versione pdf - Sardegna DigitalLibrary

Su manzanu limpidu e serenu
dae su mesudie benit bloccadu
e su sero lu giughet accostadu
no respirat cun su matessi alenu
su raggiu solare est pius lenu
energia e lughe hat minimadu
de cando tue serradu has su contu
si avviat sa vida a su tramontu.
Cun tegus brincaia che crapolu
muros altos, cresuras e fossos
como appena in pe mi rezo solu
sos organos vitales sunu iscossos
dignu so de istare in su lentolu
frazigos sun sos nervios e ossos
sa carena in tottu est deperida
mi parzo in sos estremos de sa vida.
Tue ses che un’albure in beranu
pro cantu bella a sa vista paret
in s’istiu cun su fruttu cumparet
ch’est in parte marcidu e parte sanu
ma però in s’attonzu a manu manu
sa bellesa e su fruttu l’iscumparet
dogni ramu s’allizat e s’isfozat
fi nas chi tottu s’albure s’ispozat.
68
d
d