VOORBEREIDINGSGIDS VIR VLAK 1- REGULATORIESE ... - brcs

Ontwikkel 'n belangstelling in wat u studeer. Poog om die studiemateriaal in verband met u eie
lewe te bring om dit so betekenisvol moontlik te maak.
Neem 'n blaaskansie wanneer u moeg word. Daar is geen vaste formule vir wanneer 'n ruspouse
geneem moet word nie.
5.6 Registrasie by die korrekte eksamenliggaam
Daar is vier erkende eksamenliggame. Kandidate moet die eksamenliggaam kies by wie hulle vir die
eksamen wil inskryf.
Nie al die eksamenliggame bied al die eksamens aan nie; raadpleeg Aanhangsel A vir die lys van
eksamens en die eksamenliggame wat hulle aanbied.
Sodra u 'n eksamenliggaam geïdentifiseer het wat die
eksamen aanbied wat u moet aflê, moet u toesien dat hulle
die eksamen by 'n plek aanbied wat vir u geskik is. Indien u
met die ligging van plek tevrede is, kies 'n datum en tyd wat
vir u geskik is. Daarna moet u vir die eksamen by die
eksamenliggaam inskryf.
Die eksamenliggame het elk hul eie registrasieprosedures wat hulle op hul webwerwe uitlê. Hulle
maak vir verskeie registrasiemetodes voorsiening. Voordat u vir 'n eksamen registreer is dit
belangrik dat u sorgvuldig vasstel of u vir die korrekte eksamen registreer, asook die plek, datum en
tyd wat vir u geskik is.
5.7 Spesiale behoeftes
Kandidate wat spesiale behoeftes het, moet met die eksamenliggaam in verbinding tree om reëlings
te tref vir enige hulp wat hulle mag benodig. Die eksamenliggame sal alles in hul vermoë doen om in
die kandidate se behoeftes te voorsien. Dit mag van kandidate verlang word om ‘n geldige mediese
sertifikaat te voorsien om hul spesiale behoefte of gestremdheid te verifieer.
12 | P a g e