ALGEMENE ENDOSSEMENT

(E) Uitbreiding 2 Brandbluskoste
Die perk is verhoog vanaf R5 000 na R7 500 (seweduisend vyfhonderd rand).
(F) Uitbreiding 5 Skade aan buitebande
Die perk is verhoog vanaf R3 000 na R5 000 (vyfduisend rand).
(b) is geskrap en vervang deur:
“(b) die versekerde sal verantwoordelik wees vir die eerste 10% (tien persent)
met ‘n minimum van R500 (vyfhonderd rand) van iedere en elke eis”.
31. Afdeling: Gemeenregtelike aanspreeklikheid ingesluit kommersiële jag en
wildbesigtiging
(A) Besondere uitsondering 11 is geskrap en vervang deur:
“11. die eerste bedrag betaalbaar
Die versekerde is verantwoordelik vir die eerste bedrag betaalbaar in die bylae
en/of in hierdie afdeling vermeld van enige eis of aantal eise wat voortspruit uit
alle gebeurtenisse van ‘n reeks wat volg op of toe te skryf is aan enige enkele
bron of oorspronklike oorsaak. Die bepalings van hierdie klousule is van
toepassing op eise wat voortspruit uit skade en is van toepassing op koste en
uitgawe wat deur die versekerde aangegaan word.”
(B) Besondere uitsondering 12 (c) is geskrap en vervang deur:
“(c) verspreiding van brand na aangrensende persele as gevolg van brand en
ontploffing”
(C) Uitbreiding 13 Regsverdedigingskoste - Die Wette is geskrap en vervang deur:
“Die Wette
Die Wet op Beroepsgesondheid en Veiligheid Nr. 85 van 1993 (soos gewysig)
Die Myn, Gesondheid en Veiligheidswet Nr. 29 van 1996 (soos gewysig)
Die Elektrisiteitswet Nr. 41 van 1987 (soos gewysig) en/of enige ander Wet of
Ordonnansie wat met die verskaffing van elektrisiteit verband hou
Die Nasionale Wet op Veld- en Bosbrande Nr. 101 van 1998 (soos gewysig).
Almal saamgelees met die Strafproseswet Nr. 51 van 1977 (soos gewysig)”
(D) Uitbreiding 14 Onregmatige inhegtenisname en laster
Die limiete van R50 000 en R100 000 is onderskeidelik verhoog na R75 000 (vyf en
sewentigduisend rand) en R150 000 (honderd en vyftigduisend rand).
(E) Uitbreiding 21 is geskrap en vervang deur:
“21. Brandbluskoste of watergooi kostes deur lugvaartuie (Indien in die bylae as
ingesluit vermeld)
As teenprestasie vir die betaling van ‘n bykomende premie is hierdie afdeling
uitgebrei om dekking in te sluit vir alle kostes noodwendig aangegaan met
watergooi aktiwiteite of enige ander brandbestrydingmetodes om verspreiding van
brand vanaf die versekerde na enige derdeparty eiendom te voorkom met dien
verstande dat:
(a) sodanige derdeparty eiendom in gevaar was as gevolg van sodanige brand
(b) dekking in terme die uitbreiding alleenlik van toepassing sal wees indien
uitbreiding 22 Verspreiding van brand of uitbreiding 23 Plantasies, woude en
suikerriet van die afdeling van krag is
(c) die maatskappy se aanspreeklikheid vir enige enkele gebeurtenis of reeks
gebeurtenisse met een oorspronklike oorsaak of bron, nie die bedrag in die
bylae vermeld vir hierdie uitbreiding sal oorskry nie
AGRIPLUS (ALGEMENE ENDOSSEMENT) Uitleg 1 (Bladsy 32 van 33) 12/2010