ALGEMENE ENDOSSEMENT

(D) Klousules en uitbreiding B is geskrap en vervang deur:
“B. Ten opsigte van eiendom in transito
Verlies of skade aan eiendom in transito (insluitende ruvoer en pitte) vanaf die
plaas tot lewering by die naaste spoorwegstasie, depot, agent of opberger of
tydelike opberging asook terwyl in die stroper met dien verstande dat behalwe
vir verlies as gevolg van brand sal die versekerde aanspreeklik wees vir die
eerste R500 (vyfhonderd rand) ten opsigte van iedere en elke eis.”
(E) Besondere voorwaarde 6 is bygevoeg:
6. Silosakke
Die versekerde moet die instruksies van die vervaardigers streng nakom. Indien
die versekerde in gebreke bly om die instruksies na te kom, sal geen dekking van
toepassing wees by die ontstaan van ‘n verlies nie. Die vervaardigers se
instruksies moet op versoek aan die maatskappy gelewer word.
(F) Waarborg 1 is geskrap en vervang deur:
“1. Besondere voorwaarde van toepassing op miedens
Ten opsigte van die versekering kragtens hierdie afdeling is dit 'n voorwaarde wat
enige aanspreeklikheid van die maatskappy voorafgaan dat enige miedens
bestaande uit oulandsgras (eragrostis) en/of veldgras hierkragtens verseker, sal
bestaan uit gras wat gedurende die huidige seisoen gesny is.
Origens onderhewig aan die terme, voorwaardes en uitsonderings van hierdie
afdeling en polis.”
(G) Besondere voorwaarde 2 is bygevoeg:
2. Besondere voorwaarde van toepassing op ruvoer
Ten opsigte van die versekering kragtens hierdie afdeling is dit 'n voorwaarde wat
enige aanspreeklikheid van die maatskappy voorafgaan dat:
(a) ‘n terrein van minstens 10 (tien) meter wyd om elke mied/stapel of groep
miedens/stapels wat een brandrisiko vorm moet skoon gehou word van
alle brandbare materiaal en plantegroei
(b) ‘n terrein van minstens 5 (vyf) meter wyd om elke gebou waarin ruvoer
geberg word moet skoon gehou word van alle brandbare materiaal en
plantegroei.
Een of meer miedens/stapels of groepe miedens/stapels wat gesamentlik nie
R500 000 (vyfhonderd duisend rand) in waarde oorskry nie en ten minste 100
(eenhonderd) meter van ‘n ander geleë is beskou sal word om een brandrisiko te
vorm.
(H) Besondere voorwaarde 3 is bygevoeg:
3. Besondere voorwaarde van toepassing op silosakke
Ten opsigte van die versekering kragtens hierdie afdeling is dit 'n voorwaarde wat
enige aanspreeklikheid van die maatskappy voorafgaan dat:
(a) ‘n terrein van minstens 10 (tien) meter wyd rondom ‘n groep silosakke
skoongehou moet word van alle brandbare materiaal en plantegroei
(b) ‘n terrein van minstens 2 (twee) meter wyd rondom elke silosak
skoongehou moet word van alle brandbare materiaal en plantegroei wat
deel vorm van ‘n groep silosakke.
AGRIPLUS (ALGEMENE ENDOSSEMENT) Uitleg 1 (Bladsy 30 van 33) 12/2010