kanmah thawng - The One Star News

More documents

Recommendations

Info

EST: SEPT 12, 2010 VOLUME 1 , ISSUE 105 OCTOBER 14, 2012 KANMAH THAWNG DAW SU NIH AMERICAN A TLAWNNAK KONG THAWNGFIANNAK A TUAH October 8, 2012: American ah zarhhnih chung a kalmi Daw Su nih October 8 ah Rangon NLD zungpi ah thawngfiannak a tuah. Thawnghlat pakhat nih president tuan duhnak thinlung na ngei maw tiah a hal i, Mipi nih an ka duh ahcun ka tuan ko lai tiah a leh. Kei cu ramkhel party pakhat ah hruaitu ka si. Party pakhat ah hruaitu nihcun president ttuannak caah ralthatnak ka ngei ko a ti. Cucaah mipi nih an duh ahcun ka ttuan ko lai. Phunghram cu hluttaw in kan remh lai. Caan karlak thimnak kan luh lioah phunghram remh cu kan aupi cang mi a si. President sinak pakhat lawng a si lo, remh ding tampi a um a ti. U Thein Sein US a tlawn “mipi nih an thim ahcun Daw Su president tuah ka cohlang lai” a ti. Kachin ralmei kong le Arakan buainak kongah Daw Su nih hitin a leh hna. Khual ka tlawnnak ah Kachin le Arakan na sia a herh lo tiah thangchiat ka tong. An lung a tling lo nain hitin ka leh hna. Remhdaihnak tuahtu pakhat dirhmun in khat lei le khat lei sual phawt ding a si lo. An ka hman zongah a si kho lai lo. Khat lei ca lawng hman hi ka duh lem lo. Kaphnih caah an ka hman ahcun Ok. Ramchung ralmei kong ahcun kanmah pawl kan i tel lo. Tlangcung mi nih an duh ahcun tel dingah timhcia ka si. Nain tlangcung pawl he remdaihnak a tuahtu hi kanmah kan si lo, cozah an si a ti. Democracy lamthluan pi kan phak ka lawng a si tihi nan lungah um seh ti ka duh. Kan ram hi democracy a si cang ti awk a tha rih lo. Tulio kan dirhmun hi democracy lam kan phak ka lawng a si tihi ka van theihter hna. Hilam hi a fawi mi lam a si lo caah kan zapi kan i tel a hau. Kan zapi ka ti duhnak cu mipi he kalti a si a ti. Kawlram democracy caah American hi fek tein a kan dirpitu an si. Tutan zong mipi zawnruah ah chawlet phihnak hri an dorh. Hi kongah lawmhbia chim dingah ka kal zong a si a ti. Kawlram ah phaisa hrambunh a duhmi tampi an um cang. Hi kongah kan i ralrin a hau. A bunh paoh kan cohlan hna ahcun palhnak a um kho. Kawlram le Kawl mipi zawnruahnak ngeih buin phaisa hram an bunh ding a si. Kan komh lo dingmi kan komh hna ahcun hmailei thatnak nak in chiatnak a tam deuh lai. Phaisa hram a bunhmi hna ca zongah thatlonak a chuak lai. Komh lo dingmi he kan i komh ahcun aupi colh uh. Cucu media vawlei rian pakhat a si tiah Daw Su nih a ti. Kawlram ah a chah tuk cangmi eihmuarnak zong doh dingah cozah nih rian a ngei. Cozah chungah eihmuarnak a um ahcun media pawl nih aupi colh uh a ti hna. Eihmuarnak hi cozah he tampi pehtlaihnak a ngei. Upadi zong he pehtlaihnak a ngei. Cucaah a sikhawh chungin kan i zuam lai. Media lei pakhat zangfah nawl kan duh hna. Eihmuarnak kongah nan theih mi thawngpang paoh leng chuahter uh. Nan chuah tikah pumpak hoih si hlah seh. Nan theih lo in aupi belte hrial uh. Nan puh mi hna minung caah a fak tuk. Tuluk he pehtlaih zong kan caah a biapi. A sikhawh ahcun Tuluk zong tlawn ka duh a ti. (Cc: RFA/ Mizzima) NOBEL DAIHNAK LAKSAWNG RUAHDAMH MI AH U THEIN SEIN AA TEL VE October 8, 2012: Tukum Nobel daihnak laksawng cotu ding No. 5nak ah U Thein Sein a um tiah kumtin Nobel laksawng a hmu kho ding minung 5 a tuaktantu Oslo hrambunh Prior lutlai Kristian Berg Harpviken nih a mah tuaktan ning a phuan. President U Thein Sein cu Kawlram democracy lei hruaitu a si pinah kum tampi ramleng he pehtlaihnak a ngei ti lomi Kawlram cu ramleng he pehtlaihnak innka ontu pakhat a si caah No.5 ah ka chiah hi a si tiah Kristian Berg Harpviken nihcun a chim. Nobel laksawng cotu ding an thim hna tikah hruaitu pakhat a siloah bu pakhat daihnak lei hruai hi a biapi tukmi pakhat a si ve. Tukum Nobel laksawng cotu ding cu October 12, zinglei suimilam 11 ah vawleipi thanh a si lai. Kum 67 a si cangmi U Thein Sein cu ruah lo piin kawlram ramkhel thlennak ah hruaitu a si caah 2012 vawleicung huham a ngei bik 100 lakah pakhat a si ve tiah American hrambunh The Time Magazine nih April 18 ah a rak langhter. Kawlram democracy ca cawlcanghtu Daw Su zong 1991 ah Nobel daihnak laksawng pek a rak si. (Cc: VOA) Cahmai: 4 OIC NIH ROHINGJA CAAH $25MILLION AN KHOLH CANG October 5, 2012: Vawleicung Muslim bu (OIC) nih Arakan Muslim caah bawmhnak $25 million an kholh cang. Kan hnu ni 5 ni ah tuahmi Kawlram chung Arakan um Rohingja kong ceihnak ah hitin an kholh hna hi a si tiah Jakata Post nih a tial. Ramrum nih bawmhnak an chuah rih lo caah hinak tam deuh a chuak te lai tiah OIC chungtuan chang nih a ti. Kan hnu August thla chungah Malaysia ah a voikhatnak Rohingja kong meeting an tuah lioah OIC chungtel ram a simi Kowait, Sodi Arabia, Turkey le Arab pyituangsuh in $ 50 million le 100 million kar kan chuah lai tiah biakamnak an rak tuah. OIC ah chungtel ram 57 an um. Bawmhnak an kholh mi hi Arakan ram chung Rohingja an thutdirnak remhnak caah a si lai ti a si. (Cc: Mizzima) THLAHNIH CHUNG PHAKANH DOHNAK AH RALKAP 211 AN THI CANG Nitlaklei Kachin ram, phakanh lungvar hring hmun ah, Kawl ralkap 211, kan hnu thla 2 chungah an thi tiah Kachin Independence Army (KIA) senior ralbawi (commander) nih Zarhpini ah a chim. KIA Battalion 6nk senior ralbawi Lt- Col. Nhkum Zau Doi nih, kan hnu thla 2 chungah Kawl ralkap a thimi zat cu, Hpakant khua Kachin Baptist Church i bia a chim lio ah, a chim tiah Kachin News Group [KNG] nih October 10 ah a tial. August 31 i Hpakant lungvar hring kawltu Wai Aung Kaba Company ah bomb rual an phuak i, Kawl ralkap 140, voikhat thah ah a thah dihmi hna kha, thla 15 chung raltuknak puai ah a thi tamcem puai a si. KIA bomb kamhmi nih company hmanmi lung puahnak bomb ruah a hei puahchih hna tikah cuti bomb a phuahnak cu a si. Hpakant lungvar hring kawltu ‘Kyaing International’, ralbawi puarhrang Than Shwe nupi Daw Kyiang Kyiang ngeihmi company zong ah, Kawl ralkap 29 an thi fawn. Kan hnu thla 2 chung ah KIA ralkap 2 lawng an thi tiah KIA nih an chim. Ralbawi Zau Doi nih biakinn i bia a chim lio ah, “Hihi kanmah (KIA thilti khawhnak in) sermi hlawhtlinnak a si lo, Pathian ta a si” tiah ai pummi mibu hmai ah a chim. (Cc: Globalchin)
EST: SEPT 12, 2010 VOLUME 1 , ISSUE 105 OCTOBER 14, 2012 VAWLEICUNG THAWNG 2012 NOBEL DAIHNAK LAKSAWNG EURO NIH A CO October 12, 2012: 2012 Nobel daihnak laksawng cu European Union (EU) nih a co tiah Nobel laksawng thimtu committee president Thorbjoern Jagland nih a thanh cang. EU a riantuannak cu European ram daihnak le democracy nuhrin covo thanchonak caah kumhran bu 6 a bawmh cang hna. Kum 70 chungah France le Germany ral voithum bak an i do. A tu cu raldohnak mui a leng ti lo. Hihi EU a thawnnak pakhat a si tiah laksawng thimtu committee president Thorbjoern Jagland nih a ti. Leiba kongah thlang lei sifak pawl le chaklei ramrum pawl kar buainak he a khah lioah hitin EU nih a co hi cheukhat khuaruah har in an um ve. Nain EU nih a voihnihnak ralpi in aa then dihmi ram hna karah daihnak a ser khotu bik bu an si. Hihi can tawite chung a silo, can saupi thazang an chuah ruangah hitin laksawng an pek hna hi a si. Caan khat lioah mah le duh poh in a um mi ram 27 hna kha hmunkhat ah a dirtertu le ram 17 ah EU phaisa hman khawh tiang an tuan chuah rih. Tutan laksawng petu Nowar nih 1972 le 1994 ah voihnih tiang laksawng pek dingah EU hi a rak h non bal cang. Tu tiangah Norway nih EU chungtel si hi an ram cheuli ah cheuthum nih an duh lo. Noway ramhun zong nih chungtel luhnak caah timhtuahnak a um lo ee a ti rih. (Cc: First-11) DAW SU: KAWLRAM FIMTHIAMNAK KA HMUH NING October 9, 2012: Kum 50 chung Kawlram fimthiamnak lei chim awk um lo in a tla tiah Daw Su nih thawngfiannak a tuah lioah a chim. Hitin fimthiamnak lei a tlak ruangah hman awk mino an har a ti. Hihi Kawl mino an san tlaih lo ruang a si lo, fimthiamnak lei a tlak ruangah a si. Kawlram fimthiamnak lei hi a tla taktak mi dirhmun ah a um caah fak piin remh a hau. Fimthiamnak hi ngakchia fimnak a pe taktak khomi dirhmun hrim ah a um lo, ngakchia sianginn a kai hrimhrim lai timi tuanchuah a hau. Fimthaimnak a chuahpi taktak mi sianginn a si pinah a lenglei fimcawnnak tampi tuan a hau a ti. Rangon sianghleirun nunter than hi ka sia a herh taktak mi a si. Rangon sianghleirun hi caan khat lioah a tleu in a rak tleu mi pakhat a rak si. Nunter thannak ah kan zapi tanti a herh a ti. Kawh Mu ah pawcawmnak lei fimthiam cawnnak kan dirh cang. Hihi a santlaihnak a um ahcun a dang khuapi ah kan dirh rih lai. Cu timtuahnak cu Daw Khin Kyi foundation nih tuanvo kan lak lai a ti (Cc: Popular Maynmar News Journal) MIDANG ZAWNRUAHNAK NGEI LO, FIHNUNG PAWL TUAHSERNAK October 2, 2012: October nihnih ni ah khan a si. France kuttang ah a um mi Africa nichuah lei Reunion timi tikulh pakhat ah zawnruahnak a ngei lomi hakkau hna cheu khat nih Uico fate pakhat cu Ngaman (ငါးမန္း) sionak ah an hman tiah Aalldogsnews nih a langhter. Uico fa cu a hmur le a hnar ah Ngaman sio in an sawh, a ke an tem dih. Uico zeitluk in dah a temtuar, a zoh kholo tu saram dawtu bu nih $500 siloin $100,000 le thongdan caah kum 2 siloin kum 10 dantat dingah halnak an tuah. Hi halnak a tuahmi hna hi minung 800,000 nih min an thut cang ti a si. (http://multivitaminforall.blogspot.com/) Cahmai: 5 U THIEN NYUNT: DAW SU PRESIDENT SI DIN- GAH PHUNGHRAM REMH A HAR KO LAI October 10, 2012; NLD president Daw Aung San Su Kyi president si dingah phunghram remh a har ko lai tiah upadi thiam pawl nih an ti. Tulio phunghram upadi chapter 3 ah president si awk ah chapter 12 hi remh hmaisa a hau. Tulio dirhmun in remh a har ngai lai tiah U Thein Nyunt nih a ti. 2008 phunghram chapter 3, pohma 59,60 nih Daw Su president sinak a kham cang. Cu chungah a ummi cu ramdang pakhat khat sinak a ngeimi a fa le an um ahcun president tuan khawh a si lo ti a si. A dang pakhat cu president cu raltuknak lei ah hmuh khawhnak/thiamnak a ngeilai ti a si. Cu phunghram chapter 3, pohma 59, 60 remh dingah hluttaw 75% hnatlaknak a hau. Cu hnatlaknak a um hnuah rampumpi thimfung thla kho minung hnarcheu nih cohlan a hau rih tiah U Thein Nyunt nih a ti. Phunghram hi remh har taktak seh tiin pei an rak ser cu tiah sihni ngan U Aung Thein nih a ti ve. U TheinNyunt nih a peh mi cu president changtu ah chuahpi mi a tupa Kawlram ah a chuak nain Australia ram mi sinak a ngeih caah a dang in thlen a si a ti. Phunghram remhnak dingah Daw Su nih hluttaw ah mi a lem khawh hna a hau tiah Ciankhanye party chungtuan U Htay Oo nih a chim. Phunghram nih a kham ko nain i zuam ahcun remh khawh a si. Hluttaw ah i zuam a hau. I zuam ahcun a si kho ko lai. A remh ding cu hluttaw an si. Anmah nih remh a herh ko an ti ahcun remh a si ko tiah U Htay Oo nih a peh. Phunghram remhnak ahcun mipi nih dirpi a biapi bik. Minung pakhat nih remh khawh a si lo. Mipi nih Daw Su president ah an duh ahcun president a si kho, U Thein Sein zong nih American ah a chim cang. October 8 ah Daw Su zong nih party pakhat hruaitu dirhmun in mipi nih an ka duh ahcun president tuanvo ka lak ko lai, phunghram remh kan i zuam lai tiah a chim tiin U Htay Oo nih a chimchih. Tulio ramkhel thlennak ah ralkap dirhmun hi democracy lei tlawmte aa mer ve ko cang. Hluttaw chungah ciankhanye party le ralkap hna kuttlaih in democracy thlennak le phunghram remhnak kan i zuam lai an ti cang. Tulio phunghram ning ah president ca minung pathum cu pyituh hluttaw nih pakhat, Amyota hluttaw nih pakhat le ralkap lei nih pakhat tiin chuahpi a si lai ti a si. Cu hna pathum chungah pyituh hluttaw le Amyota hluutaw fonh mi pyitaungsuh hluutaw nih president a fehter lai i, a dang pahnih cu vice president an silai ti a si.(Cc: Irrawaddy) KYA-INN AH THLICHIA NIH MINUNG PAKHAT NUNNAK A LAK October 10, 2012: Kalaymyo peng, Kyainn khua ah 10.10.2012 ni zing suimilam 2:00 ah thli cia a hrang i Bengkeng kung lianpi nih Pu Tluang Pum le Pi Par Hluan an nu pa a nenh hna caah Pi Par Hluan (45) cu a nunnak a dih. Pu Thuang Pum belte thihnak in a luat. Mah thlichia cu pawngkam khua a simi Thawihkyinh khua le Sita khua ah cun fak tuk a hrang lo. Kya-inn ah inn 520 hrawng an um i mah thlichia nihcun inn12 a hrawh. Thlichia nih cu Thingkung lian pi pi a hram i a phur hna hlei ah a kung nge tam pi nih inn le electic hri tam lak te a hrawh piak hna. Thli nih a hrawh mi thil ri a tam ngai. Pi Par Hluan hi lai tlang a khua cu Phaizawng khua mi a si i fa nu 1 a ngei. Kya inn Baptist church ah Mission hruai tu u pa a si. A ruak tu cu 10.10.2012 ni zan lei 3 ah Rev. Phu Luai nih a vui. (Salai Khin Mg Thien, Lai forum)
Page 1 and 2: MOTTO: NA MIPHUN CAAH HMUNHMA THA V
Page 3: EST: SEPT 12, 2010 VOLUME 1 , ISSUE
Page 7 and 8: EST: SEPT 12, 2010 VOLUME 1 , ISSUE

kanmah thawng - The One Star News

Create successful ePaper yourself

Delete template?

Save as template?