PWL Geskrifte.pdf - Pad van Waarheid tot die lewe

Psalms - Tehillim 65-66
5 Geseënd is die man waarmee U tevrede is, hy wat U na U toe laat naderkom dat hy
in U howe kan bly en versadig kan wees met die goedheid van U huis, selfs van U
Afgesonderde Tempel.
6 Antwoord ons vanaf die majesteit van U onpartydige opregtheid, o God van ons
verlossing; wat die Veiligheid is van al die eindes van die aarde en van die mense
wat ver is;
7 wat die berge vasstel deur Sy krag en magtig is in Sy krag;
8 wat die storms van die seë stilmaak, die gebruis van hulle golwe! Die volke sal
omgekrap wees,
9 die bewoners van die aarde sal bewe voor U wonders, vanaf die oggend tot die aand.
10 In lof en eer het U die aarde besoek en dit water gegee; U het dit geseën met vrede
en dit grootliks verryk met die rivier van God, wat vol water is. U het kos voorberei
toe U dit gevestig het.
11 U het die omgeploegde grond daarvan natgemaak en om vrugte voort te bring het
U sy groei besprinkel met reënbuie en dit geseën.
12 U kroon die jaar met U goedheid en die kalwers het ryk weiding.
13 Hulle sal gevul word met die weivelde van die wildernis en die heuwels sal omring
wees met lof, eer en aanbidding.
14 Die weivelde sal oordek wees met vet wordende skape en die valleie sal geklee
wees met koring; hulle sal uitroep van vreugde en sing.
66 1 Vir die musiekleier: ’n gedig met instrumentale musiek; ’n lied.
Roep uit tot eer van God, alle lande!
2 Sing en maak musiek tot eer van Sy Naam (Karakter en Outoriteit), lofprys die lof
en eer van Sy Majesteit!
3 Sê vir God: “Hoe wonderlik is U werke!” Deur die grootheid van U krag sal U
vyande hulle aan U onderwerp.
4 Die hele aarde sal neerval voor U en sing en musiek maak tot U eer; hulle sal U
Naam (Karakter en Outoriteit) vir ewig hoog oplig.
5 Hulle sal sê: “Kom en sien die dade van God,” want Sy wonderwerke is groot
teenoor die kinders van die mens.
6 Hy het die see verander in droë land; hulle het te voet deur die rivier gegaan. Daar
het ons ons verheug in Hom.
7 Hy heers vir ewig deur Sy krag; Sy oë sien die nasies raak. Laat die rebelses hulleself
nie oplig nie.
8 Kniel voor God en seën Hom julle volke en laat die stem van Sy lofprysing gehoor
word;
9 Hy wat ons in die lewe hou en nie toelaat dat ons voete wankel nie,
10 want U het ons getoets, o God, U het ons gesuiwer soos ’n mens silwer suiwer.
11 U het ons in die net ingebring, ’n las op ons heupe gelê.
12 U het ons slawe gemaak, ons het deur vuur en deur water gegaan, maar eindelik het
U ons uitgelei na ’n bevredigende plek.
13 Ek sal in U huis ingaan met brandoffers; ek sal my geloftes teenoor U nakom,
14 wat my lippe geuiter het en my mond gepraat het toe ek in die moeilikheid was.
910