Trillo 11-09.indd

BAMBOLE
L’11 novembre è venuta a farci una gradevole
sorpresa l’animatrice Magda Martinci che, non
ci crederete, ci ha insegnato a costruire delle vere
e proprie bambole. E, cosa ancora più strana, per
farlo ci ha fatto usare soltanto cose strane, vecchie
(i nostri maestri le chiamano materiali di recupero)
che ognuno di noi ha a casa, ma non sa come usarle
e allora...le butta. Sbagliato! Con calze nylon,
imbottitura di cuscini, pezzetti di lenzuola o stoffe
varie, lana, pennarelli e un po’ di colla sono nate
Lia, Giuseppina, Ana, Vika, Sara 1, Sara 2 e Sara 3.
Eccole qua, in braccio ai loro “genitori”. E speriamo
non ci facciano arrabbiare troppo!
In tenpo de guera veimo scola do
volte per setimana, vegniva una
maestra de Piran, Maria Ruzzier,
la rivava co’ la bicicleta zo pe’
i angoli. Co fasseimo marenda
la ghe diseva a un o al’ altro:
»Questo panino è troppo grande
per te. Non lo mangerai tutto!«
Noi saveimo che la veva fame.
No la se portava mai la marenda
e ghe daimo che la magni, veimo
senpre bone robe de casa: persuto,
luganeghe, panseta. Tante volte
dopo scola la ne conpagnava casa
co’ la scusa de parlâ co’ i genitori
cussì la ciapava ‘l pranso, duti
saveva che la veva sta abitudine e
i ghe dava volentieri anca perché
i ghe portava rispeto per la »Siora
Maestra« e ansi a la gente ghe
fasseva maravea che la se degnava
magnâ co’ i canpagnoi, la gera ben
vestida duta profumada ma co’ ‘l
stomego svodo. In canpagna no
mancava mai de magnâ gnanca in
tenpo de guera. Tornando casa de
Gli Aquiloni della Scuola dell’infanzia, La coccinella di Lucia
RICORDI DE SCOLA
di Rina Cleva
scola andaimo in saline a zogâ co’
‘l fango e fasseimo a gara chi che
scavava i busi più fondi e tante
volte se taiaimo co’ qualche vero
che gera drento e là, voia o no
voia, se sporcaimo duti de fango.
Dopo rivaimo là de la Stiusa, de
fianco gera un canal che do’ fradei
»contadini pescadori« i Grisonici
i teniva le barche in onbra soto
i tamarici e noi andaimo anca
la saltâ de una barca al altra,
fasseimo senpre qualche dano,
butaimo i remi in aqua, portaimo
a scondi i paioi int’ele palude e mi
una volta che no go rivà saltâ son
finida in aqua, savevo nudâ, ma
vevo sai paura de le scarsedane
che quela volta ghe ne gera pien,
desso o mi no le vedo o no le xe,
e giusto co go rivado issâme su
la barca capita fora de un canpo
de formenton ‘l paron de la
barca, ‘l ga scominsiado a sigâ
»Malegnasa mularia! Ghe contarò
mi a vostro pare cossa che fe pe’
MODI DE DÎ, di Rina Cleva
Pag. 6
strada, duto ‘l dano che me fe in
barca!« Noi duti stremidi de paura
semo scanpadi via de balin. Mi
duta bagnada co’ sti do codini che
vevo in testa, sto traverson nero,
gero propio come una pantegana
bagnada. Co ‘ndavo su pe’ rato
verso casa vevo tanta paura che i
me sigarà, vevo propio le ganbe
dure, gero duta ingropada che no
me passava un ago int’el… Co
son rivada casa i mii gera sentadi
in gloriet che i pransava, pena che
i me ga visto i se ga messo a ridi
come mati e tanto che lori rideva
a mi se me squaiava la paura de
dosso che me ga scominsiado a
tremâ le ganbe. Pe’ castigo go
dovesto lavâme ‘l traverson che ‘l
me coreva pe’ ‘l zorno drio. No
go più saltado su le barche, go
inparado la lession, quela volta
se veva paura dei castighi e de le
sigade de i genitori, ogi dì invesse
nissun siga perché tanto nissun
scolta. Beata gioventù!
Amaro come ‘l velen. * Dolse come ‘l rosolio. * Lizier come una piuma. * Sassio come un porco.
Magro come un bacalà. * Pien come una bota. * Svodo come una canocia. * Duro come ‘l marmo.
Bon come ‘l pan. * Drito come un pal. * Sordo come una canpana. * Garbo come l’ asedo.
Straco come un musso.