbait gaizki egiten bazuten munte emateko.
KEJA EGILEA BERA HARRAPATU
Herrigizon bat bazen beti marrojoan ibiltzen
zena. Egurretara yoan aurretik herrire etortzen zen
eta alkateari esaten zion: “Halako eta holako yoan
dire egurretara eta kaskailtze izugarrie iñen due.
Yoan al dittezke goardak?” Alkateak esaten bazion
baietz etzen egurretara yoaten baina alkateak esaten
bazion goardak norabaitere lanera bialduak
zituela eta etzitezkela yoan ordun bera yoan eta
arbolik hobenak bota eta ekartzen zituen etxera.
Egun batean etorri zen herrigizon hau beti bezala
kejakin eta alkateak esan zion: “Gaur ezin dire ba
goardak yoan mendire. Leitzelarre bialdu ditut lanera”.
Ordun lasai yoantzen keja egilea egurretara.
Baina zer gertatu zen, goarda bat zerbaitetara
herrire etorri zela. Ordun alkatek bialdu zuen ahal
zuen abudona mendire. Gero batzarrean alkateak
galdetu zion goardari:
- Harrapatu al ziñun norbait?
- Bai.
- Nor?
- Hauxe bera (behatzez herrigizona siñaletuz).
- Zenbat munte do?
- Bi pago ia kanakoak bota zituen eta zerorrek
emaiozu munte.
ESKUARRIE
Aizkora ongi zorroztu, apixarra atera eta yoaten
ziren egurretara. Guratzen bada losarrobie, lehenago
losa asko ateratzen zuten lekue. Handik hartzen
zuten harrie eskuarrik egiteko. Oso zorroztarri onak
ateratzen ziren hango harriarekin egindakoak.
TXALMA (ALBARDA)
Aztalubala astoaren buztanpetik pasatzen den
ubala.
Petrala
Txintxe
astoaren besoen aurretik yartzen den
ubala.
astoaren tripapetik yartzen den ubala
albarda eta kakoak seguretzeko.
Oharra. Endrezuk (albarda eta astokakoak) Astaitzagatik
hartu ditugu. Astoa berriz Arroko Kristinak
utzi digu. Astodunen berri asko Apezeneko Luxianok
eman dazkigu. Eskerrik beroenak biei.
DUVOISINEN LIBURU BAT PERALADAN
Aurtengo maiatzean izandu ginen Gironako Peralada
herrian eta ikusi genuen Rocaberti kondeen
Gaztelua.
Rocaberti kondeen azkeneko kidea 1899an hil
zen, ondoreko zuzenik gabe. Gero,1923an, Miguel
Mateu aberats katalanak erosi zuen gaztelu hau.
Orain gazteluaren zati batean kristal gauzei buruzko
museoa eta biblioteka ikusgarri bat daude.
Kristal gauzek gustatzen zaizkionarentzat badago
zer ikusia: kopak eta beste ontzi asko.
Rocaberti kondeek bazuten 20.000 liburuko
biblioteka. Gero Miguel Mateuk erosi zuenean beste
60.000 liburu erantsi zizkion. Orain 80.000 liburu
ditu. Eta liburu horietako bat euskaraz dago. Duvoisinek
egindako itzulpen bat da.
Duvoisin (Ainhoa 1810-Ziburu 1891) idazle eta
itzultzaile lapurtarra zen. Cervantesen El ingenioso
hidalgo don Quijote de la Mancharen zati bat itzuli
zuen euskarara eta hura da biblioteka hortan dagoena.
DON KIXOTEN GERTHAKARIAK du titulua
liburu honek.
❘ ASTAITZ
19