SPICILEGIUM HISTORICUM ·Congregationis SSmi Redemptoris

344
Fratres servientes :
Candidus Arienzale civitatis Supini.
}oseph Ferrarazza oppidi Frossolanis.
Michael Schiavone neapolitanus, et
J ohannes d'Aletta theanensis.
Deinde Ill.mus D.nus Visitator associatus, ut supra, ascendit aedes superiores
ubi sunt cellae, quas incolunt supradicti Patres, in fine quorum
prope ecclesiam adest oratorium privatum. [Pergit -visitatio localis atque examen
Libri missarum] .
[ProPria manu:] Dom[inicus] Ep. Theanensis (56)
Not. Joseph Cecere S[acrae] V[isitationis] Sec.rius.
III
CoNSEC'l'ARIA SEU COROLLARIA RELATIONI ADNECTENDA
intuitu gemellationis mox tentandae pro utroque Instituto.
Ex hucusque dictis elucent suf{icienter tum origo duplicis:
coaevae Congregationis SS. Salvatoris ac SS. Sacramenti, tum
utriusque separatio primaeva. Attamen ab eadem Relatione promanant
consectaria immediata, in quibus remorari noluimus, ne
mole adiunctorum obscuraretur linea primaria nostri articuli. Haec·
sane corollaria digna sunt quae in lucem proferantur ob historiae
continuationem, intuitu nempe tentandae gemellationis (fas sit
vocabulo), qua post tria circiter lustra a prima separatione voluerunt
utramque Congregationem unico corpore et sub ductu S. Alfonsi
reconformare viri duo potentes, regius nempe minister mar-chio
D. Caietanus Brancane et regius cappellanus maior D. Caelestinus
Galiani. Tentamen abiit in cassum, at ex eodem ortum
(56) Anno praecedenti, die 3 aprilis, Episcopus 'fheanensis antehac mutus super·
PP. Sacramentinis in suis triennalibus communicationibus " ad limina », subscripsit Relationem
in qua ad S. Congregationem de Concilio referebat has laudes : « At non salurn sacriRordinibus
initiandi laudabili more h1c inductum est, ut prius octo vel decem dierum spaÙo
spiritualibus vacent esercitijs, ad quod munus peragendum utor Patrum (sic) Cong.nis SS.mi'
Sacramenti, in quorum aedes iidem ordinandi non mediocri progressu se recipiunt... Praetermittendum
autem non est, exstare Theani saecularitun sacerdotum domus sub titulo­
Congregationis SS.mi Sacramenti, quorum munus et exercitatio est pueros grammaticae
praeceptiones edocere, fidelium confessiones excipere, spiritualibus exercitiis ecclesiasticosexcolere,
verbi Dei praec011ium et praecipue in sacris missionibus exercere et pleraque
multa pietatis offida christianae perfectioni admodum conducibilia. Domus haec anno Ì726-
(sic) fundata fuit atque una est ex quattuor, quas in hoc regno Congregatio haec habet_
At huiusmodi Institutum usque modo ab Apostolica Sede adprobatum minime est, nequeillius
alumni solemne aliquod votum emittunt, atque omnino loci Ordinario subjicitmtnr ''· -­
Arch. Vaticano, Concilio, Relationes dioecesium, Theanen. 1752.