TurnàALeghje_Extrait

Ridattendu di stu libru, ùn s’hè statu à travaglià di modu sulignu. Infatti ci anu aiutatu
une poche di parsone ch’ellu ci tocca à ringrazià assai, quì, par l’ascoltu è l’aiutu priziosu
ch’elli ci anu pussutu è vulsutu porghje.
Sò dunque da mintulà particularamente, pà e parlate pumuntinche : Mattea Casalta
(Tolla), Ceccè Lanfranchi (Livia), Antone Sampieri (Sartè), u so fratellu cù a so mugliere
è Ghjuvan Paulu Rocca Serra (A Sarra di Scupamè).
Tanti ringrazii dinò à Ghjacumu Fusina pà i so ghjudizii insinnati è à Antone Sampieri,
torna, pà e nostre diviziose discussione.
Infine ci tocca à ramintà l’accumpagnamentu cù l’ochji appinzati di Francescu Michele
Durazzo, chì hà suvitatu l’evuluzione di stu travagliu da capu à fine senza smette, cun
pricisione è rigore, è chì tante volte ci hà portu infurmazione linguistiche di prima trinca.
Ch’elli sappiinu tutti quanti quant’è no li pudemu esse gratu è ricunniscente par l’ascoltu,
u intaressu è a binivulenza ch’elli ci anu sempre palisatu in l’andamentu è u prugridì di
stu prugettu nostru.

Par una avanzata ghjuvativa
in la nurmalizazione di l’ortugrafia di u corsu
U travagliu ch’è vo scuprarete quì si vole una rilittura, una rivisione critica di
u manuale d’ortugrafia Intricciate è cambiarine 1 , publicatu in lu 1971 da Pasquale
Marchetti è Dumenicu Antone Geronimi.
Da ch’ellu iscì quellu libru, strettu d’impaginatura ma riccu assai di riflissione
è di pruposte, funu sparti è aduttati i so principii è ricummandazione da l’inseme
di quelli chì si dedenu è chì si danu oghje à scrive u corsu. Parchè chì ci si
truvava u rigiru di a cunniscenza linguistica, di a cultura larga è di a pratica longa
di a scrittura nustrale, ind’una epica ch’ella ùn era sparta quant’è avà.
Cusì una ortugrafia s’adopra oghje di modu usuale in la scrittura cumuna
divintata, senza chì guasgi nimu a sappia o ci pensi più, eccettuatu i spizialisti,
quella d’Intricciate.
Cusì, stu libru, si ne pò ghjunghje à chjamallu opara : senza nisun’ sustegnu
di qualunque istituzione, par via solu di a qualità di a riflissione prisintata tandu è di
a sintesi ch’elli ci n’anu pussutu fà i dui autori, hè turnatu in calchì manera fundamentu
è quatrera di u corsu scrittu, da a ricunniscenza ch’elli l’anu datu l’inseme di
quelli chì l’adupronu è chì a li duranu à falla. Si pò affirmà senza teme qualunque
cuntistazione o rinfacciata chì stu manuale hà custituitu una avanzata maiò in la
nurmalizazione di u corsu scrittu.
Unu di i so meriti tamanti hè statu d’avè portu à tutti, qualvoglia fussi u
dialettu di questu o di quellu, un attrazzu chì ugnunu u pudissi fà soiu senza tradì
a so manera di parlà, di sprimesi, senza impone una norma unica di l’usu à bocca ;
hà portu invece un modu capiscitoghju è lindu di mette ciò ch’omu dice in lettare,
parolle, frase è discorsi scritti.
Pè lu più, saranu ripigliate tal’è quale e regule prisintateci tandu. Ma saranu
state passate à i sette stacci, chì tandu mancavanu, quelli di a linguistica. Ci hè à
1. Ch’è no chjamaremu oramai, par comudu, simpliciamente Intricciate.
3

’
dì infatti chì, quandu ellu iscì stu manuale cusì impurtante, l’università di Corsica
ùn esistia ancu. Ùn ci era cà un muzzicone di struttura di studii d’altu livellu, in
Ecchisi, e famose « Études corses », in lu quatru d’una uzzione, è ci vole à ringrazià
à Paulu Arrighi, à Farrandu Ettori cù tutti quelli insignanti chì inizionu tandu
una cunniscenza insinnata, scintifica, apprufundita di e rialità di a Corsica in ogni
duminiu accustatu.
Dunque solu saranu avanzate e pruposte chì si pensa ch’elle ghjovinu da
migliurà certi particulari ma senza purtà dannu in varuna manera à i principii escinziali
di quellu manuale di l’origine.
Bene intesu, femu nostru l’avirtimentu iniziale di Marchetti è Geronimi :
dicenu tramindui chì, ricurdemula, si chjama lingua corsa l’inseme di e so parlate,
quelle chì sò sempre in usu oghje chì hè oghje è chì e spiccanu in fatta fine pochi
affari, à l’eccezzione di a prununzia.
Ghjè sta prununzia chì dà à ogni dialettu un culore è una musicalità particulare.
U dialettu stessu ghjova à ogni lucutore da strumentu di cumunicazione è
da mezu d’idintificazione à una cumunità linguistica. In la diversità ch’omu parcipisce
di a lingua, ci entre sta prununzia pà a più gran’ parte.
U studiu di u cunsunantisimu, ch’è no chjamemu dinò sistema cunsunanticu,
ùn palesa micca dificultà maiò par ciò chì tocca à a pusizione iniziale di a
cunsunale in la parolla. Ma si cumplicheghja quandu chì a listessa occupa una
pusizione à l’indrentu : ci ghjuvarà dunque un studiu funulogicu sistematicu,
aduprendu l’attrazzi di a linguistica è arrimbenduci à i travagli fatti da i studii corsi
di l’università, sottu à u rigiru iniziale di Marie-José Dalbera-Stefanaggi è, più
tardi, di a squatra chì l’hà assistuta è accumpagnata.`
Da rende sfaticata di più a littura di stu travagliu, certi littori pudaranu forse
truvà u so cuntinutu à le volte zeppu, ci avemu messu uni pochi di riassunti dopu à
i capituli nantu à u cunsunantisimu, u vucalisimu è l’elisione (capituli 10, 12 è 14).
Par tene un discorsu ancu più chjaru, u capitulu 18 prupone un ripigliu sinteticu
di l’inseme di e pruposte ch’è no avanzemu in què u studiu. Infine s’hè pussutu
leghje dinò, in lu sottutitulu di stu libru, ch’ellu s’intindia di parlà di pulinumia è
di standardizazione. Di u cuncettu di pulinumia s’avvidarà omu ch’ellu si ne tene
contu da principiu à fine di stu travagliu, di modu à pudè spichjà tutta a ricchezza
di u corsu in la so variatezza. Ma emu vulsutu dinò pone u prublema di a standardizazione
chì senza quessa, à parè nostru, ùn si pò micca andà da veru verdi a lingua
à u sensu di mezu di cumunicazione di larga sparghjera. Appuntu u capitulu 19
prupone una riflissione nantu à e cundizione chì ci parenu nicissarie da arricà una
mudirnata à a nostra pratica di u corsu scrittu.
Ed avà, à chì a li vularà pruvà à leghje…

I.
Soni, saltere, incalcu…
1. I soni di u corsu
Intricciate partia da u studiu sistematicu di e lettare di u saltere. Cù ugnuna
d’elle si studiava u sonu o i soni cù quale ugnuna si pudia currisponde.
Cù l’accostu nostru, arrimbenduci à a linguistica, si prupone di parte à
l’adunvarciu, da u sonu par ghjunghje à a (e) lettara(e).
Circaremu infatti di dimustrà chì, da capì a logica di a scrittura di u corsu,
sò da piglià in contu dui fatti : u prima, l’autunumizazione prugrissiva
di pettu à l’ortugrafia di u talianu ; u sicondu, a primura di dimustrà a
raziunalità d’una scrittura funulogica piuttostu cà quella d’una, u francese,
primurosa di l’etimulugia è di a murfulugia, chì mischia sti dui modi, par
cagione chì tenenu à e particularità di l’evuluzione di sta lingua di pettu
à u latinu iniziale.
Sprime stu fattu hè solu un custattu, soprattuttu micca un ghjudiziu di
valore sopra à a migliò qualità d’un sistema o di quillaltru.
Certi littori purranu esse sgumintati da u fattu ch’elle ci sianu duie prununzie
par listessa scrittura, cum’è indi l’esempii siguenti :
/b/-/p/ babbone
/ɛ/-/æ/ pernu
Ricurdemu ch’è no circhemu sempre di parte da a rialità di e prununzie
cumu elle ponu esiste in li varii lucali, hic et nunc, piuttostu cà da a scrittura
stessa. Quella ùn hè mai cà a cudificata, u più à spessu nurmativa,
d’una manera di dì è di prununzià.
1. I soni vucali
/a/ laziu, manu, pane, parte, carne
/ã/ manu, pane
5

4. Ø 4 ø u dente, u pede, a gola, a pala, u vinu 5 .
, , …
/æ/
/ɛ/
/e/
/ɛ̃/
/æ/
/i/
/ɔ/
/o/
/ɔ̃/
/u/
parte, carne
femu, terzu, melza
sei
fenu
terzu, melza
pinu
oru, nodu, pone, nome
oghji, ora,
pone, nomu
pula, lupa
2. I soni vucali nazalizati
/ã/ /ã m / campà
/ã n / guantu
/aɛ̃/ (/aɛ̃n /) vengu, bè
/ɛ̃/ /ɛ̃m / tempu
/ɛ̃n / senta
/ĩ/ /ĩ m / impronta
/ĩ n / quintu
/ɔ̃/ /ɔ̃m / sgombru
/ɔ̃n / groncu
/ũ/ /ũ m / cumprà
/ũ n / cunchette
3. I soni mezi cunsunali
/j/ u ghjacaru, u pede 1 , eiu, pigliu
/w/ a vaddi, a vargogna, a strada 2 , a pala 3 .
1. Capitaticciu : ùn apparisce cà à casu.
2. Idem.
3. Idem.
4. U sonu iniziale hè sparitu, ùn si sente più nulla.
5. Idem. Si truvarà in alternanza a nutazione cù stu simbulu (ø) o allora cù u funema viotu : / /.
6

5. I soni cunsunali
I soni cunsunali funziuneghjanu pè a maiò parte ind’un sistema funulogicu
d’uppusizione, ch’è no scupraremu più inlà, in li capituli nantu à u
sistema cunsunanticu.
Ci hè trè tippi d’uppusizione :
• sonu sordu vs sonu sunoru
• sonu sunoru vs sonu meza cunsunale,
cù a so variante sonu sunoru vs ø
• sonu tesu vs sonu distesu.
Un sonu cunsunale tesu, ellu, sarà raprisintatu cù una stanghetta sopra :
/b̅ / /p̅ / /t̅/ …
Volesi dì tandu ch’ellu s’insiste nantu incalchendulu.
Sò prisintate sottu quì tutte l’occurrenze pussibbule, senza tene contu di a
spartizione à aghje funulogiche. Quessa sarà spiigata in li capituli cunsacrati
à u sistema cunsunanticu.
L’occlusive sorde
/p̅ / trè pezzi, un pezzu, zeppu, un pratu
/p/ u ponti, robba, scopre, u pratu
/k̅ /
/k/
/t̅/
/t/
Carlu, hè Carlu, in Carbini, stacca, sticchitu, Chebbia,
in Chigliacci
u capu, Marcu, u ficu, a cruna,
sè tosu, un tafone, mattu, un tronculu
o tisicò, u tonu, u tronculu, u quatrigliu.
L’occlusive sunore
/b̅ / avvedeci, robba, un bracciu
/b/ ribatta, ribradutu, u ponte, scopre, u pratu, Calvi, serve
/d̅ /
/d/
Mì à Dumenicu, sì Dumenicu, in dumenica, cavaddu,
addistrà, un dragu
u dente, u pede 6 , adrumintà, u dragu, o tisicò, u tronculu, u
quatrigliu
6. U dente, u pede : solu in Bastia.
7

, , …
/ð/
/ɖ̅/
/g/
/m̅ /
/m/
/n̅ /
/n/
/ɲ/
u denti, u pede
cavaddu, capiddu, iddi
u capu, u focu
sò manzi, un manzu, ammaistrà
u manzu, u pomu
Hè Niculaiu, un nidu, annu
O Niculà, u nidu
gnagnulà, muntagna, pagnu.
L’affricate sorde
/t̅ʃ/
/tʃ/
/t̅s/
/ts/
Ceccu, Ciuffu, hè Ceccu, millu à Ciabrini, stacci, stucciu
torce, torcia, o Cè, sò di i Ciabrini
zecca, hè Zonza, in Zonza, azzizzà
u Zicavese, calzu, mansu, un sameri, orsu, corsu, parsona,
Orsini
/c̅ / ochju, machja
/c/ uchjalistu, achjarinà, richjarà, paghju 7 .
L’affricate sunore
/ɟ̅/
/ɟ/
Ghjacumu, hè Ghjacumu, in Ghjunsanu
aghju, arghjetu, richjarà
/dʒ/
/dz/
E fricative
/f̅/
/s̅ /
/s/
/z/
/ʃ/
/ʒ/
genaru, gigliu, giallu, bongiornu, missagiu
zighizaghi, azizume, Zevacu, Zuani
foce, hè Faustina, in foce, offra
Suveria, hè Sidossi, in Suveria, rossu,
orsu, corsu, mansu, un sumere, persona, Orsini
tosu, tusichjà, a suppa
scempiu, sciroppu, sciaccià, scioru, sciuma
sgisgiu, cusgemu, asgiatu, casgione
7. Solu in certi lucali.
8

v̅ /
/v/
vittura, Vutera, chjamu à Vittoriu, in Vutera, avvena,
avvedaci
serva, Calvi, mufra, Africa.
5.6 – E liquide
/l̅ / stalla, incolla, Luisa, hè Luisa, milla à Luisa, in Lozzi
/l/ sò di Lozzi, u lussu, pala, pilone
/r̅/ rospu, trè rospi, sò rospi
/r/-/ʁ/ sò di a Rivintosa, curà, rosa, zirlà, strada, pede
/λ/
/ł/
scaglia, muraglione, scogliu, scioglie, tagli
tela, casgile.
2. U saltere
U saltere (o salteriu) chjamatu dinò santacroce, conta 24 lettare.
Certe lettare di u saltere francese in corsu ùn ci sò : k, w, x, y.
Certe appaghjate di lettare, in francese ùn esistenu : chj, ghj, sg.
Certe lettare ci sò in corsu è in francese ma a so prununzia ùn hè listessa :
César/Cesari, accident/accidenti, la voiture/a vittura,
la zone/a zenna…
A lettara h ùn si scrive mai in principiu di parolla, fora cà in li dui casi di
u verbu esse (hè) è avè (hà) ind’ellu ghjova da segnu diacriticu da spiccà
l’umofuni (si veca u capitulu 15). H ghjova da furmà u sonu /k/ o /g/ cù c
(chinese, e fi che) è u sonu /g/ o ø cù g (Ghisoni, u ghicciu) è dinò par certe
vucichjule : ah, indeh, oh, poh, umbeh.
A lettara j – o i longu (o puru i mogliu) – ùn esiste più dapar ella : entre in
la cumposta di e cunsunale chj è ghj.
Certe lettare, chjamate cambiarine, si pudaranu leghje di duie manere
sfarente : fornu (/f/), u fornu (/v/).
U saltere nustrale si cumpone di trè tippi di lettare :
• quelle chì ghjovanu da fà un sonu, chjamate monugramma : f, g, s…
• quelle chì ci volenu duie lettare da pudelle scrive, si parla tandu
di digramma : ch, gh, sc, sg…
9

, , …
• quelle chì ci ne vole trè : i trigramma, sci, sgi…
• altri trigramma, quelle lettare chjamate intricciate da Geronimi
è Marchetti, chì ci ne vole torna trè da trascrive i soni /c/ è /ɟ/ :
chj, ghj.
U saltere conta 5 vucale (a, e, i, o, u) è 18 cunsunale. A lettara j, vucale
antica, entre solu in la cumposta di i trigramma chj è ghj.
L N P
a a /a/
b/v bi /bi/
c
chj
ci
chjì
/tʃi/
/ci/
d de /dɛ/
e e /ɛ/
f effe-effa /’ɛf̅ɛ/-/’ɛf̅a/
g
ghj
ge
ghjì
/dʒɛ/
/ɟi/
h acca /’ak̅ a/
i i /i/
j iì /ji/
l elle-ella /’ɛl̅ ɛ/-/’ɛl̅ a/
m emme-emma /’ɛm̅ ɛ/-/’ɛm̅ a/
n enne-enna /’ɛn̅ ɛ/-/’ɛn̅ a/
o o /ɔ/
p pi /pi/
q cu /ku/
r erre-erra /’ɛr̅ɛ/-/’ɛr̅a/
s esse-essa /’ɛs̅ ɛ/-/’ɛs̅ a/
t ti /ti/
u u /u/
v ve /vɛ/
z zeta /dz’ɛda/ o /dz’ɛta/
10

« » :
3. U casu di j o « i longu » :
un arcaisimu culturale
I soni palatali linguali (u paghju di l’affricate sorda è sunora), i (troppu)
famosi chj è ghj, cumu hè ch’elli ùn si scrivenu cum’è in li tempi ? Tandu,
à l’epica di A Muvra par indettu, s’avia un rocchiu piuttostu cà un rochju,
i rocchj piuttostu cà i rochji, i paghj piuttostu cà i paghji…
Hè par via chì a j, in pusizione mizana o tarminale ch’ella sia, chì si pudia
currisponde in certi casi cù l’appaghjata sunora /ji/ in l’ortugrafia vechja
di u talianu, primamente ùn s’usa più in sta lingua tal’è ch’ella hè scritta
oghje, postu ch’ella ci hè stata rimpiazzata da a sola i.
« La j inizia ad essere usata nel’ 500 fi no all’inizio del XX secolo, sia per
indicare il suono semiconsonantico della j (jella), ovvero la i intervocalica
(grondaja, aja), e come segno tipografi co per la doppia i (principj).
Le lettere i e j erano ancora considerate equivalenti, per quanto riguarda
l’ordine alfabetico nei dizionari e nelle enciclopedie italiani, fi no alla
metà del XX secolo. Dalla fi ne dell’Ottocento in poi, la lettera j cadde in
disuso, tranne che in alcune parole particolari 8 . »
Sicundaria vene à frammettesi in l’opara di simplificata di a scrittura di
u corsu è à ficcacci in calchì modu una cuntradizzione, in particulare in
lu duminiu di i patronimi. À stu prupositu, ricurdemuci e spiigazione di
Pasquale Marchetti in lu 1989 :
« Il ne sera pas inutile… de rappeler qu’un certain éloignement des deux
éléments du couple 9 ne s’est pas accompli du seul fait de l’évolution du
corse, quelles qu’aient pu être les raisons de celle-ci. La langue italienne
connaissait en Terre ferme des novations prises en compte par les parlants
assujettis à l’école, mais que les Corses n’enregistrent pas. De là, aussi,
les archaïsmes de l’italien-langue subsistant chez eux, notamment la
persistance du j semi-consonne dans la graphie des toponymes (Ajaccio,
Erbajolo, Volpajola 10 , etc.) et de patronymes comme Lastrajoli ou Trojani,
voire Aulerj, Darj, Gregorj, Ottavj, Valerj, quand les fonctionnaires de
8. https://it.wikipedia.org/wiki/J
9. U coppiu storicu talianu/lingua-corsu/dialettu.
10. Si cunnosce a cunfusione oghjinca incù u francese cù a prununzia /ʒ/ di a lettara j, eccettuatu
à Ajaccio, par quale a messa hè detta : Volpajola :/vɔlpaʒ’ola/ invece di /vɔlpaj’ola/ ; Erbajolo
/ɛrbaʒ’olo/ invece di /ɛrbaj’olo/. Senza parlà di a vucale finale, tante volte manghjata à l’usu francese
: /vɔlpaj’olə/, /ɛrbaʒ’olə/. O torna di i Trojani (/troʒ’ani/ vs /troj’ani/) o allora di i Bujoli
(/buʒ’oli/ vs /buj’oli/ o /buɟ’oli/).
11

, , …
l’état-civil n’ont pas substitué un y fi nal – alors que le j a été aboli au
siècle dernier par l’Accademia della Crusca 11 . »
Oghje chì hè oghje infatti, sta lettara j ferma dunque sempre prisente in
certe casate tal’è Giansilj, Marj, Marsilj, Ottavj, Valerj (par nutà u plurale
di Giansilio, Mario, Marsilio, Ottavio, Valerio). Ma cuesistenu attempu
e scritture siguente : Giansily o Giansili, Mary o Mari, Marsily o Marsili,
Ottavy o Ottavi, Valery o Valeri. A diversità di e scritture (trè!) par listesse
casate nutrisce une poche di discussione chì, di regula, a ghjente capisce
pocu è micca sta situazione. À dilla franca, a cuesistenza in apparenza
strana di ste trè forme par listesse casate palesa attempu a prisenza storica,
à longu andà, d’un bislinguisimu suciale (corsu-tuscanu), par ùn dì
trilinguisimu (corsu-tuscanu-francese). Nantu à i rigistri paruchjali, quelli
chì ghjuvonu, sottu à a Rivuluzione, da furmà quelli di u statu civile, e
casate anu da esse custituite à partesi da u nome di u capifamiglia, « le
chef de feu » di l’anziani rigistri ghjisgiani. Tandu, tuttu hè scrittu in ciò
chì ùn hè ancu u talianu, u tuscanu, quellu chì ghjuvarà da stabbulì tutti
i tuponimi, nomi è lochi cadastrati di e cumune. Calculemu chì a parolla
« casata » face allusione à l’inseme di e parsone chì stanu sottu à listessu
tettu. Infine ricurdemuci chì, ùn hè tantu, à un giovanu di famiglia paisana
chì stava in cità è chì ùn si cunniscia più da un annu à l’altru da tantu
ch’ellu era cambiatu, ùn li si dumandava micca « Dimmi tù, quale sè ? »
ma piuttostu « Di quale ne sè 12 ? ».
A parsona, u individuvu, ùn si pò pinsà senza « i soi », a so sterpa, in
li paesi aspessu idintificata cù un cugnome 13 . U pinsamentu paisanu
stava dunque in filu cù u vechju numinà di e famiglie : i Marsilj quelli di
Marsilio (Marsiliu); l’Ottavj quelli d’Ottavio (Ottaviu o Taviu 14 ); i Valerj
quelli di Valerio (Valeriu); i Giansilj quelli di Giovan Silio (Ghjuvan
11. La corsophonie. Un idiome à la mer, Paris, Albatros, 1992, p. 98.
12. Francescu Micheli Durazzo ramenta l’usu grecu anticu spartu dipoi in ogni locu di u Mediterraneu :
quandu omu si prisintava, dava omu sempre u so nome, quellu di u babbu, u so paese o cità.
Si veca a cumunicazione ind’ellu scrive : « Circé, en recevant Ulysse d’Ithaque, lui pose les
questions rituelles : Quel est ton nom, ton peuple, et ta ville et ta race ? » Homère, Odyssée, X,
v. 325. In « Quelques archétypes fondateurs de la question de l’identité en Méditerranée dans la
littérature de l’exil chez Homère, L’Odyssée, et Ovide, Les Tristes et Les Pontiques. » Collectif,
IV e Congrès international Environnement et Identité en Méditerranée, Corte 19-25 juillet 2004,
Università di Corsica Pasquale Paoli, Médiathèque culturelle de la Corse et des Corses, http://
m3c.univ-corse.fr/omeka/items/show/1094517.
13. Ghjuvan Ghjiseppiu Franchi ricurdava cù una cria di malizia chì un so paisanu si vantava cusì :
« Noi semu di i manghja m… ! »
14. Ghjè in l’aferesi, o scapatura, d’Ottavio (→ Tavio) ch’ellu ci vole siguramente à truvà l’origine
di a casata Taviani.
12

« » :
Siliu) ; i Marj quelli di Mario (Mariu). Quandu chì l’amministrazione
francese si sviluppa, particularamente sottu à Terza Ripublica, a prisenza
finale di sta j sarà parsa contru à staghjone à certi sicritarii di merria chì,
nutriti oramai di u scrittu francese, par via ch’elli u vedenu circulà è
ch’elli l’adopranu elli da a mane à a sera, avaranu pigliatu l’iniziativu di
rimpiazzà u i longu, cuarente in tuscanu vechju, da u y francese 15 . Questu
li sarà parsu attu à raprisintà l’appaghjata di i soni /ji/, chì mai si scontra
in francese, in tutti i casi scritta cù y (ma ci hè bouillie, failli, assailli…).
Vene vinendu dunque, s’è no circhemu di stabbulì una evuluzione di a
scrittura di ste casate, ci avemu dunque prima, da trascrive /ji/ a lettara j,
in tuscanu vechju, rimpiazzata più tardi, à u seculu , da u y, logicu di
più in francese senza esse adattu propiu. Infine, l’evuluzione funetica di
st’appaghjata di i soni ci hà purtatu à una riduzzione à u solu sonu /i/ chì
u so usu n’hè ghjuntu oghje à cavà l’anzianu : /dʒãns’ilji/ → / dʒãns’ili/,
/m’arji/ → /m’ari/, /mars’ilji/ → /mars’ili/, /ott’awji/ → /ott’awi/, /
bal’erji/ → /bal’eri/-/val’erji/ → /val’eri/. Fatta fine chì, in logica, s’avaria
da scrive oghje ind’una sola manera : Giansili, Mari, Marsili, Ottavi è
Valeri. Ma tuccà à un nome di famiglia hè forse quant’è à tuccà a ghjente
cuncirnata in croce : sti cambiamenti ùn si ponu fà senza u so accunsentu
nè quellu di u ministeru di a Ghjustizia è, in casu mai, di u Cunsigliu di
Statu. Allora forse ch’è no ci pudemu cunface, oghje chì hè oghje, cù ciò
chì si pò tene da arcaisimu culturale.
Ma stu i longu entre di modu indispinsevule
in la cumpunitura di i trigramma
chj è ghj da trascrive l’affricata sorda /c/
è quella sunora /ɟ/. Falcucci in lu 1915,
Arrighi in lu 1924, Prete Carlotti in l’anni
30 o puru, più vicinu da noi, Matteu
Ceccaldi ci n’avianu pigliatu cuscenza.
Una illustrazione di a mudificata d’una casata da
u parsunale di l’amministrazione militare. A casata
Ottavj, à manca era scritta prima cù j, cumu ellu
a palesa u pichjulu nantu à a lettara finale. Dopu
hè stata aduprata una astetta à manca da furmà
a lettara y. In fatta fine hè stata frisgiata sana sana
sta scrittura è rimpiazzata da quella Ottavi cù un i
finale. Hè da ringrazià Jean-Pierre Ottavj di a Soccia,
chì ci hà trasmessu stu ducumentu, pusessu iniziale
di l’archivii di u ministeru di a Difesa.
15. Ciò chì avarà datu, in lu casu di a casata Pii, anzianamente trascritta Pj, l’attuale Py, cumu ellu a
ricorda Pasquale Marchetti, ibid.
13

, , …
4. A incalchera
U incalcu (accentu tonicu) pò occupà trè pusizione in le parolle. Cumu si
ponu cunnosce queste ?
1. Idintificà u incalcu di sillabba
Ogni parolla, ci vole à scumpartela di modu sistematicu à sillabbe. U
incalcu, ogni volta, u si piglia una sillabba, è una sola, di a parolla.
Di regula, si discrivenu e sillabbe cusì :
populu ► po/pu/lu
lu : ultima sillabba ; pu : avanti ultima o pinultima sillabba ; po :
antepinultima sillabba.
Quì u incalcu hè nantu à l’antepinultima sillabba, po.
U incalcu hè nantu à :
saltichjà → sal/ti/chjà → chjà (ultima sillabba)
cantemu → can/te/mu → te (pinultima sillabba)
aspittaia → as/pi/tta/ia → tta (pinultima sillabba)
dumenica → du/me/ni/ca → me (antepinultima sillabba)
piglietimilu → pi/glie/ti/mi/lu → glie (preantepinultima sillabba)
2. Cuntà e sillabbe
Si contanu e sillabbe sinu à quella incalcata, partendusi sempre da a
sillabba finale.
• Prima sillabba (partendu da a fine)
parlà ►
par/là
2 1
• Siconda sillabba (pinultima)
Petru ► Pe/ tru
2 1
Margarita ►
saltichjuleghju ►
Mar/ga/ri/ ta
4 3 2 1
sal/ti/chju/le/ghju
5 4 3 2 1
14

• Terza sillabba (antepinultima)
Paulu ► Pa/ u/ lu
3 2 1
tupichjulu ►
cantachjulavanu ►
tu/pi/chju/lu
4 3 2 1
can/ta/chju/la/va/nu
6 5 4 3 2 1
• Quarta sillabba (preantipenultima)
pigliatilu ► pi/glia/ti/lu
4 3 2 1
cantatemila ► can/ta/te/mi/la
5 4 3 2 1
3. Pusizione di u incalcu : i tippi di e parolle
Sicondu a pusizione di u incalcu, saranu di trè tippi e parolle :
• E (o parussitoni) : a regula generale di a lingua corsa,
cum’è quella di u latinu, vole l’incalcu ch’ellu stia nant’à a siconda
sillabba (pinultima). Quessa spiega chì sse parolle sianu statisticamente
più numarose, sò chjamate dunque lisce .
saltichjeghju Margarita Petru
• E (o pruparussitoni) : certe parolle, invece, ùn
suvetanu sta regula chì tandu u incalcu stà sempre nantu à a terza (antepinultima)
o allora a quarta sillabba (preantepinultima)
– nome sabbatu, dumenica, Agata, Anghjula
– agittivu comudu, rughjulu, zoticu, amusgiulu,
aspessu à l’origine sò parolle lisce, nomi, agittivi chì, par dirivatura, anu
ricivutu un suffissu, o verbi chì mutanu cù a cunghjucazione o allora chì
s’anu l’affollu d’un prunome encliticu ; u incalcu ferma tandu nantu à
a prima sillabba di u suffissu (chì ghjè di regula quella incalcata di
nomi è agittivi dirivati), osia nantu à a sillabba purtata da a disinenza
virbale in lu casu di a cunghjucazione.
– nome dirivatu tupichju → tupichjulu
– agittivu dirivatu piglianciu → pigliunciulu
– verbu cantu → cantavanu → cantarianu/
canterebbenu
– prunome encliticu chjappalu, purtatemile, chjametimili.
15

, , …
In li nomi è l’agittivi dirivati, u incalcu di a parolla hè quellu di u suffissu
appitticatuli (-ichjulu, -anciu, -unciulu).
• E (o ussitoni) : certe parolle anu persu una o duie
sillabe è portanu u incalcu nantu à a prima sillabba partendu da a fine ;
e chjamanu e parolle mozze chì si tratta tandu di parolle chì sò state
ammuzzate :
– osia ch’elle aghjinu persu una o duie sillabe durante l’evuluzione
da u latinu sinu ad oghje :
→ manghjà
→ saltà
→ lavurà
→ hà
→ pò
– osia chì, tinendu una forma piena, ch’elle s’aghjinu l’affollu
d’una forma ammuzzata in certi casi :
Pasquale → o Pasquà
maestru → o maè
putere → pudè
bene → bè
citai → cità
– o ch’elle ùn sianu imprestiti di lingue strangere è cunsirvà
tandu u incalcu :
aiò 16
→ genuvese sciò → sgiò
francese cheminée → sciaminè
francese thé → tè
francese avion → aviò
4. L’aletta
L’aletta si mette solu nantu à e parolle dette mozze è nantu à une poche di
parolle munusillabbiche da insignà chì a cunsunale di a parolla chì segue
si prununzia di modu forte (si veca u capitulu 15 nantu à l’umufunia). Ùn
si scrivarà nisun’ segnu diacriticu da distingue e sguillule. Ci vultaremu
più inlà.
16. Sardu ajò : https://it.wikipedia.org/wiki/Aj%C3%B2
16

:
5. E parolle atoniche
Certe parolle ùn portanu nisunu incalcu :
– i pruclitichi, chì s’arrembanu à a parolla chì suveta : i ditarminanti
u/lu, a/la, i/li, e/le, stu, ssu, u me/mio/mo, i prunomi
parsunali u/lu, a/la, i/li, e/le, mi, ti, si, ci, vi…
– l’enclitichi, chì dipendenu funulugicamente da u verbu
ch’elli suvetanu : sò i prunomi parsunali cumplimenti lu, la,
li, le, mi, ti, si, ci, vi.
5. U casu di u intargà : u vucativu
U corsu, cum’è i dialetti centrumiridiunali d’Italia, adopra una forma
particulare da chjamà, da intargà à calchissia.
Di pettu à questi è, più à a larga, indi l’aghja rumanica italica, a lingua
nustrale ùn palesa micca una originalità particulare : spichjaria ancu à
l’incuntrariu una certa nurmalità in lu trattamentu di stu tippu di situazione
di cumunicazione.
L’uriginalità soia affacca piuttostu quandu ellu si cerca di fà un paragone
gramaticale cù u talianu o u francese standardu, duie lingue ufficiale
in cuntattu storicu strettu cù a nostra ma sottu à mudalità sociuculturale
sfarente.
1. Cumu si custruisce ?
Ci vole à aduprà a parolla o prununziata /ɔ/ è ammuzzà u nome di quellu
o quella ch’omu chjama :
Petru → o Pè
Lisandru → o Lisà
Lisabetta → o Lisabè
Ghjacumu → o Ghjà
Cumu s’ammozza tandu u nome di quellu o quella ch’omu chjama ?
Si cerca u incalcu di a parolla : Pas/qua/le ; An /ghju /li/na ; Ma/tte/iu ;
Ghja/cu/mu.
17

, , …
S’ammozza u nome dopu à a sillabba incalcata, è l’ultima lettara, una
vucale, piglia una aletta postu ch’è no ci truvemu tandu in lu casu di e
parolle mozze : o Pasquà ; o Anghjulì ; o Mattè ; o Ghjà.
2. U vucativu : i nomi cuncirnati
Ammuzzà s’ammozzanu i nomi propii ma dinò i nomi cumuni chì cuncernanu
a famiglia :
babbu → o bà
mamma → o mà
babbone → o babbò
mammona → o mammò
missiavu → o missià
minnanna → o minnà
caccaru, a → o caccà
ziu, a → o zì
fratellu → o fratè
surella → o surè
cuginu, a → o cugì
3. Casi particulari
Quand’ì u incalcu hè nantu à una sillabba chì si compie cù una cunsunale,
s’ammozza u nome scrivendu solu a vucale di a sillabba cù l’aletta.
San/tu → o Sà
Ghja/cin/tu → o Ghjacì
Vin/cen/te → o Vincè
Nomi cumposti in Corsica si ne dà assai. Cun questi s’ammozza solu u
sicondu è s’appiega tandu a regula cum’è pà u nome solu :
Petru Ma/ri/a → o Petru Marì
Anghjula San/ta → o Anghjula Sà
Ghjacumu Ghju/va/nni → o Ghjacumu Ghjuvà.
4. Usi persi
In la sucetà tradiziunale, chì e funzione suciale ci eranu divirsificate pocu,
una pusizione favurevule era insignata in la manera di chjamà certe parsone :
tandu si dicia « o sgiò… » è s’aghjustava osia u nome di a parsona, osia a
18

:
funzione ch’ella occupava. Tocca à rimarcà dinò ch’ella esistia o nò una
muzzatura pè i nomi propii è par quelli ch’indettanu una funzione.
U sgiò, a signora → o sgiò Patriziu, o signora Lucia
L’elettu → o sgiò merre, o sgiò cunsigliere
U parsunale di a Ghjustizia
→ o sgiò ghjudice (ancu : signor’
ghjudice), o sgiò pricuratore
U curatu → o sgiò curà 17
U piuvanu → o sgiò piuvà 18
U vescu → o sgiò vescu
U stututore → o sgiò stututore
U prufissore → o sgiò prufissore
L’ufficiale → o sgiò capitanu
U cummissariu → o sgiò cummissariu 19 …
Infine accorre à ramintà a forma « o zì… », aduprata da i zitelli è i giuvanotti
inverdi e parsone anziane, ch’elle fussinu o nò parenti soi. Li si dicia
tandu di voi, cum’è d’altronde i puffiglioli cù e minnanne è i babboni, in
certi lucali, sinu à l’anni 50 di u seculu , è quessa qualvoglia fussi a so
cundizione suciale.
5. Usi novi
Infine u francese rigiunale di Corsica tene calchì vistica di stu vucativu,
par indettu quandu ellu si pò sente : « o François » (a f vene tandu sunurizata
in /v/), « o Savier » (a cunsunale di Xavier vene sunurizata in /z/),
« o Piè » (Pierre: cù sunurizazione, o nò, sicondu l’aghja linguistica), « o
Anne-Marie »…
Po ci stanu altre forme imbuligate, torna fruttu di u cuntattu trà u corsu è
u francese : « o Intuà » (Antoine), « o Scià » (Charles).
17. Li si pudia ancu dì « O missè ».
18. Idem.
19. Ma u cantadore aiaccinu Marc Paoli, dettu « Marcu u longu », avia cumpostu è scrittu una
canzona umuristica chjamata « O sgiò cummissà ».
19