Entimidasyon sou Entènèt (Cyber-entimidasyon) - Florida ...
Entimidasyon sou Entènèt (Cyber-entimidasyon) - Florida ...
Entimidasyon sou Entènèt (Cyber-entimidasyon) - Florida ...
Create successful ePaper yourself
Turn your PDF publications into a flip-book with our unique Google optimized e-Paper software.
Aprann pitit ou al nan twalèt<br />
LÈ OU APRANN BEBE AN ALE NAN TWALÈT, SE YON BAGAY WAP FÈ AVÈK PITIT<br />
OU. Wap ede pitit ou aprann yon kapasite ki enpòtan anpil. Aprann pitit ou ale<br />
nan twalèt se yon bagay ki pran tan, konpreyansyon ak pasyans. Se pa pou ou<br />
fè pitit ou ale pi vit pase sa l kapab fè lè wap aprann li ale nan twalèt.<br />
Eske OUMENM ou pare pou aprann pitit lan al nan twalèt? Men kèk bagay<br />
pou ou reflechi <strong>sou</strong> yo:<br />
� Eske ou gen kont tan pou ou ede timoun lan aprann fè bagay sa a ki difisil.<br />
� Eske oumenm ou anba anpil strès? Pa egzanp, yon nouvo kay, djòb oubyen<br />
relasyon nan vi ou. Si repons lan se wi, sa kapab pi bon si ou tann toujou<br />
anvan w aprann li ale nan twalèt.<br />
� Kontinyite nan aprann al nan twalèt lan, se yon eleman enpòtan. Eske moun<br />
kap okipe pitit ou an gen volonte pou li ede timoun lan al nan twalèt?<br />
Eske pitit ou ap montre li pare pou li aprann al nan twalèt? Lè pitit ou<br />
pare, wap wè bagay sa yo:<br />
� Pitit lan ale ala sèl nan moman regilye chak jou.<br />
� Kouchèt timoun lan rete sèk pandan omwen 2 èdtan.<br />
� Timoun lan kapab swiv enstriksyon senp, tankou: “Ranmase kamyon an epi<br />
mete l nan bwat jwèt lan.”<br />
� Timoun lan montre li enterese pou l aprann al nan twalèt oubyen mande pou<br />
yo chanje l lè kouchèt lan sal oubyen mouye.<br />
� Timoun lan sèvi ak mo, expresyon vizaj li epi chanjman nan aktivite l pou<br />
montre ou li konnen lè li bezwen ale ala sèl.<br />
Pi fò nan timoun rive nan etap sa a nan yon moman ki ant laj 18 ak 36 mwa, men sa nòmal tou pou li rive yon ti<br />
tan pi ta. Sa posib pou yo aprann bonè, men se pa sa ki toujou pi bon. Sa kapab fè yon strès pou yon timoun ki pa gen<br />
bon kontwòl nan pipi oubyen nan ale ala sèl, oubyen kapasite pou li dezabiye ase vit pou li rive al nan twalèt lan. Si<br />
pitit ou pako pare, ou kapab kan menm aprann li kisa vaz oubyen twalèt lan ye epi kijan pou li sèvi avè l. Lè oumenm<br />
ak pitit ou kòmanse aprann al nan twalèt, fè l konpliman paske li eseye. Pa fache lè l ale <strong>sou</strong> limenm. Lè ou pini yon<br />
timoun deske l ale <strong>sou</strong> limenm, sa pral sèlman fè timoun lan gen pwoblèm ak sa, epi lap pran plis tan pou li aprann.<br />
Meyè fason pou ou aprann pitit ou kijan pou l ale nan twalèt, se fè l gade lòt moun nan menm fanmi an epi ki<br />
menm sèks avè l (gason pou gason, fiy pou fiy, pase si timoun lan gade yon moun nan lòt sèks lan nan twalèt sa<br />
kapab difisil pou konprann). Pi fò nan ti gason yo aprann pipi pandan yo chita, epi byen lantman yo kòmanse pipi<br />
nan pozisyon kanpe apre yo fin wè ti gason ki pi gran pase yo fè l konsa.<br />
PREMYE PA<br />
Mete yon twalèt ki fèt pou timoun nan chanm pitit ou oubyen nan twalèt lan. (E ti fiy e ti gason kapab sèvi ak<br />
twalèt ki fèt pou granmoun ki genyen yon ti syèj pou timoun <strong>sou</strong> li). Epi fè sa:<br />
1. Nan premye semèn yo, kite pitit ou chita <strong>sou</strong> twalèt lan avèk tout rad li <strong>sou</strong> li pandan ou eksplike kisa twalèt lan<br />
ye epi ki lè pou sèvi avè l.<br />
2. Yon fwa pitit ou abitye chita <strong>sou</strong> twalèt lan, kounyè a eseye fè l chita apre ou wete kouchèt li. Fè twalèt lan vin<br />
youn nan bagay ou fè chak jou yo, epi tou dousman fè l chita plizyè fwa nan jounen an.<br />
3. Eseye chanje kouchèt pitit ou pandan li chita <strong>sou</strong> twalèt lan. Lè ou jete sak nan kouchèt lan nan twalèt lan, sa pral<br />
ede pitit ou konprann kisa twalèt la sèvi.<br />
4. Kite pitit ou jwe bò kote twalèt lan pandan li pa gen kouchèt <strong>sou</strong> li epi fè l sonje pou li sèvi ak twalèt lan jan li bezwen.<br />
Nan yon premye tan, pitit ou kapab bliye oubyen pa fè li, men pa fache. Tann li ale korèkteman, epi fè pitit<br />
ou konpliman epi ba l yon rekonpans pou sa.<br />
Menm jan ak anpil lòt timoun, pwòp timoun piti ou an pral pran yon ti tan anplis pou li gen kontwòl pipi ak ale<br />
nan la sèl lè syèst li oubyen nan lannwit. Meyè fason pou ou fè li se fè timoun piti an ale nan twalèt touswit anvan l<br />
al kouche epi touswit apre li leve. Si ou sèvi avèk kouchèt ki kapab monte-desann pou ede timoun lan aprann al nan<br />
twalèt olye ou sèvi ak kouchèt senp, sa kapab ede tou pandan syèst epi lannwit. Timoun lan kapab ale <strong>sou</strong> li de tanzantan,<br />
men si ou mete yon dra plastik ant matla ak dra an, sa ap kenbe matla an sèk. Sa rive tout timoun. Fè pitit<br />
ou konpliman chak fwa li reyisi fè syèst li oubyen pase nwit lan san li pa mouye. Di pitit ou rele ou si li leve lannwit<br />
epi li bezwen al nan twalèt.<br />
Edikasyon paran bay<br />
timoun epi devlopman<br />
timoun<br />
Jiwèt pou prevansyon® Gid Devlopman Familyal 2012 • 19