kanmah thawng - The One Star News

More documents

Recommendations

Info

EST: SEPT 12, 2010 VOLUME 1 , ISSUE 105 OCTOBER 14, 2012 CHINMI 200 FAI NIH RANGON AIRPORT IN DR. LIAN HMUNG SAKHONG AN DON Yangon: Chin Literature and Culture Comittee (Universities, Yangon) hohatnak in Chin miphun dihlak minung 200 renglo nih Kawlram tlangcungmi le Chinmi ramkhel hruaitu upa pakhat a simi Dr. Lian H. Sakhong cu Yangon, Minglardon Airport ah hlunghlainak in an don. 10 October, zanlei suimilam 2:00 ah a rak phanmi Ethnic Nationalities Council (ENC) Chiarman, CNC Chiarman le CNF Supreme Council chungtel Dr. Lian H. Sakhong donnak ah CLCC siangakchia pinah, Khumi Mino Bu, Chin Youth Forum, Lautu Family, Zophei Family, Aibur Family, Parties Palai cheukhat hna le upa 40 renglo nih an donpi hna. A dongtu hna nih anmah le bu min cio in hlunghlai tein an donnak Kawl in catar tampi put in sunglawihnak an langhter pinah, Kawlca in catar an I putmi ah "ENC Chiarman kan in don", "Chin Siangakchia Hruaitu Hlun kan in don", "CNC Chiarman kan in don", "United National League for Democracy, General Secretary hlun kan in don" ti pawl telh in le pangpar oihnak le laithuam he an sunlawih. Dr. Lian H. Sakhong nih atu lio an donmi kong le Kawlram a ratnak kong he pehtlai in; kum 20 chung ram zamtak dirhmun in ka nunnak chungah lamhruai in Kawlram ka phak khawh caah Pathian min ka thangthat. Hlunghlai taktak in a ka donmi Chin miphun nan dihlak cungah kaa lawm. A bik in CLCC nan cungah lawmhnak tampi ka ngei. CLCC hi miphun caah riantuan kaa thoknak keimah ka nubu bantuk in ka ruah i ka thinlung ah hi hmun ah ka rak tuanmi hi a cam zungzal. Atu kan ram tampi thlennak cungah kaa lawm. Asinain kum 60 a raumi tlangcungmi buainak hi cabuai cung biaruahnak lawng in phisin a hau. Meithal le hriam in phisin nakin a dong kho lai lo. Ka riantuan hawi tampi cu mual an liam. Ka ngeih a chia tuk. Zungzal ka theih peng hna lai. Cun atu UNLD hawile tthing he hmuhnak caan zong kaa ngaituk. Cun Chinmi bu le a dangdang bu he iton khawhnak caan ttha ka ngah lai caah kaa nuam tuk" tiah Airport i Speech a pekmi ah a chim. Hi donnak ah tuanvo latu CLCC a ttanpi tu hna le Chin Magazin Editor hlun Salai Samuel nih "atu bantuk in CLCC hruaitu hlun le Chin siangakchia pawl nih Chin tuanbia kan theih khawhnak dingah ca tampi a kan tialpiak tu le, Chin siangakchia cawlcanghnak ah hruaitu a simi pakhat kan don khawhmi cungah lung a hmui tuk" tiah The Chinland Post sinah a chim. Apeh i "a minung ka hmuh in a muisam le a pum in upat awk a tlak cu um rih seh. Media pawl bia a lehmi hna le a biachimmi hrim rumra a ngei. Chin miphun ramkhel hruaitu amah bantuk kan ngeihmi hi Chin mi kan i van tha. Keimah tein Chinmi si, i uarnak a kai tuk" tiah a ti. Khumi Mino in nungak A. S. nih "Dr. Lian H. Sakhong ka hmuh i kaa lunghmuih tuk. A kong hi a hlan ah ka thei tuk lo. Donnak ah Khumi in a kan hruaitu kan ule nih a kong an kan chimh lawngah biatak tein miphun caah arak i zuamnak le upat a tlaknak hi ka fian. Chin miphun nih hi bantuk hruaitu kan ngeihmi hi kan van tha tuk" tiah The Chinland Post sinah a chim. Kawlram a um chungah a rat hnawhchanmi "Will current reform will bring genuin peace in Myanmar" timi tlangtar in tuahmi Kawlram fimthiam hna le President ruahnak petu telin seminar ah "2008 Kawlram phunghram nih tlangcungmi zeitluk in zalonnak a pek, ruahchanhnak a pek" timi ca a chuahpi lai. Cun 13 October ah CLCC hohatnak in Rangoon um UMFCCI ah Chin History, Culture and Identity tiin biachimhnak a ngei lai. Cu ah tlangcungmi hruaitu le Laimi lei in fimthiam tampi zong biachimnak an ngei ve lai. Cun Kawlram a um chungah MPs pawl training peknak, Laitlang lei va tlawn in, CNF nih mipi tonnak a tuahmi (Public Consultation) zongah a telpi hna lai tiah theih a si. (Cc: The Chinland Post) KANMAH THAWNG Cahmai: 2 KAWLRAM CAAH JAPAN TIMHTUAHNAK VIALTE October 10, 2012: 2013 ah Japan nih Kawlram a miak tlawm taktak in phaisa cawih hram kan thawk cang lai tiah Japan ramleng vunci Koriki Jojima nih October 10 ah tuahmi Kawlram lei banchamnak kongah ramkip phaisa lei Agency meeting ah a chim. IMF, World Bank, Asia development Bank le G7 in rianngeitu pawl cu meeting cu an kai dih. Japan nih Kawlram phaisa zeizat ka cawih lai ti a chimlo nain Electric, lam le hlei remhnak, khuate thanchonak le tilawng dinhnak chan he aa tlak in remhnak ca ka bawmh lai a ti. Cu meeting ah Kawlram zeitin kan bawmh lai timi hnatlaknak a um lo nain Kawlram phaisa cawihnak cu hmaikum January in Japan hruainak in kan thawk lai an ti. Kawlram nih Japan lei a bat mi hi Yen 500 billion ($6.4 billion) a si i, U Thein Sein Japan a kal lioah 60% cu ngaihthiam nan si lai ee tiah Japan nih an rak ti. Asia le World Bank ah Kawlram a leiba $900 million a ngeihmi zong Japan Bank (Bank of Tokyo le Mitsubishi UFJ) nih kanmah nih kan cham lai an ti. Kawlram caah Japan timhtuahnak vialte hi Kawlram kong hlathlaitu pawl an khuaruah a har dih. Japan University pakhat ah Kawlram kong a thei mi pakhat nihcun Kawlram cu zangthawng Japan le Tuluk an i cilnak hmun pakhat a si cang lai tiah News York Time ah a chim. Tuluk nih Kawlram sui le ngun lawng a zoh lioah Japan nihcun man a fawi mi Kawl riantuantu rian kawl piak in Thailand le Indonisia tikulh thilchuahnak ah hman a duh hna ti a si. Reuter Agency pakhat chimnak ahcun Japan cozah le pumpak chawlettu hna hrambunh ding le Kawlram bawmh an timhmi hi $18 billion hrawng a si te lai a ti. Hi phaisa hi a miak 0.01 a si lai i kum 50 chung a cawih lai. A hramthawk kumhra cu a miak loin a cawih lai. Thanchonak lei zongah Japan nih bawmhnak tampi chuah a timh rih. U Thein Sein nih lamhla khuate ah siangniamrun sianginn a rannak in sak kan duh tiah Japan sinah ca a rak tial bal. Rangon dinti remh zong Japan Engineer nih tuanvo lak an timh cang. Rangon ti peknak pipe 40% cu pipe a that lo caah ti a zut dih, a lak a si caah a rannak in remh a hau. Rangon mipi caah kal-umnak, Rangon mei a petu zung 4 remh ding, Pegu tiva ah hleidonh ding le Tilawa tilawng dinhnak bawmh dingin Japan nih an hlat hlai cuahmah lio a si. (Cc: Irrawaddy) MATUPI AH NIGHT-CLUB AN AWN October 11, 2012: Keimah cu Matupi khuapi chung um High School No. (1) ah Siang cachim pakhat ka si. Ka hmuh theihmi kong hi piangthlangtuk in ka chim a si ah cun ka rian in an kan chuah ding le ka umnak hmun an ka tthial ding a si caah, thli cung in a si ah, online media in a si ah a ran khawh chung in atu ka chimmi pawl he aa pehtlaimi nih ttuanvo nan laknak ding ah theihter kan duh hna” tiah siang cachim pakhat nih a chimmi cu Khonumthung thawngca nih a ttial. Cu siang cachim pa nih amah a hmuh tonmi phun 9 in a langhtermi chung ah, #No. 7. nak ah, “Matupi khua chung, Sanbawng sang, Panaing lampi ah an awnmi Nigh-Club ah mino tete le tleirawl tete hna zan tinte an kalmi hi Chin nunphung he zong aa kalh i, biaknak he zong aa kalhmi a si” tiah a langhter. Hi bantuk tuahsernak tthalopi hi a tlau khawhnak ding caah thli cung in a si ah, online media in a si ah, hi kong he pehtlai in ttuanvo ngeitu hna nih an theih ding ah ka hung langhter duh tiah Siang cachim pa nih a chim. (Cc: Globalchin)
EST: SEPT 12, 2010 VOLUME 1 , ISSUE 105 OCTOBER 14, 2012 October 9, 2012: Kawlram ah ramkulh le ramthen 14 hna tlukruannak caah ramkulh 14 phung kalpi dingin democracy party 10 nih kan i zuam lai an ti. A hmanmi federal pyitaungsuh a chuah khawhnak dingah ramkulh (0r) ramthen ai-awhtu cathluan kan tuah cang. Cu cathluan cu president U Thein Sein le hluttaw sin chuah pi dingin hawikom party10 nih October 19 meeting ah hnatlaknak kan ngei lai tiah democratic (Myanmar) in president U Tu Way nih a ti. Ramthen in a si ahcun 14, ramkulh in a si ahcun 14. Kan zapi federal pyitaungsuh bantuk in nawlngeinak kan i then lai. American bantuk in kan kal lai a ti. U Ne Win cozah nih Federal cu i thenkhuai ruahnak a si tiah bia an rak vahpi caah Burma miphun thinlung ah hmunhma a rak ngeih nain a tu cu federal hi a dikmi democracy a si tiin an cohlan than cang tiah Shan (SNDP) in U Saw Than Myint nih a ti. Federal ti cangka in tlangcung mi chuahnak a si tiah cozah nih an rak vahpi mi cu thennak a si lo tiah an lung a fian than cang caah thazang a um deuh cang a ti. Kawlram cu pyituangsuh ram tiah 2008 phunghram ah suai a si bantuk in U Thein Sein zong nih ramkip ah a aupi. Nain a tak ah centre nawlngeihnak (တျပည္ေထာင္ စနစ္ကို) an hman tiah U Saw Than Myint nih a ti. Federal cu mah tein KANMAH THAWNG FEDERAL PYITAUNGSUH CAAH PARTY 10 TIMHTUAHNAK lairel khuakhan nak centre in a tang bik tiang tuannak nawl a ngeih ti a si. Hi kongah tlangcung mi zapi he pehtlaihnak a ngei. 2008 phunghram ah mah tein khuakhan lairelnak tlawmte telh a si nain a tak ah ttuannak nawl a um lo tiah party hruaitu pawl nih an ti. A ra laimi 2015 in 2020 ah federal chuahter kan i zuam lai tin biachahnak kan ngei tiah SNDP party in chimnak nawlngei nih a ti. Kawlram ah a dikmi federal chuahter dingah tlangcungmi nih kum hrabu tampi i zuam a si cang nain nihin tiang hlawhtlinnak a um lo. A dik mi federal chuahter dingah 2008 phunghram remh a hau ti zong a chimchih. 2008 phunghram remh hi Daw Su zong nih a aupi mi a si. Zapi kan i bawmh ahcun hlawh a tling ko lai tiah party hruaitu pawl nih an ti. 2008 phunghram remhnak dingah pyitaungsuh hluttaw 75% hnatlaknak a herh tiah pohma 436 ah aa tel. Kawlram zalennak a hmuh hi kum 60 hrawng a si cang nain daihnak a umkhawh lo hi a dikmi pyitaungsuh a silo caah a si. Cucah tlangcung mi tlukruannak a um khawhnak ding le a dikmi pyitaungsuh a chuahnak dingah RDNP party nih kan hnu May thla ah halnak an rak tuah. Tulio Kawlram ah ramkulh 7 pinah, Kawl miphun umnak ramthen 7 zong ramkulh bantuk in ser dingle ramkulh cozah uknak tangah a um mi ram siter dingah RNDP party president Dr. Aye Maung nih party meeting ah a rak chuahpi bal. A dikmi federal pyituangsuh a chuah khawh ding le 2015 thimnak pungsan thlen dingah party 10 nih U Thein sein ton an timh ti a si. (Cc: Mizzima) U THEIN NYUNT: ROHINGJA KONG KAN I CEIH LAI LO October 7, 2012: Kawlram ah a chuak i a tthang mi cu Kawlram mi tiah cohlan a si nain Rohingja timi belte cu Kawlram tuanbia lei commission chuahpi mi ah an i tel lo caah anmah kong hi kan i zuam/kan i ceih ding a si lo tiah NNDP party hruaity U Thein Nyunt nih a ti. Hi bia a chim hi October 4 ah tuahmi NNDP party kumkhat tlin ni ah a chim mi bia a si. Thimfung hmuhnak men ah khat leiah phundang khat leiah phundang in ka chim lai lo. Kawlram tuanbia lei commission nih tlangcung miphun 135 an um, hi chungah Rohingja an i tel lo a ti caah Rohingja kong kan i zuam ding a si lo a ti hi a si. (Cc: Mizzima) Cahmai: 3 KIA NIH KAWL RALBAWI LIAN PAKHAT LE RALKAP PATHUM AN THAH HNA October 9, 2012: Shanram chaklei Munggu hmun Hka Lumle Hpai Kawng kar ah October 9 zinglei suimilam 2:30 in 3:00 tiang Kawl ralkap le KIA kahnak a um i, Kawl ralkap tatyinhmu (ဗ်ဴဟာမွဴး ၁ ဦး) le ralkap 3 an thi. Hi hna pa 4 hi Muse mipi sizung ah an kalpi hna i, boci pakhat zong a hma a fak tuk tiah khuami nih an chim. Hi dohnak ah Kawl ralkap minung 8 hliamhma an pu ti a si. Tutan KIA nih an phomh mi hna Kawl ralkap pawl hi Munggu hmun hrawngah an tlawngleng i mipi thil duhpaoh in a hmang mi an si, Kachin mi pathum zong an tlaih hna i, Kawl ralkap uniform an hrukter hna tiah KIA lei nih an ti. An tlaihmi hna Kachin pathum cu (ဗ်ဴဟာမွဴး) pawngah an um ter hna caah a thi mi pathum hi Kachin an tlaihmi hna an si kho men ti zong KIA lei nih an chim. Tutan a thimi (ဗ်ဴဟာမွဴး) pa hi KIA ralbawi Bala Brang Shawng an tlaih lioah a hrem tu a si i, a hnarpherh hri in a chunh i a hruai tiah KIA lei nihcun an chimchap. October 8 kahnak zongah Kawl ralkap 2 an thi tiah KIA lei nih an ti. (Cc: KNG) KUMKHAT AH MOTOR 20,000 HRAWNG A CHUAH KHOMI KAWLRAM AH AN DIRH CANG LAI October 10, 2012: Japan ram in Suzuki Cooperation Motor chuahtu sehzung ngan pakhat cu Kawlram ah 2015 ah dirchuah dingin timhtuahnak a um. Kumkhat ah Motor 20,000 in 30,000 tiang a chuah khomi vawleicung sehzung ngan lakah i tel ve dingin timhtuah a si tiah The Asahi Shimbun thanhca nih a tial. Suzuki Company nih Yen million tampi hrambunh dingin Rangon ramthen Tilawa ah sak an timh hi a si. Suzuki company nih khualtlawng phortu le motor cycle cu 1999 in Kawlram sehhmuh vunci zung he fonhin rak kuat a si. 2010 ah nawlpeknak a dih caah company zong an rak hrawh. 2011 ah Suzuki company nih Kawlram cozah sinah a rak sawk than nain Kawl cozah nih an rak hnon piak hna. Tutan Kawlram nih sehzung pakhat dirh dingin a lem than caah a tu bantuk in Suzuki motor simanking a chuahnak hi a si. Kawlram ah Motor hmatpungtin cia 2,300,000 hrawng a um i a tam deuh cu Japan in a lutmi an si. Minung 60 million umnak Kawlram ah rianngei lo ah cozah he dotu party he buaipimi pakhat a si. Kawl mi thlahlawh cu Thailand mi an thlahlawh cheu li cheu khat lawng a si caah ramdang company pawl an lung a luhnak pakhat a si. (Cc: Irrawaddy)
Page 1: MOTTO: NA MIPHUN CAAH HMUNHMA THA V
Page 5 and 6: EST: SEPT 12, 2010 VOLUME 1 , ISSUE
Page 7 and 8: EST: SEPT 12, 2010 VOLUME 1 , ISSUE

kanmah thawng - The One Star News

You also want an ePaper? Increase the reach of your titles

Delete template?

Save as template?