PWL Geskrifte.pdf - Pad van Waarheid tot die lewe

Psalms - Tehillim 69-70
21 O, genees my gebroke binneste en verbind dit. Ek het sommiges gesoek om my
jammer te kry, maar daar was niemand nie; vir vertroosters, maar het niemand
gevind nie.
22 Hulle het vir my bitter kruie gegee as my kos en toe ek dors was, het hulle vir my
914
asyn gegee om te drink.
Mat 27:48; Mar 15:36; Luk 23:36
23 Laat hulle tafel ’n vangnet word voor hulle en dit wat vir hulle ’n beloning moes
wees, ’n strik.
24 Laat hulle oë donker word dat hulle nie sien nie en maak dat hulle rûe voortdurend
Rom 11:9,10
buig.
25 Stort U woede oor hulle uit en laat U toornige woede hulle beetkry.
Hand 1:20
26 Laat hulle blyplek verlate wees en laat niemand in hulle tente bly nie.
27 Hulle het die een vervolg wat deur U geslaan is en smart bygevoeg by die een wat
gewond is.
Yes 53:3-5
28 Voeg die straf vir morele oortreding by hulle oortreding sodat hulle nie in U
onpartydige opregtheid kan kom nie.
29 Laat hulle uitgevee word uit U boek van die lewendes en nie saam met die
regverdiges opgeskryf word nie.
Mal 3:16; Open 20:12
30 Ek is egter arm en vol rou; laat U verlossing my help, o God!
31 Ek sal die Naam (Karakter en Outoriteit) van God helder en duidelik loof met ’n
lied en Hom groot maak met danksegging.
32 Dit sal meer tevrede stel as beeste of bulle wat horings en hoewe het.
33 Die nederiges sal dit sien en bly wees en julle verstand, wil en emosie wat na God
soek, sal lewe,
34 want luister na die behoeftiges en verag nie Sy gevangenes nie.
35 Laat hemel en aarde, die seë en alles wat daarin beweeg, Hom duidelik en helder
loof,
36 want God sal Tziyon red en die stede van Y’hudah bou.
37 Sy diensknegte sal daarin bly; hulle wat Sy Naam (Karakter en Outoriteit) liefhet
sal daarin woon.
70 1 Vir die musiekleier: van Dawid tot herinnering.
2 O God, maak gou om my te bevry, o , maak gou om my te help!
3 Laat hulle wat my lewe soek, beskaamd staan en verward wees; laat hulle wat my
ongeluk begeer omgedraai en deurmekaar gemaak word.
4 Laat hulle agteruitgaan deur hulle herhalende skande wat vir my sê: “Ha, ha!”
5 Laat almal wat U soek hulself in U verheug en bly wees en laat hulle wat U verlossing
lief het voortdurend sê: “Laat God groot gemaak word!”
6 Ek is egter arm en behoeftig; kom gou na my toe, o God, U is my Hulp en my
Bevryder; o , moenie uitstel nie!