Creole version - Lalit Mauritius

ZUR REVI SORTI, 30 NOVAMManifestasyon LALIT kont “Princess Anne”LALIT pe organiz enn manifestasyon pu proteste kont prezans PrincessAnne dan enn vizit ofisyel Moris pu “selebre” 200 banane depi Britanikpran kontrol depi Franse, an 1810 pandan Lager Napoleonik. Sa“selebrasyon” la, vinn apre selebrasyon pli boner sa lane la, viktwarbatay naval Gran Por par Franse.Etan done ki tu problem Chagos ek Diego Garcia finn kree atraverLeta Britanik servi ansyen dekre monarsi, apel “Queen’s Orders inCouncil”, nu dan LALIT nu proteste kont prezans Laprinses. Nu pa tipu etone si Britanik finn organiz sa vizit expreseman, exakteman ennmwa apre ki zot finn met anviger zot “Marine Protected Area”, ki finnprovok laraz Guvernman Moris. Lerla, Guvernman Moris aksepte vizitla, resevwar Laprinses partu avek ponp, e pe mem fer enn “bal” pureprodir bal ki fam Guverner, Lady Gomm, ti fer, kot invitasyon ti vinnkoni akoz li finn servi Blue Penny Stamp.Me, nu dan LALIT nu opoz sa bann “Orders in Council” otokratik la,ki finn kas pei la an-de, e finn bani Chagosyen. Sa kalite dekre la pa tioredi servi ditu. Li azir deryer ledo lepep Britanik ek so institisyondemokratik.E resaman, Orders in Council finn re-servi pu re-bani Chagosyen apreki Ot Lakur dan Lond finn donn zot drwa de retur. Li enn kalite dekreanti-demokratik, ki nepli servi, ki arkaik, e ki finn zis re-servi pu exekitbann sanzman ki Leta Britanik tro onte pu amenn divan Parlman.Moris lor nuvo Komite pu Ennfors Trete PelindabaKan kartye zeneral pu AFCONE (Africa Commission on Nuclear Energy)pe met dibut an Novam 2010, finn swazir 12 Komiser. Zot bann peiswivan: Alzeri, Burkina Faso, Kamrunn, Etyopi, Kennya, Lalibi, Mali,Mauritius, Senegal, Sid Afrik, Togo ek Tinizi. Sa Komisyon la, ki pu enaso syez Sid Afrik, li ena pu bi pu vey ki tu pei dan lemond respekteTrete Nasyon Zini apel Pelindaba. Dan Lasanble Nasyonal le 29 Novam,Minis Zafer Etranzer, Dr. Arvind Boolell, finn anonse ki Moris enalintansyon loz enn reket avek sa Komisyon la, pu inspeksyon DiegoGarcia. Kumsa Moris anmemtan exziz so suvrennte, anmemtan kritikLeta Zini, pu premye fwa, pu so baz. Sa ti enn parmi revandikasyonKonferans LALIT lor Diego Garcia ek Chagos. Rapor la li dan Revi apartirpaz 5.2