PWL Geskrifte.pdf - Pad van Waarheid tot die lewe

Psalms - Tehillim 44-45
26 want ons lewe is tot in die stof verneder en ons liggaam raak aan die aarde.
27 Staan op om ons te help en koop ons vry ter wille van U liefdevolle goedheid!
45 1 Vir die musiekleier; volgens: “Lelies (Shoshannim):” ’n onderriggewende
gedig van die seuns van Korag; ’n lied van liefde.
2 My binneste borrel oor van goeie nuus en ek vertel my dade aan die koning; my tong
is die pen van ’n vaardige skrywer.
3 U is mooier as die seuns van die mens; onverdiende guns is uitgestort oor u lippe;
daarom het God u geseën vir ewig.
4 Gord u swaard aan u heup, o magtige krygsman, met u lof, eer en aanbidding en u
majesteit;
5 U majesteit is triomferend! Ry op die Boodskap van waarheid, nederigheid,
onpartydige opregtheid; U leringe word bevestig deur respekvolle vrees vir u
regterhand!
6 U pyle is skerp, laat hulle die hart van die koning se vyande deurboor en laat die
volke onder u val.
7 U troon, o God, is vir ewig en ewig; die septer van U Koninkryk is ’n septer van
regverdigheid.
8 U het onpartydige opregtheid lief en haat wetsoortredings; daarom het God, u God,
898
u gesalf met olie van blydskap bo u metgeselle.
Heb 1:7-9
9 Al u klere ruik na mirre, aalwyn en kassie, vanuit die wonderlike tempel waar hulle
u bly gemaak het.
10 Die koning se dogter staan in lof en eer; die koningin staan aan u regterhand in
goud van Ofir.
11 Luister, hoor en doen, o dogter, oorweeg en draai jou oor; vergeet ook u volk en
die huis van u vader;
12 Die koning sal u skoonheid sterk begeer, want hy is u meester, buig respekvol voor
hom.
13 Die dogter van Tzor sal met ‘n geskenk kom, selfs die rykes onder die mense sal u
guns soek met geskenke.
14 Al die lof en eer van die koning se dogter kom van binne af; haar klere is versier
met suiwer goud.
15 Sy sal na die koning gebring word met geborduurde geskenke en haar maagdelike
metgeselle sal volg in haar prosessie.
16 Hulle sal gebring word met oorweldigende blydskap en vreugde en in die koning
se paleis ingaan.
17 In die plek van u vaders sal u seuns wees; U sal hulle aanstel as prinse oor die hele
aarde.
18 Ek sal dat u naam (karakter en outoriteit) onthou word in alle geslagte; daarom sal
die mense u vir ewig en ewig loof en dank met uitgestrekte hande.