Revista Insula núm 9. Desembre 2010

GIUAN MARIA DEMELA PESUCIU: SA VIDA E SAS CANTONES
retrogadu. In «Su puddu», «Ahi comente ti miro» e in «S’imbustu» usat istrofas
de 24 versos; totas tres cantones cominzan chin una isterrida divescia, sa prima
chin un’otava, sa segunda chin una sestina ei s’ultima chin una duina. Sighin
meda istrofas chin sos mentovados 24 versos, partidos de custa manera: sos
primos 6 versos chin rima ABCABC, de custa sestina sos ultimos 3 versos sun
sa retroga; poi b’at una cuartina sighida dae sos 3 versos retrogados, un’atera
cuartina, sa retroga e una cuartina finale chi rimat chin sos ultimos versos de sa
pesada. Si che ‘ogamus sas duas retrogas, bi restan 18 versos; pro custa rejone
custu modellu si narat degheoto retrogadu. Pesuciu l’impitat in maneras divescias
pro cantu riguardat sa rima, ma sa longaria de sas istrofas est sempre che pare.
Cantu nadu fin’a como mustrat comente su poeta ‘antinesu siat istadu mannu
impitende modellos poeticos noales e abberzende unu caminu divesciu a cantos
an iscritu pustis de a isse. Solu pro restare in Patada, Padre Luca, Sini Ogana,
Limbudu e maigantos ateros an postu fatu a sa semida prinzipiada dae a isse. Si
si cheret dare unu preziu nou a sa poesia sarda, innantis de passare a sos de
como, una letura atenzionada a sas cantones de Pesuciu est de lege. No si poden
preziare Montale o Alda Merini chena connoscher a Dante. Pesuciu est unu
bonu imbiu pro poder gustare menzus tota sa poesia sarda.
47