Il foglio del Comune di Pinzolo - n. 11

In fin dal 1794 gh’era chì la
fusìna, par set o òt generaziun
chì giù bas ià laurà
‘l fèr. I fava di tut: la feramenta
par i car, par i cavai,
roba da taiar e manaroç e curtalaç
e zapìn - ca ié chii da tirar
li bori... In banda ala casa
vigniva giù i canai, gh’era la
rùgia chi fava girar li turbìni
e do möli. Pò l’acqua la nava
dintru ‘n tai canai e a sagunda
da ‘ndu ca i laurava i fava nar
dintru l’acqua e i fava girar la
röda chi fava nar anca al mai –
ca l’e cul chi bativa al fèr, l’era
‘n pal cun fò la cima ‘n martél
gros. Gh’era du pai e l’acqua
la nava dintru e la ciucava giù
su du sas e la fava l’aria par far
nar al foc. Ghi laurava dintru
i me avi, e go amù atrezadori
anca dai bisnoni e trisnoni. La
fusìna l’à duost sarar su ‘ntal
Zinquanta, quant ca ià tut fo
l’acqua l’ENEL ià duost ‘mplantar
lì l’atività. Dop l’e ben nada
cul mutor eletrico, gò laurà
dintru amù anca me giù bas,
ma pò su nà suta naja e quant
ca su turnà ‘ndre ò scuminzià
a far al latonier cui me fradei.
Um ben sighità a laurar al fèr,
ma ghivan anca da ‘ndustrializarsi
e alora favan anca altri
robi. Quant ca e rivà li machini
la specializzazion dal fèr nu la
sirviva pù. In geru ga né amù
chi fa ‘l fèr, parò nuaftri um
laga lì e um scuminzià a far pur
chi aftru i carpinter.
Sicome m’à sempru plasost li
robi veci, alora ò fat far al murales.
Ghiva na fotografia vecia,
da difat dop la guera dal
‘14, vers al Vinti crozu, cun su
me pupà, Angelo Ferrari Gianaràl,
e ‘n so cusin ca i laurava
IL FOGLIO di PINZOLO
‘ntala fusìna. Ga l’ò data al
Tony Mora, e ol ‘ntal 2001 l’à
fat al murales, ca l’e ‘n ricort
dai me trisnoni e bisnoni e noni
e di me pupà, ca l’à tignù su la
fusìna ‘ntai ultim agn. L’era pu
chi aftru me pupà chi laurava
giù bas, e ‘nfati l’e stà premià
cun ti ‘na mudaia d’oro dala
Camera di Commercio di Trent
par aver mandà ‘n nanç l’atività
dal fèr. Ades ò fat purtar in
sas ‘ntal giardin e g’ò mitù su
‘l mai di me pupà. Ghiva al mai
e l’incudine suta, e alora quant
ca Giulio di Pladun l’aftru dì
l’à disfat fò la so stala, al ma
dat al sas dal mai: ò gatà ‘na
spunda, ca l’era al sas dal mai,
e m’ò fat far in bus ià Pedretti.
Ades su dre ca gal motu giù e
vurìa motar ‘n tal giardin anca
qualchi aftru atrezo di ‘n bot.
Mi sarìa plasost anca avérghi ‘n
paìs veç, cun amù vargut di ‘n
bot. E ‘nvezi adès nu gh’é pù
nienti. Mi displas ca nu la ghi
sìa pù la fusìna di me pupà,
avrìa vulost lagarla cì come ca
l’era, cul mai e cui sas e cun
tut cul ghi gh’era dintru. E sicome
ca nu ò pudost, alora par
mantigner al ricort ò fat far al
murales. Ho volust lasàr in ricort,
sal rastarà...
67