Entimidasyon sou Entènèt (Cyber-entimidasyon) - Florida ...
Entimidasyon sou Entènèt (Cyber-entimidasyon) - Florida ...
Entimidasyon sou Entènèt (Cyber-entimidasyon) - Florida ...
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Poukisa premye ane nan<br />
vi timoun lan enpòtan<br />
k<br />
wake sèvo timoun yo kontinye devlope pandan tout vi yo, peryòd ki pi aktif nan<br />
devlopman sèvo an kòmanse pandan twazyèm trimest gwosès<br />
manman an rive jis timoun lan gen laj 18 mwa. Pandan peryòd sa a, jan bezwen<br />
fizik, sosyal epi emosyonèl timoun lan satisfè se sa ki afekte jan sèvo timoun lan<br />
pral grandi e devlope. Si ou byen konprann kijan timoun grandi epi aprann, sa pral ede<br />
ou konnen kisa pou ou atann ep kisa ou kapab fè pou ede pitit ou devlope tout kapasite<br />
li genyen yo.<br />
Kat (4) prensipal domèn nan devlopman yon timoun se fizik, sosyal, emosyonèl epi<br />
koyitif (jan ou aprann epi konnen).<br />
Devlopman fizik lan se jan kò moun grandi: wotè, gwosè, misk epi senk sans yo (wè,<br />
tande, goute, touche epi santi). Kowòdinasyon mouvman misk ki gwo epi piti, sa fè pati<br />
nan devlopman fizik lan tou.<br />
Devlopman sosyal se kapasite pou fòme lyen ak lòt moun, pou konprann sa ki akseptab<br />
e ki pa akseptab epi pou devlope prensip, epi kowopere ak lòt moun nan fanmi<br />
lan, nan gwoup moun ki menm laj epi nan sosyete an.<br />
Devlopman emosyonèl se kapasite pou konprann epi di santiman epi pou kontwole<br />
emosyon.<br />
Devlopman koyitif lan se kapasite pou aprann epi sèvi ak lojik epi larezon pou rezoud<br />
pwoblèm.<br />
Devlopman nan tou le kat domèn sa yo konekte youn ak lòt. Pa egzanp, pou yon timoun aprann pale, sa mande pou li kapab<br />
tande (fizik), epi konprann diferan son li tande yo (koyitif), kapasite pou li swiv sa kap pase an (sosyal) epi kapasite pou li<br />
nan entèyaksyon ak lòt moun (emosyonèl). Si timoun lan pa pwogrese nan youn nan domèn yo, sa afekte kapasite l pou li<br />
pwogrese nan tout lòt domèn yo.<br />
Devlopman an nan chak domèn sa yo fèt nan diferan etap epi chak timoun pral devlope ak pwòp vitès li. Lè ou wè endikasyon<br />
<strong>sou</strong> devlopman timoun yo, yo montre senpleman kisa yon timoun nan laj sa a kapab fè – si li pako fè li kounyè a, li<br />
pral fè l byento. Si pitit ou te fèt anvan lè, sonje ke ti bebe ki fèt anvan lè gen tandans pou yo pran yon ti tan anplis pou yo rive<br />
nan diferan jalon yo. Moun pwofesyonèl tankou doktè, enfimyè, jadinyè timoun piti epi moun kap fè vizit nan kay kapab ede<br />
ou swiv devlopman pitit ou, idantifye sa ki kapab poze yon pwoblèm epi voye ou kote moun ki kapab ede ou lè sa nesesè. Si<br />
ou jwenn epi fè trete pwoblèm sante ak pwoblèm devlopman touswit, sa kapab anpeche pi gwo pwoblèm prezante pi ta<br />
nan lavi.<br />
Nan sa ki konsène disiplin ak sekirite<br />
A mezi timoun yo devlope epi grandi, sa yo bezwen pou disiplin avèk<br />
sekirite yo ap chanje. Disiplin, ki se yon mo ki vle di “anseye”, se pa yon<br />
bagay ti bebe oubyen timoun piti ki fèk aprann mache kapab konprann.<br />
Epi tou yo pa konprann sa danje ye nonplis. Ti bebe gen anpil kiryozite<br />
e yo kapab jwe avèk preske tou sa ki tonbe anba men yo. Sèl mwayen<br />
pou disipline yon ti bebe se pou ou fè sa ki nesesè pou yo an sekirite nan<br />
milye yo pou yo kapab eksplore epi aprann konnen milye kote yo ye an. Pa<br />
egzanp, si ou pa vle ti bebe ou foure dwèt li nan yon priz elektrik, donk ou<br />
dwe mete yon bouchon pou fèmen priz yo. Nan lòt paj liv sa a, wap jwenn<br />
plis egzanp <strong>sou</strong> jan ou kapab fè sa pitit ou bezwen pou disiplin epi sekirite<br />
li nan chak etap devlopman li.<br />
YON BAGAY POU OU NOTE<br />
Sa ou fè epi sa ou mete pou pwoteje<br />
timoun yo, se pa sa sèlman ki si� pou bay<br />
timoun yo sekirite. Mezi pou pwoteksyon<br />
timoun nan yon kay, sa sèlman fè timoun<br />
lan pran plis tan pou li mete kò li nan<br />
yon sitiyasyon danje, men sa pa ranplase<br />
sipèvizyon yon granmoun kap siveye<br />
timoun yo.<br />
INTRODUCTION<br />
Jiwèt pou prevansyon® Gid Devlopman Familyal 2012 • 1