versione pdf - Sardegna DigitalLibrary

Chie so deo
Fizu de babbu ’on’e menzus mama,
Naschid’e fattu mann’in povertade
Laborios’in dogn’attividade
Chi m’est togad’in su terrenu drama.
Onest’e de sa paghe sempr’in brama,
Cun su coro pienu ’e umiltade,
Tenzo sa poesia in facultade
Ma non pro cussu mi ’esto ’e fama.
Dae nisciunu misurad’a palmos
E, circa sa belles’e istadura,
Non so bellu ne feu, altu ne basciu.
Ma pro chi sia calmu tra sos calmos
M’ammento chi m’hat nadu sa natura:
“Besti sos pantalones ca ses masciu”.
94
d
d