VOORBEREIDINGSGIDS VIR VLAK 1- REGULATORIESE ... - brcs

3. FORMAAT VAN DIE REGULATORIESE EKSAMEN
3.1 Tipe eksamen
Die regulatoriese eksamen sal uit veelkeusige vrae bestaan wat op gespesifiseerde kwalifiserende
kriteria gebaseer is. Die eksamen is geslote boek-eksamens, en geen materiaal sal in die
eksamenlokaal toegelaat word nie.
Daar sal geen beperking op die aantal pogings wees wat gemaak word om bevoegdheid te verwerf
nie.
Daar sal 'n enkele nasionale weergawe van enige regulatoriese eksamen in enige kategorie of
subkategorie wees.
Daar is slegs een korrekte antwoord op elke vraag. Die vrae en antwoorde moet dus asseblief
sorgvuldig gelees word. Vraestelle word nie negatief gemerk nie: 'n antwoord is óf korrek óf
verkeerd.
U het die keuse om die eksamen elektronies of op papier te skryf. Die eksamenliggame sal op hul
registrasiebladsye die metode aandui wat hulle beskikbaar maak.
Die doel met die regulatoriese eksamen is om die toepassing van feitelike kennis met betrekking tot
–
die relevante wetsbepaling soos in die wetgewing, ondergeskikte wetgewing en gedragskodes
vervat, te toets - Vlak 1
die lewering van finansiële dienste wat op spesifieke kategorieë en subkategorieë van kliënte
van toepassings is - Vlak 2
3.2 Kwalifiserende kriteria
Die kwalifiserende kriteria verskaf die grondslag van kennis en vaardighede waarvolgens die
regulatoriese eksamens opgestel word. Die kwalifiserende kriteria is oor die tydperk 2006 tot 2008
deur 'n konsultasieproses tussen die RFD en bedryfsverteenwoordigers ontwikkel.
Slegs vrae wat op hierdie kriteria gebaseer is sal in die eksamen voorkom.
Die kwalifiserende kriteria is in Raadskennisgewing 105 van 2008 gepubliseer, en die wysigings is
soos hieronder gepubliseer:
RK 151 31755 29 Desember 2008, met inwerkingtreding 31 Desember
2008
RK 64 32268 29 Mei 2009
4 | P a g e